繼Facebook偉大之處: 再遇你, 我又再見一位好耐好耐好耐都無消息的朋友.
其實大概幾個月前, 曾經見過佢家姐, 都有問過朋友AL的近況.
高中畢業後, 聽其他朋友提過AL 去左Navy.
美國未打伊拉克時, 沒有想過自己朋友會有份, 因為一直都覺得Navy 唔太需要做前腺工作.
見到AL 家姐的時候, 佢同我講話AL 去左伊拉克, 當時個心有d 沉左一下.
話晒以前同AL 都幾friend…
AL 家姐話, 因為Navy 唔准佢地同家人講, 所以佢地都係因為無左AL 消息, 又過左一段時間AL 自己寫信返先知. 真係嚇餐死!!!
AL 最近服完役, 唔使再去!
唔知佢點呢, 係時候同佢食餐飯, 傾下計啦…
省錢大作戰之情人節, 自己煮~
唔想同人逼, 又唔想使錢, 但又想應節, 買左呢d
塊扒呢, 係個師傅切好擺, 唔係有心買心型架
價錢都好似係$25左右, 仲要呢件係有機牛! 勁~
好好味…
心型意大利雲吞就係有心, 應下節都要嘛!
呢個好似$6, 味道麻麻
最後超懶之作… 買盒裝mixture 整餅… 但係都係失敗的… 
早幾日抽起條根, 想飲星星咖啡…
買完返到公司, 覺得做乜隻杯好似咁輕既?
一打開… 我一啖都未飲就得咁多…
咁點先?
仲幫唔幫襯好呀? 
今年新年節目都幾特別, 就係再睇多次陳奕迅演唱會喇~
因為晌香港睇左貴位, 所以今次只係坐比較平.
不過, 睇完香港, 再聽呢度d 音響同舞台設計, 真係無話可說… 
Rundown 同香港唔多同, 多左d 國語歌, 少左d 片, smooth 左好多!
Eason 跳到條褲個膝蓋位爛左, 唔知佢有冇spare 去之後幾場呢?!
睇Eason 演唱會真係好正, 不過佢第一次黎仲正!
因為, 上次佢唱到跳左落台, 跑左個圈! 
最正, 就一定係晌酒店撞到佢, 影左相~ yeah~
小時候的廣州花市沒有現在的好逛, 只是把一條最繁忙最多人經過的大街搭起棚架, 大概有十日左右可以行花市!
而我住的地方離花市只有200百米左右, 所以幾乎晚晚吃飽飯便會散步花市去~
記得, 當氫氣球還是很貴又不是周圍都有的時候, 試過跟爸爸無牌擺檔!
那時候的氣球是用氣bump 以手力打氣, 再把氣球紮在膠圈, 再用膠棍篤起…
爸爸有個好得意的氣bump, 本來用作單車打氣, 用腳踏, 更會有好大聲的怪叫!
不過, 這個氣bump 成為了我們的賣點! 因為打氣比別人快, 而且怪叫聲更會令人好奇!!
當然, 因為無牌擺賣, 總會讓人妒忌, 更會惹來管理人員~ 所以每次我們都只會擺兩三個小時
過了很多年, 終於幾年前再回到廣州過年時, 再玩過一次年宵擺賣.
這次是有牌的!!! heeeheee…
因為表姐的朋友投得一個攤位, 見我又有興趣, 於是在年三十晚團年後, 殺到十多年我都未逛過的廣州花市!
好多人之餘, 還有好多兒時的記憶…
例如, 用風機做的棉花糖, 好像風琴的小燈籠~
我們一班表妹表弟幫表姐的朋友勁賣, 結果當然非常好! 
不過都已經好多年前的事了, 紐約的農曆新年… 依然沒有把我最愛的年宵花市, 帶來最濃厚的過節感覺