話說大家都知SamSam 有attention seeking 0既問題，成日都會吠我地，要我地陪佢玩。呢排出得多口罩，個情況開始有多少好轉，但係呢個細路極度無記性~
佢吠人就得，但係我隻仔越來越唔鐘意俾人吠…
試過同佢行街，行過間屋有隻惡狗0係門口係咁吠我地兩個，自此之後，SamSam就打死都唔行0個邊，一見我向0個個方向行就坐低，點扯都唔郁!!
佢最近發展到… 如果佢游緊水玩得好開心都好，有狗响水度吠0既話，佢寧願上水，遠離吠聲!
Sam媽：SamSam落水啦
SamSam: NO!
今次已經好好架啦，上次佢直頭坐响bench 後面，淨係凸個豬頭出黎望~ 笑死人!!
佢0既行為開始令到我覺得，問題需要正視，但係唔知應該點做，大家有無咩提議?
好少見SamSam枕枕頭, 又唔係咁tired, 點解突然間枕0既?
好似真係好舒服wor~
使唔使咁霖呀?
唔係話狗狗色盲0既咩??
點解我SamSam咁鍾意紅色野0既?
就算同一個玩具唔同色, 佢都凈係玩紅色0個個, 所以而家好多時Sam媽買玩具都齋買紅色!
拿, 買左個新波, 又係紅色, 攬住唔放! 無乜幾何自己玩架~
不過個波幾食塵, 仲"僑"好多頭髮同毛毛!!
呢個波波又幾平, $5 兩個, 係時候入多幾個, 皆因我聽到個波裡面有d 野響, 應該俾隻Sam豬唔知咬左d 乜出黎, 應該好快塵歸塵架啦!
早幾晚放狗，行左出大街，行到某個街角，有對路過0既couple 見到SamSam，好興奮咁要'liu'佢。
比左係平時0既SamSam，一定興奮擺尾喪'lur'人pet。
不過呢晚0既佢，極度反常。
唔單只唔理人，仲閃去我背後！
個男人又好笑wor，突然間當街當巷坐响個地度，繼續'liu' SamSam，希望佢可以減低戒心同佢玩。
我甚至出埋treat呢，SamSam都唔行過去。到後來先貓王咁震過去食左粒treat，再超速彈開！
我發覺呢，SamSam夜晚行街同早上有陽光0既時候行得好唔同架… 夜晚會變得特別細膽，少少聲都驚到癲
。有時仲會坐低唔肯行，又或者拉我返屋企。咁當然呢D 情況我係唔會理佢，拉佢繼續行啦~
其他狗狗會唔會夜晚都寧舍唔同架?
—
Sam媽呢排返工好忙，加上屋企部腦又死左啦，所以少左寫blog… 仲要捱成個月Sam爸先忙完可以整返部腦呀~~~~~~~~ 
以下係SamSam獨白:
雖然我唔係德仔, 又唔叫Dexter…
雖然我唔係拉布拉多…
雖然我同烈火3 冇乜關係…
但係我都係一隻工作犬!!!
我0既工作就係袋住D 水陪媽咪行街~ 
仲有, 婆婆話我咁大隻, 唔打得都睇得!
Sam媽回歸~
呢排同SamSam行街都會要佢用backpack, 一邊入0.5 liter size water bottle 兩個, 一個full, 一個入一半.
因為天氣都好熱, 次次行完佢都好似好tired, 但係30分鐘之後就好似回復精力…
係咪我地行得唔夠呢? 每次都有30 分鐘架啦…
咁當然, 用左backpack 都睇到同未用之前有分別~
有狗主同我講, 話d 糧都會有影響. 佢話好多糧都過多蛋白質, 而蛋白質又會令到狗狗精力旺盛, 所以建議我換糧, 換d wheat 多d, 蛋白質少d 0既…
大家點睇? 有冇人聽過呢個theory??
SamSam日日食完飯都係會寧舍活躍d, 所以我都有懷疑會唔會d 糧有影響~
已經好幾個朋友講過, 佢地d 狗狗以前係SamSam咁0既年紀都唔係咁hyper…
老實講, 就咁日日同佢行已經係到左我0既極限, 我tired 佢都未, 真係唔知可以點~