今日落水… 去左park 45分鐘咋~ 好彩都見到亞boy 一齊行左個大運
返屋企食左野, 抹干淨耳仔, 去獸醫度annual check up~
條友由一落車開始就無停過!
係咁衝黎衝去, 見到姑娘又撲, 獸醫又撲…
晌間房度係咁行, 叫佢sit stay, 兩秒唔夠又行過… 超級無耐性!
搞到Doctor 叫我地扯住佢先, 佢focus 唔到答我問題
扯住佢晌身邊就係咁吠, 搞到我兩個好似好無家教咁, 激死人!
上磅結果, 64.5lbs, 一個月重左4.5lbs 
不過亞Doctor 話佢都仲算係偏瘦, 可以加多少少糧wor… 最開心0個個梗係Sam爸啦~
次次去睇獸醫都話佢耳仔發炎, 今次抹干淨先去, 終於過關!!! (Money saved!!
)
睇完返上車, 死左一樣~
都唔明, 佢明明好tired, 但係一出街就照癲… 就算淨係返婆婆度都係咁, 正一來人瘋!!!
真係春天啦~
周圍d 草都出晒黎, Park 個playground都有…
有相為証, 我SamSam係羊/牛合體!
個條罅出0個少少草都要去咬, 'short short'地~
同JC 傾過Sam 0既情況, JC 都話有可能會再發生…
之前幾晚都有同Sam坐低咬豬耳仔, 乜事都冇~
今晚Sam媽獨闖龍潭~ 用返上次令佢發爛0既骨骨(BTW Scotchie媽, 我地係用你上次送0個種骨)
notes: 舊骨好細, 佢可以成舊咬入口
一開頭都冇事, Sam媽一直都攪住佢… 直到放開俾佢自己咬左2-3分鐘左右, 我又要佢drop, 呢次唔肯啦…
我隻手一掂佢個咀, 又wu我, E 牙~
即刻NO佢兼抓實佢個口… 唔想再多幾個孔…………………
軟硬兼施, 唔肯drop!!
我用狗帶纏住佢個咀, 再嘗試掂佢個咀, 一近d 就E 牙…
用平日train 0既小食交換, 唔肯…
用Sam媽整0既餅餅, 唔肯…
到最後我'tum'佢, 你俾啦, mammy 俾雞雞你啦… 佢先有drop 0既意思~
見狀, 我梗係拿拿聲去伶雞雞啦!
叫做成功冇穿冇爛搞掂~
Sam媽熱汗冷汗都出晒….
一個字, 勇!!! (癡膠花
)
~而家仲驚緊~ 
同埋我留意到, 佢最近晌park同d 狗狗會爭樹支不單止, 仲會wu人… 以前唔會, 點解突然間發生咁多野
人地話狗狗有人性，我話我家傻狗唔止夠人性，分分鐘鐘聰明過好多人添!
SamSam係精甩尾0既蠱惑狗，每一晚訓覺時間我地都要同佢鬥智!
有爬開文0既朋友就知道，由於Sam豬依然成日搞搞陣，所以無人0既時候佢係未獲得信任得以自由行~
又都因為係咁啦，佢夜晚0既訓覺地方＝平時我地返工佢hea 0既地方。
為左方便解釋，Sam媽要出賣自己間屋0既平面圖…
响LR 同FY之間有一度閘，平日Sam豬自己响屋企0既活動範圍就係FY + K。
而佢活動0既範圍裡面有糧/水兜，有地毯，有籠。
我地返到屋企就會開返個閘，咁佢就可以自由hea~
到我地訓啦，就會要佢返去FY 0個邊。
呢條友仔，晚晚到咁上下feel 到我地準備入房，佢就會扮野，"劈啪"撻低，訓响飯檯底(圖中DT位置)~
"媽咪你咪搞我啦，我訓左啦~"
最近更加變本加厲，一覺得有D 咩無妥，例如我去沖涼啦，入廚房啦，佢都柄埋自己入去!!!
賊仔眼會係咁碌，睇下你地搞乜~
佢好明顯係扮0既，因為好多時我地專登坐返埋電腦台，佢就砰砰聲出返黎，訓响你腳邊~
如果佢真係累想訓，佢又真係踢都唔郁。
咁點呢，點'tum'都唔會work… 用treat，得，你俾雞雞啦，唔係唔理你!!
晚晚都要鋪條treat 路佢先會返過去… 我地自己又要扮唔係訓，唔望住佢，自己忙其它野… 佢先會起身~
我地仲要夠快手關閘先得，唔係佢食完就會又閃返入去檯底…
成日鬼鬼鼠鼠偷蕃暑!!!
有無計可以唔使搞咁多野呢??
阻滯的增值講過讀書問題，過去0既幾日我其實都繼續考慮緊。
Contact 左兩間遙距學校，其中一間比較有規模，要讀0既話，應該都會係0個間。
以下係讀遙距同讀本地學校0既比較:
| NEU | BC | |
| GMAT | 唔使 | Mid 500 |
| Cost Per Credit | 1,175 | 270 |
| Total Credit | 50 | 30 |
| Title | Master of Business Admin | Master of Science |
1. BC 學校deadline係5 月31日，即係我得唔夠2個月時間要考掂GMAT。(死梗…)
NEU唔使GMAT，8月同9月都有新課程開。
2. 讀完成個遙距課程，要成5萬幾美金… 好甘!!!
3. BC 因為係MS 0既原因，30 分就可以讀完，快好多~ 
4. MBA 好似好聽過MS 
其實讀書另外一個最大0既阻力，係Sam。
响屋企讀書，條友一定會響身邊搞搞陣，好難真係focus到。
同埋如果响本地讀，因為係night class 0既關係，加埋Sam爸一到busy season，問題就大啦。無人睇仔!!!!
有想過究竟需唔需要讀…
老實說，而家咁0既市道，讀多D 書無壞~ 自己又一直都對Marketing 好有興趣… 只是，而家都已經咁忙，我有無可能捱完成個course 呢??