最近幾日看新聞,香港發生的一件金毛尋回犬咬人的事件…

逗狗玩14歲女遭噬臉

(太陽報 1月23日)

美少女慘遭「狗吻」毀容!十四歲愛心少女昨午在大埔參加野外活動時,遇見女村民拖着兩頭狗散步,她看見其中金毛尋回犬極為可愛,趨前與牠逗玩,惟惹來無妄之災,突遭牠撲前咬傷臉部,因傷口頗深,她送院後需要縫針。另外,元朗亦有女子被狗噬傷。

傷口須縫針恐破相

受傷女事主趁周末期間與十餘名友人,由導師帶領到九龍坑山衛奕信徑參加野外活動。直至昨午一時許,他們在山徑遇到兩名女子各拖着狗隻行山散步,女事主見其中一隻金毛尋回犬溫馴乖巧,遂向狗主說:「可唔可以摸吓佢呀?」狗主見她亦是愛狗之人,因此點頭同意,女事主便歡天喜地上前逗玩。

豈料,該隻金毛尋回犬疑對陌生人有抗拒,在女事主與牠玩耍時,突然撲向她咬傷左邊臉部。

同行友人見狀立即代為報警,救護員到場敷藥後,由友人陪同送院,由於傷口頗深,需要進行縫針手術,其母聞訊趕到醫院了解,獲悉愛女恐會破相,極為憂心。

皮膚科醫生史泰祖表示,如有人被狗咬傷,首先要確認有關狗隻有否接受防疫注射,並需接受觀察以防感染。

另外,被咬的傷口參差不齊,皮下組織如受損,可能會影響愈合造成疤痕。

很多人有誤解,認為金毛尋回犬唔會咬人,錯!

所有狗都會有攻擊性,尤其當佢地覺得生命受到威脅時。

自己身為狗主,即使知道自己隻狗無惡意,但係每次有人問可否摸摸的時候我都會教人唔好好興奮地馬上摸狗狗的頭。

試想,一個michael jordan 或者姚明咁高的人走埋0黎你度(當你5尺多),突然出手不停摸你個頭,你會怎樣?

我們的身高對於狗狗來說,是龐然大物。直接走向它們,對於它們來說,有一定威脅性。

下次見到人家的狗狗,又想逗樂的話,sam媽建議以下幾點:
-先問準主人,狗狗可否讓陌生人撫摸
-不要馬上上前俯身撫摸
- 把手指彎曲,先慢慢遞向狗狗,等它先聞聞你的氣味
-如果遇到興奮的金毛尋回犬時,小心被撲
-和陌生狗狗玩的時候,請你個人也不要太興奮!人類的情緒可以直接影響狗狗,tough play (例如把手不停地在狗狗面前晃動,這樣它不可能不撲你!!!)

記住,金毛尋回犬屬性是比較溫和,但不代表你可以對它做任何事情!

我想講,一件早幾日發生0既事情…

平時去park,Sam媽唔會帶零食,因為試過SamSam好細0既時候,有一次去某個dog run,俾狗圍兼推跌過….

不過因為最近都train 緊SamSam,所以身上一定會袋住treat,隨時train佢。

咁公園裡面,有隻狗呢,叫Princess,超無manner。

又或者應該講,係關個主人事,佢係完全唔理隻狗,就咁放左佢繩,就自己企埋一邊吹水。

個主人夠膽死,明明一班人連佢自己見到隻狗開大,佢都望另外一邊,當睇唔到。

試過一次,我地有人同佢講,喂,你隻狗屙左响0個邊呀。

佢話: 邊呀?0個邊?that's not helping!

你如果係有看住你隻狗,點會睇唔到呀!!!

以往,呢隻狗都已經成日偷我地D 波,死都唔還架啦,有時候,我地都寧願走遠d,去第度玩~

佢仲有一樣野好黑人憎0既,就係如果佢知你有treat,又或者你以前俾過treat佢,佢會好好記性,係咁撲你,逼你俾野佢食。

試過有人俾佢逼到叫佢主人,個死人主人都只係笑笑口,叫隻狗個名幾聲就算。

咁今次呢,就係Sam媽做作受害者…

係咁俾呢隻死狗跳,用個口撩個衫袋!!!!

個衰主人就係咁响度笑話,"你梗係有treat啦!" "你係咪有treat呀?"

我就掛住避隻狗,無出聲。

Sam爸唔抵得頸,"有treat 都唔代表你隻狗可以咁樣"

衰主人: "你0黎得park 就唔應該帶treat,呢D 係狗0既天性"

Sam爸: "咁即係個女仔俾人強姦就抵佢死,因為佢著短裙啦?!"

佢真係好過份囉,咁樣0黎歸咎落隻狗度,完全唔覺得自己有問題!!!

另外就係,其他0個D 狗主都有責任,係又俾treat唔係又俾treat,搞到D 狗無晒manner。好多狗狗都會有食物敏感,如果你唔清楚就俾,點知人地隻狗會有咩問題?!

又或者人地有strict diet 呢?

餵treat,唔代表對狗狗係好。

所以奉勸各位狗主,唔好隨便餵treat!

好友的狗狗,前幾日去了彩虹橋。

同Teddy相處的時間不多,但好記得每次去他家,按鈴後,就會聽到他"踏踏踏",再衝落樓梯,撞上門的聲音。

結果試過幾次後,我都不敢再按鈴,只會打電話給朋友,告訴她,我到門口了。

還記得朋友訴說Teddy 小時候的百厭事蹟,咬破牆壁的事情…

當留學外地的朋友留言說,狗狗有問題,如果她媽媽需要幫忙,問我可否幫幫?

絕對沒有問題!

可惜,我連求救電話都未接到,就被告知,Teddy 走了…

還差2月就16歲,Teddy,願你再彩虹橋上繼續開心生活,繼續百厭!!

睇左一篇訪問,我睇到把幾火!!

被訪人一個人响唐樓養9隻大狗,本來我很佩服佢,加埋佢話大部分都係收養番0黎,原是一件好事。

但Sam媽真係一路睇一路鬧…

大家先睇一睇個訪問先:

—————————————
交易通  – 982期

Pet Book
我愛大狗狗
2010年11月17日

你有冇想像過同一班大狗共處一室會係點?如果唔係主人 Kaby事先聲明,話啲狗狗好熱情冇惡意,否則記者見到有大白熊、聖班納、都柏文等大狗列隊歡迎自己,一定嚇到腳仔軟!

別人收養狗狗,多數以細狗居多,但 Kaby自細鍾情大狗,貪佢哋夠忠心個樣又夠傻。除咗第一隻收養嘅三腳曲架 BB外,其餘唔大唔養,所以家住喺 600呎嘅唐樓單位,成個廳只得一個電視櫃同雪櫃,其餘空間 晒 9隻狗狗住,記者只可以用偉大嚟形容 Kaby,照顧隻隻過百磅嘅狗,少啲體力都唔掂!

要入去 Kaby屋企,只可以開少少門罅,否則所有狗會衝晒出去。記者同攝影師好唔容易入到去,面對嘅場面何其壯觀,記者與攝影師被眾龐然巨物圍攻,有兩隻即刻搜略記者嘅包包,另外又有幾隻向我哋前撲後撞,突然間有雙狗拳向記者個肚腩打過嚟,快到連記者都唔知俾邊隻突襲,全程記者同攝影師惟有舉起雙手,企定定任佢哋推撞,等佢哋熟習有外人喺度,最後經過 15分鐘,記者頂唔順,拉咗 Kaby喺閘外露台做訪問。

Kaby笑笑口話:「我啲朋友嚟到,必定經歷呢個情況,但佢哋冇惡意,只係對你好奇,好似伯恩山混金毛嘅 Taiya突襲你個肚腩,只係想同你抱抱。」家中所有狗狗,全部都係 Kaby領養返嚟,佢話每隻狗背後都有一個悲慘故事,好似令記者留下深刻印象嘅大白熊 Ginny,當其他狗發晒癲跳嚟跳去,佢就好冷靜靜咁伏喺地上,佢嘅身世都好可憐。

「兩年前有狗義工見到,有 2隻大白熊喺青山道快線近洪水橋附近遊蕩,全身好污糟,跟住接佢哋返去,發現佢哋嘅乳頭組織壞死,相信係因為過度繁殖,再生唔到 BB,被繁殖者放逐,義工知我鍾意大狗,急 call我幫手,帶佢哋去睇獸醫,發現佢哋有皮膚病、牛蜱熱,需要切除壞死組織保命,否則細菌感染手尾好長,最後義工同我分別收養一隻。」

帶狗散步俾人鬧

好多人唔養大狗一來冇地方,二來怕佢哋惡,但 Kaby不單放棄個廳唔放傢俬,畀狗狗多啲活動空間, Kaby開寵物店,喺每日放工後十點幾返到屋企,仲會陪佢哋玩到半夜 3點先瞓,好似趁夜晚冇人,佢會同男朋友用狗帶牽住狗狗落公園散步,分 2次帶, 1次 4隻, 1次 5隻,如果有朋友到訪就一次過帶晒 9隻。

「有試過俾途人鬧,話:『有冇搞錯,養咁多隻大狗!唔好俾佢哋周圍走咬人!』我覺得呢啲人好偏激,大狗一啲都唔惡,佢哋唔會亂去咬人,唔好畀佢哋身形嚇親。」記者好有同感,好多時係細狗惡過大狗,呢班大狗平時好乖唔會嘈,只係偶爾吠兩聲,所以 Kaby住喺呢度 3年幾,都冇俾鄰居投訴,甚至有啲都唔知佢養咗咁多隻狗!

問 Kaby用咗幾多錢係呢班狗狗身上,佢話都係有限錢,反而救其他狗仲用得多錢。「好似之前喺街度執到隻發狗瘟嘅狗,我用咗成 2萬蚊去醫佢,可惜最後都醫唔番。我覺得只要佢哋健康,我負擔大啲都值得。」最難得係得到男朋友支持,同佢一齊照顧班狗狗,放假一有時間就同男朋友逐隻狗狗帶去行山、游水等。問 Kaby仲會唔會收養,佢話體力再負荷唔到咁多,暫時都唔會啦!

—————————————

大家有無留意highlight 0左個段?

Sam媽明白狗狗係好容易興奮,自己隻狗亦係表表者,但係唔代表無問題。

咩叫無惡意,只係想抱抱?!

呢個係人0既想法,自己一廂情願0既想法!!!

同埋一早知道狗狗會撲人,有人到訪0既時候,點解唔一早做好準備,防止佢地撲呀?

隻隻都係大狗,咁撲人法,真係好唔得。收養得番0黎,點解唔好好教?

仲有Door dasher呢個問題,點解唔教狗狗,開門唔代表可以衝出去??

咁當然,佢番工咁忙都肯同狗狗玩,去街街,行山同游水係值得一讚!

大家,養狗同準備養狗0既,請想清楚你究竟有無咁0既時間,耐性同體力先決定係咪要養狗!!

狗狗們無得揀主人,你0既決定係影響佢0地0既一生!

請三思~

如果SamSam都可以就發達喇,可惜…

我只可以寄望佢唔好將D 0野通屋放,咁我就心滿意足喇!

記得"小黑同笨笨" 有個教訓就係,"笨笨"試過做乖仔,將佢D 玩具好好'手尾'咁,放晒落……………………………………………………………..馬桶!!

就係因為咁,所以我都係決定唔train SamSam執玩具!