次次返香港都係晌九龍蒲, 因為Sam爸係九龍人~
Sam媽呢d 師奶最愛就梗係去花園街汁平貨啦!
今次Sam媽要求, 要去行多d 香港景點(Sam媽非香港人也~), 再加埋有個N 年都冇返過去0既朋友, 所以, 終於成行!
某weekday, 12點幾開始左我地0既行程
首先去蘭芳園食個brunch!
我個炒丁~ 老實講, 可能expectation 太高啦……………………
仲叫左杯名奶茶… 感覺係, 奶茶好滑, 不過好茶
食飽飽去行下街先~ 石板街!
再去半山行人電梯~
潮人!!!
行過舊警署
行返落山, 好甘… 之後隻腳痛!!!
(圖中從左到右: Sam爸, 兔, 糖)
再行去上環, 途中經過文武廟
目的地: 摩羅街~
似乎香港島D 路唔係大斜就係樓梯, 睇見都辛苦!
尋日去pet store買野俾傻仔咬，見到成間鋪都係聖誕野，忍唔住行左個圈~
但係Sam媽一向都係cheap精，只買平貨，所以收穫不大:
1. 聖誕骨型牛奶片3塊
2. 聖誕發聲膠玩具1個
老實講，我地唔係好重視聖誕節，所以真係係咁意買D 野俾Sam豬，叫做有D 聖誕氣氛就算。
好似一直都無講好多關於大件事0既野，响繼續寫08中港台之前，不如講下呢單大件事其實有幾大?
由決定結婚開始，越滾越大單!
呢檀野絕對係兩岸三地0既大project…
第一單大龍鳳係响廣州(女家嫁女)，共13圍，已經完成
第二單小龍鳳都係响廣州(男家宴客)，共3圍，已經完成
第三單，真正屬於我地想要0既，明年會係墨西哥，只招待最親最close 0既人
第四單，由於並唔係所有人都會被邀請去墨西哥，所以响大禮後一個星期，紐約有另一單大龍鳳，暫定13圍
咁你話係咪大件事啦…
到而家為止，仲有好多野未搞!
– 墨西哥方面，除左俾左訂之外，其他機票同邀請卡之類0既野係未掂過
– 婚紗未改 (自己買0既)
– 紐約方面，連訂都未訂酒樓，淨係留左名!
– 未決定整咩款0既帖… 事源我係"地賽拿"，唔想係咁意買現成野~
.
.
.
個list 多到自己都唔想打啦…………….
尋日發現，Sam豬忘記左點樣玩佢個玩具… 
呢個東東叫做Buster Cube，俾你入零食入去，'look' 0岩位就跌野食出黎
Sam爸report… 以前佢放低個玩具，Sam豬就會拿拿聲自己咬住玩，但係尋日就行埋去聞一聞，就行開!
結果Sam爸要响Sam面前show 俾佢睇點玩…
另外，扯繩問題都係同預計一樣，因為寄宿唔使上繩，Sam豬係完全忘記要點行囉…
不過用左Gobi媽介紹0既短繩，OK work呀，唔會扯到我癲左，唔該晒!
但係有個都OK嚴重問題，睇下有無人幫到我…
一直，Sam豬都好痴我，如果Sam爸拖住佢，我响佢面前離開0既話，佢會發左癲咁係咁吠同扯繩要跟我。就算我走到唔見到影，佢都會係咁跳係咁扯…
另外一個情況都類似0既就係，如果我地响車度，Sam爸落左車買野，Sam豬又係會係咁响部車都行黎行去要跟住…
平時我地出門就一定會俾個buster cube 佢，令佢掛住玩，唔使望住我地出門口，唔係佢就吠到癲!
係，Sam豬緊張我地係好事，但係有無D 咩方法可以令到佢D 反應唔好咁激烈呢???
因為時間關係，今次都係見到兩個blog友仔同佢地0既狗狗，抽得好少水…
多謝Gobi媽山長水遠帶Gobi仔出黎!
8個月0既Gobi仔，手手好大隻，再大D 應該會大隻過Sam豬!!
多謝P 仔媽請我地去Dog Cafe!
叉燒妹妹，你條裙裙個個都話靚呀~
P 仔，希望你身體健康~ 減肥啦! hahahahaha….
另外，我地仲去探左朋友0既兩隻金毛，Emily 同妹豬
兩個八掛妹衝去廚房睇下係咪有得開餐!
妹豬，如果你daddy真係唔要你，你黎姑姐度，等Sam豬同你玩!
hahahahaha~
