Sam媽Independence Day 外遊，要放低Sam豬响朋友家中寄居幾天。
沒有Sam豬的第一天…
－ 早上可以睡多半小時而不需要趕快起來帶Sam豬去廁所
－ 早上可以準備充足才出門而不需要為Sam豬做任何準備
－ 放工可以隨意行街而不需要趕回家陪Sam豬
－ 到家可以隨便放下身上的東西而不需要擔心Sam豬會破壞
－ 所有房門可以打開而不需要害怕Sam豬會搞搞陣
同時…
－ 沒有Sam豬的傻瓜笑容在門口迎我
－ 沒有Sam豬的調皮行為等我鬧
－ 沒有Sam豬的低能動作惹我大笑
－ 沒有Sam豬的聲音，世界好像一下間安靜下來
第一次和Sam豬分開，Sam媽好唔捨得，好掛住Sam豬!
Sam 豬其實都畢左業成個星期, 今日先得閒放上黎blog~
Sam 讀既係Petsmart 既Puppy Class, 佢地仲有Intermediate, Advance 同d special 班.
不過暫時Sam 媽唔準備帶佢上住, 因為Sam 媽窮窮! 
讀書的時候，先生經常說沒有交功課的人不要用狗狗吃掉(My Dog Ate My Paper) 作為藉口。
以前覺得那真的只是藉口，直到昨天…
每月管理員都會把下一個月的租金通知書放進每家的門縫。
Sam 豬這個星期都是在家”自由行”，結果就出事了！
當我一踏出電梯，看到別人門口的信封，我已經知道一切都太遲啦…
打開家門，看著Sam 豬興奮地衝過來，再望著一地的狼藉，那刻真的哭笑不得！
呢個weekend, 紐約熱到癡線…
我Sam Sam 好陰公, 因為佢Sam 媽部冷氣未裝, 熱到佢攤左晌度唔願郁!
星期六上完training class, 部車開住冷氣, 個樣幾爽!
今日佢係完全唔願郁, Sam 媽唯有係咁整d 冰粒佢咬, 降下溫…
但係Sam 媽自己都好熱呀~~~~~~~~~~~~~~~~~~~~~~~~
長周末有3 日假期, 之前會好好計劃去玩, 有左隻狗之後, 完全唔同晒,
星期六, Sam Sam 要上堂
星期日, 去左朋友屋企同佢隻狗狗social
佢地全家都鍾意Sam Sam, 放假托兒有著落啦!
星期一, 帶Sam Sam 去狗公園, 佢第一次咋
成班狗係咁聞呢隻新丁
Sam 媽見隻隻都牛龜咁大隻, 一開始唔敢放Sam Sam 入去沙圈, 淨係晌邊邊等佢同另一隻狗狗玩下先
唔使好耐, 一班狗主人圍埋黎係咁玩隻Sam Sam
勁話佢Cute, Sam 媽梗係全收
呵呵~
熱身左一陣, 放左Sam Sam 入沙圈, 一班狗圍晒過黎
Sam Sam 細細粒, 梗係被人蝦啦!
最慘係Sam 媽都被狗蝦囉….
咁既, Sam 媽個袋有d 狗小食準備Sam Sam 乖就俾d 佢..
其它d 狗狗大個d, 鼻又勁d, 聞到就係咁’pok’ Sam 媽
佢地又大隻, 攪到Sam 媽為避開佢地d 攻擊而扭親腳!
Sam Sam 仲嚇到唔敢郁, 唯有36著, 走為上著!!