好友的狗狗，前幾日去了彩虹橋。
同Teddy相處的時間不多，但好記得每次去他家，按鈴後，就會聽到他"踏踏踏"，再衝落樓梯，撞上門的聲音。
結果試過幾次後，我都不敢再按鈴，只會打電話給朋友，告訴她，我到門口了。
還記得朋友訴說Teddy 小時候的百厭事蹟，咬破牆壁的事情…
當留學外地的朋友留言說，狗狗有問題，如果她媽媽需要幫忙，問我可否幫幫？
絕對沒有問題！
可惜，我連求救電話都未接到，就被告知，Teddy 走了…
還差2月就16歲，Teddy，願你再彩虹橋上繼續開心生活，繼續百厭!!
因為SamSam整親腳，其實都考慮左好耐去唔去行山。
不過之前一晚睇獸醫，話完全無問題，於是我地就成行啦!
知道有街去，超開心。
放左佢响前面同我坐，無吠過!!! 好明顯係要癡人啦… 
同埋Scotchie一家，去Connecticut，車程大約1個小時，唔算遠。
最緊要係official 可以放繩0個下好!!
兩個小鬼係咁聞，成程個頭都係咁响個地度聞，有咩發現呀??
有人玩越野單車，超利害，因為條路好斜，仲好多石頭，真係要寫個"服"字被佢地!!
原本話會下雨，好彩，一路都有陽光。雖然有點凍，但行行下都會熱，not bad~
同Scotchie都衝左落個臭塘度!!!!
醜樣fing 水髮! 
好彩一路都好多小溪流，逼2 個小朋友下去玩水兼洗番乾淨~
小橋流水，2位靚仔影張相喱?
好耐無見佢兩個咁friend
玩得咁埋~
SamSam一直都有少少跛，都驚佢唔知會唔會有咩事，不過佢玩得好開心，應該都唔記得自己隻腳有事~
想佢兩個再影合照，搞左一大輪，超唔合作。
Scotchie係咁食果實，SamSam就擔天望地。
Sam媽夠手快，影到!!!
臨走，見到2 隻狗狗，係咁追住SamSam玩。
本來都已經行左3 個鐘0既SamSam，俾呢2 個新朋友搞到無晒電~~~
上到車，暈左~ hahahhahahahahahaha!!!
睇左一篇訪問，我睇到把幾火!!
被訪人一個人响唐樓養9隻大狗，本來我很佩服佢，加埋佢話大部分都係收養番0黎，原是一件好事。
但Sam媽真係一路睇一路鬧…
大家先睇一睇個訪問先:
—————————————
交易通 – 982期
Pet Book
我愛大狗狗
2010年11月17日
你有冇想像過同一班大狗共處一室會係點？如果唔係主人 Kaby事先聲明，話啲狗狗好熱情冇惡意，否則記者見到有大白熊、聖班納、都柏文等大狗列隊歡迎自己，一定嚇到腳仔軟！
別人收養狗狗，多數以細狗居多，但 Kaby自細鍾情大狗，貪佢哋夠忠心個樣又夠傻。除咗第一隻收養嘅三腳曲架 BB外，其餘唔大唔養，所以家住喺 600呎嘅唐樓單位，成個廳只得一個電視櫃同雪櫃，其餘空間 晒 9隻狗狗住，記者只可以用偉大嚟形容 Kaby，照顧隻隻過百磅嘅狗，少啲體力都唔掂！
要入去 Kaby屋企，只可以開少少門罅，否則所有狗會衝晒出去。記者同攝影師好唔容易入到去，面對嘅場面何其壯觀，記者與攝影師被眾龐然巨物圍攻，有兩隻即刻搜略記者嘅包包，另外又有幾隻向我哋前撲後撞，突然間有雙狗拳向記者個肚腩打過嚟，快到連記者都唔知俾邊隻突襲，全程記者同攝影師惟有舉起雙手，企定定任佢哋推撞，等佢哋熟習有外人喺度，最後經過 15分鐘，記者頂唔順，拉咗 Kaby喺閘外露台做訪問。
Kaby笑笑口話：「我啲朋友嚟到，必定經歷呢個情況，但佢哋冇惡意，只係對你好奇，好似伯恩山混金毛嘅 Taiya突襲你個肚腩，只係想同你抱抱。」家中所有狗狗，全部都係 Kaby領養返嚟，佢話每隻狗背後都有一個悲慘故事，好似令記者留下深刻印象嘅大白熊 Ginny，當其他狗發晒癲跳嚟跳去，佢就好冷靜靜咁伏喺地上，佢嘅身世都好可憐。
「兩年前有狗義工見到，有 2隻大白熊喺青山道快線近洪水橋附近遊蕩，全身好污糟，跟住接佢哋返去，發現佢哋嘅乳頭組織壞死，相信係因為過度繁殖，再生唔到 BB，被繁殖者放逐，義工知我鍾意大狗，急 call我幫手，帶佢哋去睇獸醫，發現佢哋有皮膚病、牛蜱熱，需要切除壞死組織保命，否則細菌感染手尾好長，最後義工同我分別收養一隻。」
帶狗散步俾人鬧
好多人唔養大狗一來冇地方，二來怕佢哋惡，但 Kaby不單放棄個廳唔放傢俬，畀狗狗多啲活動空間， Kaby開寵物店，喺每日放工後十點幾返到屋企，仲會陪佢哋玩到半夜 3點先瞓，好似趁夜晚冇人，佢會同男朋友用狗帶牽住狗狗落公園散步，分 2次帶， 1次 4隻， 1次 5隻，如果有朋友到訪就一次過帶晒 9隻。
「有試過俾途人鬧，話：『有冇搞錯，養咁多隻大狗！唔好俾佢哋周圍走咬人！』我覺得呢啲人好偏激，大狗一啲都唔惡，佢哋唔會亂去咬人，唔好畀佢哋身形嚇親。」記者好有同感，好多時係細狗惡過大狗，呢班大狗平時好乖唔會嘈，只係偶爾吠兩聲，所以 Kaby住喺呢度 3年幾，都冇俾鄰居投訴，甚至有啲都唔知佢養咗咁多隻狗！
問 Kaby用咗幾多錢係呢班狗狗身上，佢話都係有限錢，反而救其他狗仲用得多錢。「好似之前喺街度執到隻發狗瘟嘅狗，我用咗成 2萬蚊去醫佢，可惜最後都醫唔番。我覺得只要佢哋健康，我負擔大啲都值得。」最難得係得到男朋友支持，同佢一齊照顧班狗狗，放假一有時間就同男朋友逐隻狗狗帶去行山、游水等。問 Kaby仲會唔會收養，佢話體力再負荷唔到咁多，暫時都唔會啦！
—————————————
大家有無留意highlight 0左個段?
Sam媽明白狗狗係好容易興奮，自己隻狗亦係表表者，但係唔代表無問題。
咩叫無惡意，只係想抱抱?!
呢個係人0既想法，自己一廂情願0既想法!!!
同埋一早知道狗狗會撲人，有人到訪0既時候，點解唔一早做好準備，防止佢地撲呀?
隻隻都係大狗，咁撲人法，真係好唔得。收養得番0黎，點解唔好好教？
仲有Door dasher呢個問題，點解唔教狗狗，開門唔代表可以衝出去??
咁當然，佢番工咁忙都肯同狗狗玩，去街街，行山同游水係值得一讚!
大家，養狗同準備養狗0既，請想清楚你究竟有無咁0既時間，耐性同體力先決定係咪要養狗!!
狗狗們無得揀主人，你0既決定係影響佢0地0既一生!
請三思~
星期五晚開始見到SamSam耐唔耐就舔腳，叫佢停，佢會停。
因為平時佢對會咬下腳，咬下呢度0個度，沒有太理會。
星期六去完公園，番0黎見佢又舔，就check 係睇下咩事啦… 腳板無咩唔妥呀…
到夜晚，佢都係不停舔，Sam爸唔抵得頸，再check，突然發現，SamSam左後腳其中一隻腳趾甲成隻唔見左!!!
大驚~~~~~~~~~
佢又唔覺有流血wor… 咁真係唔知佢幾時整親架…….. 掂佢，佢又唔會好大反應~
見佢舔得咁利害，唯有用家裡面的東西隨便包紮一下先…
唔使5 分鐘就同我咬左出0黎
唉，如果Sam媽早D 發現就可以早D 睇醫生，之後係星期日，大部分獸醫都唔開架，點好?!
第二日早上都照去公園，不過無俾波波佢玩，淨係去見下friend，train 下就算。
番到屋企，不停上網搵附近0既獸醫，睇下邊間開。
打左去一間24小時急症醫院，話齋check up 都收$125! 未計包紮呀，其他之類…
佢又無流血，應該唔使睇急症呀?!
繼續搵… 結果搵到間，而且有opening，即刻去!
睇左醫生，basic 檢查，打左支antibiotic，包紮左，再整多支狗房咳，盛惠$170個大洋!!
磅左重，小朋友瘦左，得65磅…
好好笑，未包紮前佢都4 蹄行地，包左之後，死都唔肯用包左0個隻腳落地。
醫生話佢隻腳唔可以濕水，3 日之後番去拆，睇下咩進展($$$$$$$$$$$$
)
即刻去買隻鞋仔佢著，4 隻都係$8，唔貴~
本來買埋個軟套佢帶頭，等佢唔好攪隻腳，但係超貴同無佢size，最後只係穿鞋子就算。
好唔慣，想除，但係隻鞋鞋又幾穩陣wor，佢拆唔到!
見佢係都唔肯行0個隻腳，Sam媽衰衰咁幫佢著埋另一隻腳~
屋企係地板，睇住佢拐下拐下咁行，係咁'sin'… 又唔肯行0個隻腳，真係又好笑又傷心~~~
SamSam响番呢堂之前，因為Sam爸Sam媽外遊，放左响寄宿。所以由Sam爸放工後直接去寄宿度接SamSam去training school。
由於要接Sam公Sam婆機，Sam爸放低SamSam就走。呢堂Sam媽做handler~
其實Week 2 0個堂之後，SamSam去左幾日寄宿，無咩點train 過
好彩平日Sam媽都有clicker train 開佢，問題不大，trainer 唔可能會知
呢堂教0左:
－ 唔再佢一sit 同down就即刻click，而係等1 秒，等2 秒，等3 秒，之後先click 再treat
－ Find It 0既遊戲加左野，要佢望 –> 行前一步 –> Click –> Find it
－ 將每隻狗狗上繩响牆，所有handler 輪流去每隻狗度打招呼。每隻有5秒時間，如果佢sit或者down，就click 同treat (polite greeting)。唔理你或者唔坐0既就無野發生，走開~
其中有隻狗狗呢，Sam媽行埋去，佢低聲woo。即刻問個trainer 咁點呀，trainer話，因為0個隻係細狗，可以試試蹲下叫佢，企响度可能佢會覺得壓力太大wor~
－ 最後就係要狗狗們習慣被handler 抱在懷中，因為好多時去睇獸醫，可能狗狗都會掙扎，如果習慣被抱(settle) 0既話，可以容易好多。呢個細狗好容易，但係大狗就難D，幸而Sam媽一日都黑都同SamSam坐地下，難度不算太高
呢堂呢，SamSam算好聽話，可能寄宿玩到癲左啦~~
是夜，Sam媽要獨自開車上highway，帶SamSam番屋企。
Sam媽因為有陰影，絕少上highway，亦未試過車住隻嘈嘈閉揸30分鐘咁耐。
好彩，平安到家，SamSam亦因為太累，一句都無吠過!!!