2009年要過去啦，今年發生太多0既事…
個人方面:
– Cancun 行婚禮
– New York 擺中式酒
– 買屋
– 去左vermont 睇紅葉 (下次要帶SamSam 去)
wedding無論plan 緊定係事後野都好煩…
仲有好多野未做，例如我想整0既wedding album 未整，wedding website 未整好…
SamSam方面:
– 發過惡，而家叫好左
– 可以响屋企自由行
– 去左游水，愛上左水水，而家無水不歡
– 眼睛發炎 (2 次!!)
– 生Wart
呢一年真係無好好休息過，希望0黎緊0既2010可以輕鬆愉快地渡過~~~
祝各blog友新年快樂，狗狗聽教聽話!
我地出年見啦~~~~~
呢次旅行係Sam媽第一次踏足日本，行左好多路，辛苦得黎非常值得。
當然，要俾返D credit Sam爸plan 足整個trip啦。
同時，又都因為呢個trip，先有之後0既"大件事"出現。
去完日本，Sam媽覺得雖然日本人以前0既侵華問題不能抹滅，但佢地公民教育0既成功亦都唔可以抹煞~
相對於東京0既繁華，Sam媽更愛北海道0既寧靜。
好希望再去呀~~~~~
我要睇夏天0既薰衣草田，冬天0既雪祭~~~~
重溫是次旅行:
07日本遊 – planning
07 日本遊 – day 2 (札幌 – 小樽 – 札幌) part 2
07 日本遊 – day 5 (登別 – 札榥) part 1
07 日本遊 – day 5 (登別 – 札榥) part 2
07 日本遊 – day 7 (札榥 – 東京) part 1
07 日本遊 – day 7 (札榥 – 東京) part 2
07 日本遊 – day 8 (東京)
07 日本遊 – day 9 (東京) part 1
07 日本遊 – day 9 (東京) part 2
07 日本遊 – day 10 (東京) last day!
今年聖誕响星期五，公司星期四就放半日，變相多左好多時間hea。
星期四Christmas Eve，Sam媽第一次去左拔火罐!!
拔完呢，隻手鬆左好多，開心~~~~~
(boy 爸好野!!!!
）
可惜之前一晚，Sam爸Sam媽同時病倒，作感冒，想死….
結果當晚玩得未夠盡興…
朋友今年生左BB，第一次整X'mas tree，平夾靚，$20咋! (唔包ornament)
聖誕當日，帶左Sam公Sam婆去新屋，似乎兩老都幾滿意~
夜晚去左食韓國野，大大煲海鮮煲都係$45!
Boxing day下大雨，有考慮唔帶SamSam去朋友度。
但係一年先一次可以帶埋SamSam出席聚會，寧願自己辛苦d 睇住佢，都要帶埋佢去! (事關唔係個個都俾我地帶狗出席，SamSam又過份hyper，咁我地又唔想成日放低佢出左去)
主人家一腳踢搞掂食物同飲品!
表妹第二年响西雅圖飛過黎同我地過，今年帶埋佢去。
佢好鐘意SamSam，成日話帶佢返去
Sam爸話，ok，不過3 歲要俾返我地
SamSam 表演海豚跳!!
做咩咁驚，夾晒尾尾?
主人家有隻hamster，SamSam初時好驚，唔敢行埋去。
之後好大膽，走埋去聞，聞得兩野就吠。
主人家唯有收埋ham ham响廁所~
禮物分兩part，一part 係大禮物，價值需要$25以上。
另一part 係fun gift。
Fun gift 今年真係咩都有!!
即食麵，皮蛋，午餐肉都有…
我地0個D 就抵死D，有一隻乳牛杯，4 隻腳好似乳牛乳房咁，好得意架!
另外仲有流行感冒欣物，口罩一個!
個個都有禮物，Sam媽今年銀根短缺，SamSam禮物都縮水，只有怪雞一隻同聖誕theme 牛皮骨一塊~
連續4 日去park兼boxing day 0既癲狂一日後，星期日去完park幫個傻仔沖左涼，之後佢自己走返入籠，訓到暈左咁…
我地take nap 前同醒左之後佢都係同一個position，撩極佢都唔理我地，就算表妹搞佢都唔郁(平時聽到表妹起身，SamSam會fing 到條尾斷咁架
)
張氏一家派出雪地SamSam祝各位聖誕快樂~~~~~~~~~~~~~~
呢個小朋友係SamSam 0既新朋友，7個月大狼狗puppy，叫做Atlas!
係咪好靚仔呢?
但其實，Atlas 係一個可憐0既小朋友…
認識Atlas 的時間，大概係佢4 個月左右。當時耳仔都未豎起，非常可愛0既BB 樣。
當時仲同Sam爸笑，4 個月已經咁大隻，不過都未夠之前SamSam讀書認識0個隻咁大!
之後有一段時間見到佢地，0個時同佢主人未算好熟，但係開始見到Atlas 0既後腿有彎曲現象，仲成日訓低响地。Sam媽就話，死啦，個小朋友唔係CHD 呀?!
結果有一輪無見過Atlas 响park 出現，直到最近…
同佢主人傾開，佢地話睇左好多唔同醫生，都話Atlas 唔係CHD，大家都唔知道咩原因…
最後有個獸醫同佢講，話Atlas 應該係骨質增生之類，每行一步佢都會痛，所以後腳彎曲，無力支持佢個身令佢可以好似其他狗狗咁跑。
好多時見佢好想去追波追狗，但係跑兩步就要停，只可以趴响地'e e un un'咁望住人，0個下好鬼心酸…
主人話同個breeder 講返Atlas 0既情況，個breeder 話佢地可以換過隻狗狗，不過Atlas 0既下場會係死路一條
Atlas 主人唔忍心，而且都養左一段時間，所以佢地決定keep 返Atlas!
因為Atlas 唔願食糧，一路係咁瘦。佢地用盡方法，試盡各種糧，呢排終於搵0岩啦，就係食BARF!
Atlas 成為SamSam身邊第一個食BARF 0既朋友。食左2個星期左右，主人話Atlas 肥左又有力左，實在太好啦!
星期日佢地仲帶埋Atlas 去park玩雪，睇見佢行得快過平時，又同SamSam摔角，感到欣慰~~~
佢主人話獸醫同佢地講，Atlas 大大下應該會好D wor，希望係啦!