Sam 豬大個左, 最明顯係佢隻耳仔!
我地笑佢係豬八戒耳仔, 大大隻又生得開! 
感冒未好返晒, 仲未可以打埋d 針, 無得出街好慘~
之前要影佢相好容易, 而家成日見到我部相機就衝埋黎, 激死!
一日都係我呢個狗媽唔好, 識少少扮代表, 凍親Sam 
佢其實有鼻水幾日架啦, 不過個個都話應該問題不大, 咁星期六又約左獸醫, 咪等囉…
不過心好痛…
星期六朝早佢肚屙, 跟住成日都唔係點郁, 嚇到我癲左!
帶佢返去寵物店睇獸醫, 一到埠佢成個醒晒, 開心到係咁跑黎跑去
個個見到佢都勁讚佢cute, 我呢個狗媽自然虛榮心作祟, 收晒~
獸醫話佢應該係感冒, 俾左d藥, 會驗佢d poop poop, 星期一打去睇報告
個心鬆返d, 但係Sam 真係好瘦, 希望佢肯食返多d 野~
跟住尋日帶佢返史島見下太上皇, 唔知係咪食左藥, Sam 好0爹, 同係咁訓~
p.s. 今朝佢生猛返好多, 肚仔都好返, phew~ 
呢兩日好多人都問我點解叫佢Sam?
其實係因為大王好鍾意I Am Legend裡面隻狗狗 (我地知0個隻係狗女
), 所以先會起呢個名.
第一日, 我晌屋企陪佢, 但係Sam 唔肯食野仲留鼻水, 擔心死人!
仲有呀, 勁喊囉… 搞到我失魂落魄跟埋佢喊 
今日, 個個返晒工, 要留佢晌屋企好多個鐘, 放工簡直係心急如焚, 飛住走!
好彩Sam 都ok… 鬆左啖氣~
不過佢今日開始食返d 野之餘, 仲開始四圍搵野咬… 我隻手就梗係重災區啦!!!
一唔晌佢個圈到, 佢就周圍放低幾兩, 做到我趴晌到…………. 
講真, 呢幾晚又都訓唔好, 驚佢唔知會點, 成個人散晒~
第一次做狗媽唔容易呀………………………………….
經過都唔知幾耐的掙扎… 小妹終於榮升狗主!!!
同你地介紹我乖仔 – SAM! 
佢係金毛尋回犬…
佢呢, 好正架, 教左佢一次晌邊度去廁所, 佢之後就次次都去返果個位…
天才!!!! 嘩哈哈哈哈哈~
佢得兩個月大, 換緊牙, 所以都幾咬人, 但接受得到, 唔會好似之前見過一隻勁癲發狂地咬…
暫時報導係咁多, 交返俾睡夢中的Sam Sam!
自從寫完狗癡上身! 之後, 我其實開始尋覓心目中的狗狗…
本來話想養American Eskimo, 睇過好多文章後, 覺得唔太適合我現時的生活習慣, 所以back to beginning, 金毛尋回犬desu~
今個星期終於有機會晌寵物店試下同一隻金毛玩…
結果, 老實講, 嚇窒左我…
話說呢隻金毛女, 個staff 一放手, 佢就係咁跑不但止, 仲係咁咬我同大王!!!
大王好慘, 被隻狗咬穿件衫, 仲有好多條傷痕……
叫d staff 救命, 成幾分鐘先理我地 
隻衰狗, 一過手就靜晒, 其他人抱佢都無問題…
哼, 都唔知係咪歧視我同大王!!!
而家我同大王都有d 陰影… 唉~ 