一日都係我呢個狗媽唔好, 識少少扮代表, 凍親Sam

佢其實有鼻水幾日架啦, 不過個個都話應該問題不大, 咁星期六又約左獸醫, 咪等囉…
不過心好痛…

星期六朝早佢肚屙, 跟住成日都唔係點郁, 嚇到我癲左!

帶佢返去寵物店睇獸醫, 一到埠佢成個醒晒, 開心到係咁跑黎跑去

個個見到佢都勁讚佢cute, 我呢個狗媽自然虛榮心作祟, 收晒~

獸醫話佢應該係感冒, 俾左d藥, 會驗佢d poop poop, 星期一打去睇報告

個心鬆返d, 但係Sam 真係好瘦, 希望佢肯食返多d 野~

跟住尋日帶佢返史島見下太上皇, 唔知係咪食左藥, Sam 好0爹, 同係咁訓~

p.s. 今朝佢生猛返好多, 肚仔都好返, phew~

SmikYbY8qhoYF3Q9KNu5nQ

呢兩日好多人都問我點解叫佢Sam?

其實係因為大王好鍾意I Am Legend裡面隻狗狗 (我地知0個隻係狗女), 所以先會起呢個名.

第一日, 我晌屋企陪佢, 但係Sam 唔肯食野仲留鼻水, 擔心死人!
仲有呀, 勁喊囉… 搞到我失魂落魄跟埋佢喊

今日, 個個返晒工, 要留佢晌屋企好多個鐘, 放工簡直係心急如焚, 飛住走!
好彩Sam 都ok… 鬆左啖氣~
不過佢今日開始食返d 野之餘, 仲開始四圍搵野咬… 我隻手就梗係重災區啦!!!

一唔晌佢個圈到, 佢就周圍放低幾兩, 做到我趴晌到………….

講真, 呢幾晚又都訓唔好, 驚佢唔知會點, 成個人散晒~

第一次做狗媽唔容易呀………………………………….
HJ1rZBClx3O3JSwkitzdvQ

經過都唔知幾耐的掙扎… 小妹終於榮升狗主!!!

同你地介紹我乖仔 – SAM!
佢係金毛尋回犬…

S9W.bLKtQzFAYRQmLfydIQ

佢呢, 好正架, 教左佢一次晌邊度去廁所, 佢之後就次次都去返果個位…
天才!!!! 嘩哈哈哈哈哈~

佢得兩個月大, 換緊牙, 所以都幾咬人, 但接受得到, 唔會好似之前見過一隻勁癲發狂地咬…

暫時報導係咁多, 交返俾睡夢中的Sam Sam!

自從寫完狗癡上身! 之後, 我其實開始尋覓心目中的狗狗…

本來話想養American Eskimo, 睇過好多文章後, 覺得唔太適合我現時的生活習慣, 所以back to beginning, 金毛尋回犬desu~

今個星期終於有機會晌寵物店試下同一隻金毛玩…

結果, 老實講, 嚇窒左我…

話說呢隻金毛女, 個staff 一放手, 佢就係咁跑不但止, 仲係咁咬我同大王!!!

大王好慘, 被隻狗咬穿件衫, 仲有好多條傷痕……

叫d staff 救命, 成幾分鐘先理我地

隻衰狗, 一過手就靜晒, 其他人抱佢都無問題…

哼, 都唔知係咪歧視我同大王!!!

而家我同大王都有d 陰影… 唉~

唔知由幾時開始… 我開始鍾意狗!

細個怕狗, 仲係好怕好怕好怕…

以前屋企養貓, 咁我隻貓好勁, 同佢講野, 佢會好似d 狗咁俾反應!
所以一直都覺得貓係好過狗!

呢幾年, 我變了~ 變到勁鍾意狗

近呢幾日簡直係發癲, 狗癡上身!
返工係咁睇d 狗資料..
今日放工仲係咁晌地鐵見到狗0添…
有個盲人拖住隻好靚好正好乖0既導盲犬, 超吸引

轉車, 又見到有人拖住隻… 不過隻狗個樣係唔夠重量, 好似食唔飽咁, 腳震震…
而個主人有d 問題… 因為佢仲手抱住隻出世應該唔耐的小狗, 個身仲有兩隻白老鼠晌佢件衫領位… 好得人驚  

講左想養狗好耐, 一直都未實行, 因為責任唔少, 話晒都係一條生命, 唔想害狗!

不過真係好想囉…

話時話, 我最近完全係愛上左美國愛斯基摩狗 (American Eskimo)…

我估我… 真係癲左………………………………….

E3Hnc08rD7cE1Xs6lOJkSw