地喱sir思皮 = Delicious Skin = Sam爸's skin 
最近發覺SamSam有個奇怪0既行為…
佢一痴埋Sam爸身邊就會舔佢!
唔係普通舔，我地覺得係有D obsessive… 
例如，食飯0既時候，SamSam係會趴响飯檯底，如果Sam爸著短褲0個日就煩啦… 佢會係咁黎!!
就算推開佢，佢擰一擰個頭，停一停，再黎過。
佢對我唔會咁，我一話Enough 佢就唔會再黎~
有時行過Sam爸身邊，佢都會無啦啦走去舔佢幾下先行返開去做佢本來想做0既野…
究竟Sam爸D 皮膚有D 乜味領到SamSam係咁舔呢??
點解?!??????!
點解出個死人豬流感出黎?!
點解呢個死人豬流感發源於墨西哥!!?!!
而家真係唔知可以點… 
雖然新聞一直都淨係話出事0既係Mexico City，黎Cancun都幾遠，但係而家alarm level 已經係4，如果升到5 就唔俾出入該國…
咁我點呀?
同埋就算自己去到，都唔敢叫D 朋友去啦，如果佢地有乜事，唔得掂!!!
仲有3個月，現時真係只有寄望呢檀野可以快快脆脆搞掂啦!
講真，如果3 個月都搞唔掂，以而家0既傳染速度，到時… 全世界都應該瀬晒野~
p.s. 對呢件事，我比想像中平靜… 唔似平時0既我，點解呢??
本來一朝早陽光普照，繼續好天，即使係星期一，心情都係好D~ 
响公司影Battery Park，nice and peaceful!
做做下野，聽見班高層突然哄動，但係聽唔清楚，唔知乜事…
結果聽到咁上下，收到內部email，終於知道係話頭先好多人見到Air Force 1飛過!
我呢D 小職員連窗邊都唔近，走入去conference room 望下，八下，嘩! 樓下咁多人0既???
遽聞附近好幾座building 都evacuated 左… 咁大件事??
點解我地唔使架? 33樓wor… 有咩事，好大穫0者……….
結果，咩事都無發生… 出動到Air Force 1 居然係為影相!!!
http://hk.news.yahoo.com/article/090427/8/bw8n.html
以下呢張相係隔離group 老細個老公响Staten Island影，部飛機真係飛到超低囉~
2部F16 加一部Air Force 1…
但係成件事真係好過份… 明知紐約D 人經過911已經超敏感，你部飛機仲飛到咁低，之前又無通知各大公司/大樓，個個而家就卸膊話唔知，低能!!
同埋你咁一搞，幾千人同時間緊急疏散，真係玩呀?!
FAA 呢鋪有排俾人插!
又過左個忙碌0既星期日啦~ 睇下我地呢個星期又搞過D 咩!
當然又係去park 先啦，咁好天，睇下幾多人&狗!!
最緊要係，呢張相Sam爸最想影俾0個D 成日話BB 同狗狗唔可以一齊存活0既廢人們!
其實一早溫度都已經幾高，搞到狗地都唔多願郁… 個個扯晒蝦~
結果… 我地金毛一族意外地形成左呢張搞野相~
左起狗地: George, Madison, SamSam
左起人地: Madison媽, Sam媽, George媽
踏正9 點閃人… 好少有!
當然話明忙碌就唔係咁少野啦…
各家長帶狗狗返屋企小休一下，11點轉戰新地方!
有個狗主介紹我地去一個遠D 0既park，話狗狗可以游水~
個park 响Long Island，叫Hempstead State Park，停車要俾$6，响唔知得唔得0既情況下，我地金毛族照殺入去!!!
其實0個度有好多湖，明文規定係唔可以游，不過真係個個都偷雞响某一個屬於可以放狗0既地方裡面個湖度游，去到已經有狗地在游!
George 同Madison 以前已經落過水，所以佢地主人一到就放繩，兩條友一支箭飛左落去。
SamSam第一次落水咋，唔係好知做緊乜，係咁好興奮地撲水…望住佢D 朋友仔都唔敢游過去~
玩得兩玩，突然識游呀!
游完3 隻傻瓜仲可以繼續跑，勁好精力，喪開心!
玩完返屋企途中，SamSam係第一次自己坐後面無搞搞陣之餘，咪埋眼訓!!
難得終於搵到個地方狗地可以游水，D 水又幾乾淨，唔使擔心佢地好似游完海水咁會爛poo poo~ 我地約定，如果下個星期都係咁好天，會再黎多次! 
Sam媽個Best Friend又係今年結婚，大事定左十月。
條友搞到有咁"炆"得咁"炆"，下個禮拜影Pre-Wedding相，呢個禮拜先同佢去揀衫…
佢揀左呢間婚紗鋪價錢黎講幾OK，$3600包影Pre-Wedding(內景同外景，包女仔6套衫); 結婚當日0既影相，Video，化妝連造型同D 衫(新人同bridal party)，好似連limo 都包。
我之前未見過間鋪D 相，直到陪佢揀衫0個日。
咁講啦，每個人要求唔同… 有咁0既客先會有咁0既店鋪。 中國人都係要平(靚正)為主~
唔係話間鋪唔好，不過我個人真係太buy Masalili
，所以當我一望見佢牆上賣弄photoshop effect 0既相，我當堂覺得使多D 錢去台灣影係抵!!!
Best Friend响我入去之前已經試緊，所以我都係直接走入去睇下佢搞成點。
由於佢屬於高挑身形，又有少少肉地，唔係咁容易搵到佢size 0既衫。我八掛去掀下間鋪掛出黎D 衫，D 顏色真係誇啦啦~
一路幫眼睇下佢試衫，佢一路話唔知揀咩好，咁我就問佢，你決定左影D 咩景呀，容易D 搵wor。個店員就話，"唔係架，係你揀好衫，到時個攝影師再決定幫你用咩景!"
下??
咁架? 台灣唔係架嘛… 皆因，呢度內景係拉背景影晒一日~
由於真係唔多款可以俾B.F. 揀，個店員就話，"你不如揀D 日本呀，韓國呀0個D 啦，好多人都影0個D 架。"
我同B.F.同一時間高呼: "NO!!!!"
真係未俾人笑死過咩… B.F.個未來老公… 超巨型身材，唔work! (個姐姐知架!)
"咁格格0個D 呢?"
"NO~~~~~~~~~~~~~~~"
影外景又點呢?
我地問可唔可以著2 套外景，4套內景?
個姐姐話，"唔得wor，你都無地方換啦~"
我: "我上次都係响車度換咋嘛"
B.F.: "係囉，我OK架!"
姐姐應該好想踢我出店: "咁你想都得0既，但係你個造型又唔變，邊個會留意到你轉到裙呀?"
我: "唔係呀，台灣0個D 好簡單，一早整好個造型盤頭，換0既時候就咁放返D 頭髮落黎咪又一個囉!"
姐姐開始唔好老皮: "唔得架我地，做唔到"
我同B.F. 見到佢咁0既態度，都對望一下，"哦"
繼續試衫!!
搞完一輪，到我!
唔係我又搞多檀，放心，咁0既服務，咁0既素質，我唔稀罕~ (好賤!
)
我要幫B.F. 落單訂佢條Maid of Honor 裙0者~
好彩我死都要跟佢黎，個sales話，時間好"炆"，訂造要成3 個月… 咁耐架?!
佢睇中0既裙就係呢條啦!
另外，因為我條婚紗都未改，順便問下幾多錢… 個姐姐quote 我$100!
唔係呀，平咁多??
我買裙0個度quote 我$300!!
B.F. 話:"你講真架? 你睇下D 裙呀，好似好麻麻…. 咁多改痕!"
我: "小姐，人地D 衫係租架，梗係要成日改來改去架啦，點會唔多痕呀?"
B.F.: "又係wor…"
好啦，個問題黎啦，其實我都有多少驚唔知佢地改唔改得掂，但係$100 同$300 真係相差幾大… 我應唔應該搏?????????
