養左SamSam差唔多5 個月，睇多左好多關於寵物的文章同新聞，發覺美國的保護動物條例真的唔錯。只係，很多人都未必接觸到呢D 訊息。
同時，我發現，其實有好多唐人養狗同其他寵物，但思想依然停留在打狗＝教狗的年代。
最不可思議的係，好多養狗的人都唔會俾狗同其他狗狗玩！
上個星期，帶SamSam返阿媽度，附近D 狗見到SamSam會狂吠，而主人一見我地就會兜路走。唔係我SamSam百厭，而係D 人覺得費事D 狗吠，所以寧願避開其他人同狗！D 狗狗就因為極少接觸其他狗隻而有以上行為。日復一日，狗狗就會產生行為問題，不過狗主就唔會理會，以為狗狗一直都係咁，無乜大不了。
事實上，有更多人以為，有後院俾狗狗跑已經很夠，無需要Walk 狗。結果，狗狗長時間唔同外界接觸，變得膽小甚至會攻擊陌生人同狗。
突然有個想法…… 整個非牟利機構出黎，專門教育唐人，又或者帶出呢D 訊息都唔錯呀！
我返黎啦~
呢個禮拜尾忙到甩ＬＯＯＫ!
講返星期四, 個friend打黎求救, 要人做記招mc. 呢期公司唔多野做, 應承左, 賺返多少, 幫補下Sam豬d 使費!
星期五, 請左半日假, 坐2 點車, 結果… 7 點先到!!
大塞車, 原本最多3 個鐘變左5 個鐘.
本來記招6 點開始, 但係因為我坐既bus全部都係傳媒, 成個event 要推遲!
最勁係, 本來個purpose 因為某d 原因last minute cancel左. 我只有不停接電話, 盡量改script. 晌bus度一路化妝, 一路背稿. 到左賭場, 用左5 分鐘換衫睇新稿, 赶到癲!!!
好彩做慣呢d last minute 野, 記招叫做過骨.
Sam爸冇咁好彩… 因為之前一晚Sam媽餵左太多雞翼尖俾個仔, 零晨3 點幾Sam豬肚柯, 搞到Sam爸要夜媽媽抹地, 無覺好訓.
好彩星期六已經好返好多, 仲去左Dog Park 添!
張氏一家住apartment，同樓都有唔少狗狗。
早兩晚因為Sam豬曳，所以有前一篇Canine Adolescence 0既出現。
尋日Walk狗時，見到樓上狗狗同主人。Sam媽俾個狗主人話囉
，話Sam豬好吠，咁嘈，佢地第日要返工，blah blah blah。
當晚Sam豬吠係大約10點幾11點左右。
一直以來，Sam豬都唔係晚晚吠，一晚半晚，使唔使咁呀？自己都有狗，都應該知道有時好難控制佢吠唔吠架啦
。佢曳緊吠都理佢，咁唔使教狗架啦！
最衰都係紐約D爛樓，爛鬼木板隔唔到聲，搞到Sam媽俾人話！
p.s. 樓上隻狗係120磅都柏文
都唔知係咪公司風水唔好，經濟差之餘，連帶狗狗都受災。
話因公司好多人有狗狗，最近好似大家齊齊有事。
首先有事的是Facility某人的狗狗，史立沙，好似食錯野，漏夜入院了。
之後，係Director隻狗，都係金毛。呢隻最慘，個Dog Walker帶佢出去既時候，佢食左支竹簽物體，成5 寸長。好彩，佢成日吞毛，而呢D 毛毛今次救左佢，LONG住左支竹簽！住左成個星期醫院，前日終於返左屋企啦。
再來係一個我唔熟，但好似都係高層樣養的狗狗，至於狗種，唔知中文叫乜。呢個又係勁，吞左大量洋蔥！結果，個主人打電話問獸醫，個獸醫教佢餵唔知乜藥(我唔識個專業名詞)，隻狗就嘔返曬D洋蔥出來。而家鬼打都無咁精神wor…
另外，咪就係我SamSam囉。
讀書的時候，先生經常說沒有交功課的人不要用狗狗吃掉(My Dog Ate My Paper) 作為藉口。
以前覺得那真的只是藉口，直到昨天…
每月管理員都會把下一個月的租金通知書放進每家的門縫。
Sam 豬這個星期都是在家”自由行”，結果就出事了！
當我一踏出電梯，看到別人門口的信封，我已經知道一切都太遲啦…
打開家門，看著Sam 豬興奮地衝過來，再望著一地的狼藉，那刻真的哭笑不得！
