因為自己開餐真係唔知食乜好，公仔面係我地呢D 懶人0既救星~
但係… 問題黎啦!
呢幾個星期行唐人超市都發覺搵唔到出前一丁0既野賣… 行左好多間都唔見!
死好彩，上個星期買到2 個杯面，但就唔見一包包0個D~
尋日出唐人街發掘一下，睇下係咪淨係Queens無，唔係wor，真係影都無wor!! 有無人知點解呀???????
得返D 康師傅同唔識0既牌子，買唔落手!
另外呢，張師奶有發現!!
Queens D 野呢，原來新鮮得黎個價係平過唐人街架!! 以前成日都以為唐人街會抵買D，點知行左一大輪，睇到我眼都凸!
好簡單一個例子，西蘭花Queens賣99cents 一磅，最貴都係去到$1.29~ 唐人街賣幾多? $1.79!!! 個樣仲老過我阿媽，發癲~~~~~~~~~~~~
(突然覺得自己真係好師奶
)
p.p.s. 睇左BBQ媽介紹天然洗牙法,唔知呢度D 藥房會唔會有呢? Scottchie 媽，你知唔知呀??