呢間牛角係我晌紐約最愛的餐館之一.
其實識呢間餐館係因為一個game, 係, 無錯, PS2 GAME, “燒肉奉行”!
有日行過St. Mark’s, 居然見到, 就即刻走左去試. 一試就上左癮…
都有幾個月無去喇, 上個星期又返去幫襯佢喇.
最鍾意食既係佢個特上厚切牛舌, 次次去都必叫.
另外, 今次仲好豪地試左美國KOBE BEEF, 都幾肥架, 一放落去d 油就”必”到個火都標到”撼撼聲”!
仲試左味僧豬肉同甜品, 美味! 不過唔記得影相…
得返個空Grill… heeeheeeeee
甜品: Gyu-Kaku Ice Cream
食物評分: 8/10
服務評分: 8/10
總評分: 8/10
星期五, 同我Best Friend 等一行四人去左食泰國菜.
其實上個星期已經晌Manhattan 食過一餐泰國菜, 今個星期又想食, 咁就試下Brooklyn 新興既地區, Williamsburg.
以前覺得呢個區好得人驚, 因為會有好多黑人, 同ok 多劫案發生. 呢兩年好左, 而且多左好多餐館, 係一個幾多年青人去既新蒲點.
食既呢間泰國餐館個氣氛幾好, 一入去有一個類似水池類既位置, 旁邊有d 雙人既座位, 黑黑地點住蠟燭, 坐晌水邊食飯, 幾正.
食物方面, 過得去啦.
不過去呢間餐館有一點要注意, 如果好似我地咁星期五晚去, 大概天黑到8 點左右, 裡面d 燈光會越黎越暗. 開始會有dj 打碟, 音樂聲會令到大家講野聲腺都大d. 好多人會晌bar 檯飲野, 氣氛會變得好pub feel, 亦都會見到好多型男索女.
仲有不得不提佢個廁所… 設計好特別, 好似一個圓柱體咁, 入面仲有部LCD 睇到出面bar 檯同餐館外面, 好偷窺feel..
食物評分: 7/10
服務評分: 6/10
總評分: 7/10
星期日晌Staten Island 食左餐日式鐵板燒, 第一次咋.
感覺係, 唔得.
最精彩係個師傅玩既刀法.
味道麻麻, 服務麻麻.
個waiter 哥哥夠膽死唔解釋有甜品跟餐, 好唔專業.
最搞笑係個師傅知我地係廣東人, 爆左句: “好囉, 唔使扮日本人”!
但係如果有小朋友既, 就當睇show 都ok 啦.
食物評分: 5/10
服務評分: 4/10
總評分: 5/10