31Jul 2008 還我乖仔來! by admin ⋅ 10 Comments 唔明究竟絕育手術對我仔做過d 乜, 感覺… 佢變左! 尋晚佢追住Sam爸隻手黎咬, Sam爸話佢, 佢居然晌Sam爸面前尿尿!! 今晚又黎, 仲衰d, 晌個cushion 上面尿!!!!!!!!!!!!!!! 不停挑戰我地, 想點呀… 食左兩次消炎藥, 血色尿尿少左, 不過都仲係頻頻去, 但無乜得出. 唯有繼續, 睇下聽日會唔會又好d 啦~ Posted in: 張家狗
Sam Sam 青春期? 我尋第一次同Miki 剪指甲,佢都e起排牙呢,以前未試過架. 我估Sam Sam 一定唔係好舒服先耍脾氣,俾d時間佢啦
[版主回覆07/31/2008 21:33:00]我懷疑佢開始青春期啦,有排受
好多人都話….絕育之後狗狗的性格會變得唔係咁好!~~~…..
不過我唔知道係唔係真的…..
因為我兩隻狗狗都無絕育!!~~~
[版主回覆07/31/2008 21:34:00]我聽過絕育後會唔同左,不過為佢健康著想,都係做好過唔做囉。
我都覺得做左會對佢身體好d呀!~~~
坦白講唔絕育對犬隻身體健康唔會有問題……..絕育只係將有機會發生既問題一刀切……
[版主回覆08/01/2008 02:22:00]我只係希望佢 有機會發生既問題越少越好,見佢唔舒服,仲慘過自己病。可能你會覺得我將佢人性化左,但係我覺得佢都有生命,佢都要感受愛。我只想大家都健康,開心 。
sorry……我唔係話你唔愛佢……係絕育呢方面我反而會人性化去諗……犬隻冇得出聲發言…..白白要佢受呢一刀……而呢一刀亦唔係必要既……所以我會注重佢地既糧食多D……咁樣對佢地既健康仲有幫助……
[版主回覆08/01/2008 03:48:00]根據ASPCA 的資料顯示, 絕育後的動物會健康D,長命D,更加會減少患有尿道癌的機會。咁當然,每個主人都有權選擇啦。大家討論下,歡迎繼續來多D。你又係犬隻訓練員,我就新手狗媽,以後多多提點!
ASPCA或者香港既SPCA又或者獸醫都係一樣咁講……佢地只係將會有機會既問題杜絕…….佢地既資料更係好架……..因為冇咗呢方面既發病機會……..相對生存機會米高囉…….所以我真係會以人化去諗……..唔通我地人唔想有呢D病又走去做絕育…….
梅花先前都做過絕育手術,當佢做完絕育手術我地帶返佢返屋企的時候,佢都係好頑皮,唔聽我地話,所以,我想這是一個正常的現象 掛 !
媽咪&爹d
我隻狗狗都有絕育. . 不過佢就係狗房出黎. . 所以唔知佢一向性格如何
我記得有本書講,對身體來講,desex真係有好多好處,不過,因為hormone同身體適應的問題,可能會影響佢地的情緒、性格同行為,佢adjust咗就ok了,你同佢desex係愛錫佢的做法,你同sam sam都要加油呀~~~
佢未習慣啫, 俾d時間佢就回覆正常ga la, 又無聽過狗狗desexed之後會情性大變wor, 所以唔水擔心架