有時响屋企無無聊聊會拎部機影下傻Sam…
發覺佢好鐘意將隻手手擺八字，就算成隻趴低，手手都會咁放~
我成日叫佢鱷魚Sam
再無聊D，Sam媽Sam爸會整D 奇怪聲出黎，咁傻Sam 就會做呢個擰頭樣…
實在可愛~ 
所以我地成日都整鬼佢!
Y blog 發癲好返??
今日入得好快，拿拿聲打下blog先!!
今早返工，又見到D 野，係時候同大家繼地鐵見聞 – 金魚佬後分享下紐約地鐵0既千奇百怪事情~
話說我坐0既0個部車到左34街，對面platform同一時間又有另一部車到。
當我地部車準備開，對面0個部就準備關門之際… 有位中國人女士(今次好肯定係中國人
)一邊手拖住一個仔，3 個人像風一樣要趕搭對邊部車。2個男仔大概2-3年班樣，細細粒咁…
點樣像風一樣呢?
風到其中一邊個細路俾個阿媽凌空扯起，雙腳離地，再'pik pak'一聲，膝頭落地!
個阿媽呢，就繼續飛奔hold 住度門，懶理個仔仲攤响地!!!
我懷疑個細路受到長期訓練，自己爬返起身，跛跛吓，繼續衝上車… 佢個膝頭應該幾傷
真係咁趕咩??
Y blog 歧視我地外地人, 成日都load 唔到, 我就黎爆啦!
0孔~~~~~~~~~~~~~~~~~~~~~~~~~~~~~~~~
嚴格黎講，少於1 個月!
响過去呢個星期，好多野發生左…
out-of-town bag 0既package 寄失左
一對好好0既朋友因為驚H1N1會傳染到剛出生0既BB，last minute 取消左行程。
伴娘大人因為要轉野，打電話去online agent度搞0既時候，突然發現佢返NYC班機cancel 左，改早左一日飛! 問題係，無人通知過!!! 無email，無電話!!
最最最大問題係… 張氏一家都係同伴娘大人一模一樣0既行程，所有人都俾人改早左一日! 一D 通知都無!!!!!!!!!
超過份!!
如果我地schedule 個婚禮遲一日0既話，即係我會無老爺奶奶在場?!!
十萬火急咁打電話，搞左個幾鐘，終於搞返掂…
但係我都係好興，結果去左BBB (類似香港消費者委員會)file 左formal compliant!
我唔係要求任何賠償，只係今時今日咁0既服務態度? 唔係呀嘛?
講完D 激氣野，講返planning~
呢個禮拜長週末，有D 濕碎野要搞，希望可以搞得掂啦..
– Sam爸禮服依然未買 (呢個最大鑊)
– 訂蛋糕
– 訂花
– center piece design
仲有咩未搞呢???
鐵人者，Sam媽Sam爸是也~
星期六凌晨2 點幾返到屋企，第朝又9點起身帶傻Sam去游水~
夏天時間唔長，梗係要游爆佢啦!!
認得條路0既傻仔… 踩到我隻大脾紅晒!!!
SamSam: Give me the ball!
Sam媽: 你坐好先啦
(D 水好清呀!!)
SamSam: 快D 啦~ 電下你先!!
同行又係靚女Madison!
無帶大機，淨係得iphone，但係應該都睇到，Madison 係咬住佢自己個圈圈再'lup'埋Sam豬個波，咬住兩樣野游緊返黎!
個Sam豬就跟住响後面游~
結果，游左兩日水，再加之前一日掛住八，無訓晏覺0既Sam豬好似死左咁，訓到點踢都唔郁!