前日收到墨西哥個攝影師寄黎0既結婚相, Sam爸comment: 都係Masalili 靚D!
Sam媽自己就覺得係兩個唔同style, 好難做比較~
不過冇可否認, 我都覺得Masalili D style 正好多, 影0個陣擺pose 好辛苦, 但係出黎就一D 都睇唔到, 超勁!!
擺中式0既時候整左個slideshow, 其中一半係 Masalili pre-wedding 加幾張墨西哥行禮, 而家剪左段片放上黎啦~
background 首歌就係之前介紹過0既"婚約"
有朝一日，我都想帶埋SamSam去大瀑布!!
又或者… 帶埋SamSam返香港!!! 
壹週刊 #1018
動植物公園
帶着狗狗去遠行
2009年09月10日
金融海嘯一周年，正當人人唱好經濟已經回穩復甦，香港愛護動物協會近數月收到電話查詢放棄飼養寵物的情況，卻有上升趨勢。綜合藉口有四點：不能再負
擔飼養寵物的開支；大屋搬細屋；低估照顧責任；因調職外地而放棄寵物，尤其後者佔最多。「如屬短暫性，其實可嘗試請親友代為幫忙照顧寵物。就算移民咁大件
事，只要申請妥當，主人都可以帶埋寵物同行，總之一定有方法解決。」公關及傳訊部主任楊智韻敬請各位三思。所以我是真心的打從心底裡欣賞 Oscar和
Olive兩夫婦，上年去加拿大旅行，都肯花心思落重本帶埋兩隻領養得來的愛犬「仔仔」和「豬豬」伴遊，「理由好簡單，因為唔想丟低佢哋囉。」
Olive眼神堅定地對着我說。咪話唔感動！
八千里路雲和月
「仔
仔」和「豬豬」平時跟主人在香港環島遊就試得多，大鄉里去年尾搭長途機出境旅行，兩隻傻豬都係第一次咋！「為咗佢哋，籌備咗差不多一年時間。」
Olive充當發言人，強調事前的
research工夫一定要做足。原因一：好多國家都有動物出入境限制，須要接受或多或少的隔離檢疫。如不欲貓狗坐冤枉監，就要
check清楚那些國家/地方的政府規定，若能通過所申請的許可證內附帶的全部規條，就可免受扣查檢疫。理由二：好多國家都同香港一樣，帶住隻狗响身邊，
酒店唔住得，商場唔入得，參觀博物館更加咪使旨意，部分公共交通工具亦不歡迎寵物使用。所以，最好四海之內皆有親朋，有地方可供投宿；持有國際車牌更佳，
唔使煩人又可自行租車帶狗四圍去；旅遊地點宜偏離鬧市集中郊外，例如上網選擇一些可供犬隻內進的山林公園遊山玩水野餐宿營。「我哋之所以揀加拿大，就係貪
佢只要依足法例程序嚟做，就可免狗狗被隔離四至六個月之苦，而且朋友多慳番唔少住宿費。最最最緊要係時間啱啱好撞正滿山紅葉季節，楓景處處，
Oscar可以揸住架車四圍追楓，『仔仔』同『豬豬』通山跑玩得不知幾開心。」有相為證認真羨慕死人。
寵物外遊基本須知
用
一年時間籌備帶狗去旅行，唔係講笑絕對講真！事關重重批文申請覆核審批需時，最好每
part都預鬆時間。如遇上旅遊高峰期，部分大型航空公司更會取消動物託運存艙服務、或要額外收取附加費用，所以訂機票之前是必要問清楚。而航空公司的寵
物託運服務則間間收費不同，這點更加要問得仔細，如「仔仔」和「豬豬」，因為狗連飛機籠合共的重量，每隻均遠遠超出所選乘的加航指標「 A pet
and kennel with a combined weight of less than 70 lbs（
32.5kg）」，結果加加埋埋，兩隻狗的單程機票已經要 2萬幾！
1.根據漁農自然護理署寵物及禽鳥進出口指引，帶寵物離港前，須向目的地的檢疫當局查證入口規定，例如申請入口許可證、防疫注射、獸醫健康證明書、檢疫安排之類。
2.確定你的寵物已植入晶片，和已接受狂犬病防疫注射及相關的抗體血液測試報告等等。
3.領取貓狗特別許可證（簽證費貓狗每隻$432），詳情可上漁農自然護理署網址： http://www.afcd.gov.hk/
；電話： 2150 7063；或直接往長沙灣道 303號長沙灣政府合署 5樓漁農自然護理署進出口組索取表格。
一定有下次
也
許，大家會認為，花那麼長時間申辦/study/安排狗玩行程，但無得豪歎勁食
shopping喪蒲……機票來回使費仲要貴過人，為乜先？！「只要你真係當寵物係屋企人，你家庭一份子，你就唔會咁樣去斤斤計較！」
Olive說。永遠記得在加拿大的朋友家附近，就有維園咁大的綠油油草地，「豬豬」例必追住「仔仔」，好似放監一樣喪跑，玩摔角鬥相撲，呢種狗仔難尋自
由，香港冇
o架！帶「豬豬」和「仔仔」去尼亞加拉大瀑布，兩狗反成聯合國遊客們謀殺菲林對象，場面既威風又搞笑！和兩隻爛玩王一齊熬足幾百公里車程，去到山卡罅的阿
崗昆露營野餐賞楓，回歸大自然的牠們原來會通山追松鼠捉野兔、掘地窿收埋樹上掉下來的松果、 back to
nature用乾草遮住兜狗糧同水，「避免」其他猛獸發現行踪，叫身為「父母」的 Oscar和
Olive都唔知好嬲定好笑！還有在長石灘狂奔一幕，狼狗「仔仔」是會跑到雙眼發亮放光的！「我唔知其他人價值觀係點，於我而言，這十幾天的開心旅程，重
要過買名牌袋，更貴都值！」
Olive說荷包現正休養生息儲彈藥之中，希望趁牠們仲有氣有力，一家四口齊齊整整，再遊一次。
讀完大學之後，我估呢次係我第一次買英文小說。
某日等人，入左書店打書釘。就係走0既0個一刻，見到新書0個行有本狗狗做封面0既書，走埋去掀左幾掀，就決定帶佢返屋企。
New Tricks (Andy Carpenter Series #7)
by David Rosenfelt
個個見到本封面都以為我又買訓練狗狗0既書…
錯晒!!!
雖然，無可否認，最開始吸引我行埋去0既確實係因為個封面
，金毛加伯恩山 wor!!!
可惜，本書真係小說黎架~ 屬於偵探類，一種我好少睇0既類型，更遑論呢本係英文小說!
但係，真係好睇!!! 我係咁追黎睇~
加上呢，呢本書好easy read，唔會話勁多唔知係乜0既律師用詞!
大概個故事係話個主角係個有錢律師，好鐘意狗，仲有個專幫狗狗0既機構(個作者自己都真係有個咁0既機構，仲要係專幫金毛0既!) 咁佢就take on 左個爭伯恩山 puppy 撫養權0既case，而呢個case 就帶出左背後更多0既事情。結果都幾峰迴路轉架~
有機會睇下啦~
原來個作者仲有一本講狗狗有關0既偵探書架… 好唔好買呢? 
早幾晚放狗，行左出大街，行到某個街角，有對路過0既couple 見到SamSam，好興奮咁要'liu'佢。
比左係平時0既SamSam，一定興奮擺尾喪'lur'人pet。
不過呢晚0既佢，極度反常。
唔單只唔理人，仲閃去我背後！
個男人又好笑wor，突然間當街當巷坐响個地度，繼續'liu' SamSam，希望佢可以減低戒心同佢玩。
我甚至出埋treat呢，SamSam都唔行過去。到後來先貓王咁震過去食左粒treat，再超速彈開！
我發覺呢，SamSam夜晚行街同早上有陽光0既時候行得好唔同架… 夜晚會變得特別細膽，少少聲都驚到癲
。有時仲會坐低唔肯行，又或者拉我返屋企。咁當然呢D 情況我係唔會理佢，拉佢繼續行啦~
其他狗狗會唔會夜晚都寧舍唔同架?
—
Sam媽呢排返工好忙，加上屋企部腦又死左啦，所以少左寫blog… 仲要捱成個月Sam爸先忙完可以整返部腦呀~~~~~~~~ 
一轉眼，原來我地都結左婚成個月! 
快快手手寫埋最後呢篇講埋個rundown 先~
前文有提及，由墨西哥返到紐約之後，我兩個都病左。Sam媽就嘔，Sam爸就屙。但係仲有好多detail 野未做，包括: 成長slideshow，要播0既音樂cd，first dance，同重新剪接Cancun婚禮個video (因為本身0個個成25分鐘，太長~)
結果，响個3 日期間，頂住病到死下死下0既身軀，捱晒D 野出黎…
8/8當日我地無好似其他人咁朝早要敬茶，或者影外景，咁早上就可以抖返下，wrap up 埋D 手尾。
下午2 點約左appointment整頭，結果4 點幾先搞掂。
Sam爸就同佢bro 响屋企搬野去酒樓同去拎花。
5 點左右，D 奉命幫手0既朋友們就出現，幫我地setup 好晒D 野。
6 點，D 鬼佬guests 就準時出現。
原本我地發帖0既時候已經通知所有人，希望大家可以準時，7點可以開席，皆因張家有90歲老人家，唔想搞得太夜。可惜，D 人真係無耳性架!!
我地end up 差唔多成8 點先開得席，對於0個D 聽話一早就到0既guest，勁唔好意思…
入場前，我地播左大概7分鐘左右响Cancun 拍0既ceremony video。講真，我第一次做video 剪接加混音，個效果真係幾滿意架!
Entrance… 人橋!
好彩大家都無點難為我地~
試過响friend 個婚禮上面，個新娘過人橋時成個跣低左…
過左人橋之後，first dance… 我地0既first dance 歌係"Because You Loved Me"
唔好以為上面張相我地好似好enjoy好sweet咁，其實我地兩個緊張到爆!
唔係因為响咁多人面前跳舞，而係…
我地排左羅志祥首"撐腰"!
响突然轉音樂0既情況下，當然我地d 嘉賓情緒高漲啦~ POINT!!
咁當然我地唔係跳晒成首啦，淨係跳chorus 0個度，大概30秒左右~
陰公，我地又係响病病0個幾日先開始排架咋!
本來叫左個friend，交代佢無論如何都幫我拍video，結果? 咪就係… 無囉!!!
個MC 搞氣氛好有一手，好到我成晚個pat pat 都無响張凳度多過5 分鐘。
第一個game，點左5 對couple出來，要佢地做D 動作出來，我地就要做返出黎，甚至要激過佢地!
結果有對俾個MC 老點，個女仔著短裙，個男仔就衝過佢胯下~ 我地就梗係無做啦!
Thank you all the couples!
跟住就toast，切蛋糕同椗花球。
臨換衫之前，Sam媽俾左個surpise speech。明明一早已經練好晒，平時D function 都無問題，點知到係自己0既時候，錯漏百出…
一到多謝自己daddy mammy，個開關制著左，講唔到落去… 漏左要多謝幫手整野0既朋友，漏左其實要多謝0既… Sam爸!
之後我就去換衫，咁佢地就播我整0既slideshow。
slideshow 一開始就係ICQ 0既聲，認識我地0既都笑左出黎，因為我地0既相識，係源於ICQ! 跟住就成長片段配"時光倒流二十年"加"婚約"~
參考blog 友珍妮花0既slideshow，我地最後係用Google 個picasa整，真係好容易。D 音樂就自己merge做一個track，因為picasa淨係可以用一首歌。
成長片段加我地10年來0既一D 相，同埋Masalili加墨西哥0既相，整成左接近8分鐘0既slideshow。
某D 位大家歡呼左… 例如呢張，我地兩個加陳奕迅!
仲有一張就Sam媽加孫先生~
之後再出現，就係"星球大戰"下0既巡迴一周…
我個樣，blur 左都睇得出超尷尬…
下一個遊戲，Sam媽被蒙眼，摸pat pat 搵返Sam爸~ 梗係無問題啦!
再黎，背上另一半繞場一周…
最後，我地整左20個利是，咁MC 再抽人出黎跳舞。跳得好跳得落力0既，佢就會俾利是…
有一刻都幾驚… 因為佢抽左Sam爸個大老細同老婆出黎，好在無乜事
成晚大家都玩得好開心，最緊要個MC 係真係會自己都跳埋舞，完全融入晒~
之後睇相，我見到Sam公公拉住我個黑人同事跳舞添!
講開個MC，好多人事後都話佢好有'personality'，因為佢都幾pushy。講返轉頭，如果佢唔夠pushy，個個都唔出去跳舞同玩，咁個場好cold 0者~
某D friend 仲衰，佢地話wor，阿MC 姐姐個style 好似我平時做野0既style，所以我先請佢!
咩0者!!!!
—
追加!
呢個係我地0既回禮小禮物，响廣州買，跟住綁左紫色shipping tag 做埋seating card~
一對可以刷螢屏0既電話繩~
