用左差唔多一個星期head collar，報告如下:
帶左之後，SamSam好似真係變左第二隻狗咁，淨係勁行勁行勁行勁行勁行同勁行!!
絕對扯少左繩~
而家成日同佢行都唔覺自己拖住隻狗
但係Sam爸覺得Sam豬好慘wor，唔得好似以前咁聞地。
拿，Sam豬唔係無得聞地，係專心左行遮
至於去廁所問題，戴左head collar都係無唔戴咁快去到，but he's learning!
不過呢，又都因為傻Sam而家行得好左，我發現我地平時行開0既路程足足短左10分鐘以上!!! 結果，Sam媽又要計劃過條路線，等佢可以行得耐D。但自己就行多左，辛苦左
另外，睇左manufactor 隻DVD，跳人0既問題都可以戴head collar黎訓練。
咁到呢刻為止，只要SamSam戴住個head collar就好容易control到，表現又都乖好多。一用返choke 就難控制，唔通要長期戴住?! 
又可唔可以長期戴呢???
紐約今年六月癡左線… 係咁落雨!!!
好彩禮拜尾朝早都通常無雨，可以帶Sam豬去park 放電~
不過之後0既功夫就多好多… 因為條友係水tum 都跳落去，一身臭泥水味!!! 
返到屋企即刻要沖涼!!
吹緊風0既傻Sam幾嘆~
Sam媽披頭散髮咁吹，Sam爸就幫佢按摩…
老細，使唔使加鐘添呀?
吹吹下… 突然發現… 呢個樣咁似goolo/妹妹0既?!
(阿四繼續响後面努力中……
)
都話我傻仔似女仔架啦
買左個Gentle Leader Head Collar 成個幾月，尋日終於開齋!
不過有D 問題想請教一下其他有用Head Collar 0既狗主!!
幫SamSam試帶0個陣，佢有輕微掙扎，但係我有用小食引佢，咁佢都ok 接受。
帶住head collar 之後，SamSam好似變左另一隻狗咁，自動自覺行响我身邊…
不過…
條友乖過"窿"，連大小都唔去!!!!
平時一出門口，佢就會去pee pee。尋晚完全聞地0既意欲都無，淨係係咁行… 行左一個block，我就換返用choke chain，佢就即刻就地解決，仲好多添! 行多兩步去埋poo poo…
心理問題??
佢都有行行下用個paw 想整個head collar 落黎，但係唔算利害.
請問大家，你地D 狗狗用左幾耐時間先適應? 有無D 咩tips 可以等佢地"平安過渡"?
呢個煩精, 專揀埋d 夜深人靜0既時間吠兼撩人玩!
罰你帶口罩!
仲唔聽話?
坐監!!!!!!!!!!!!
SamSam: 放我呀…………
Sam媽: 你最叻扮野, 次次罰完唔夠3 分鐘就又黎過, 你冷靜下先啦!
SamSam: 我咪埋眼冷靜左啦, mammy你放我啦~
死仔星期日唔知發乜神經, 晌park 度撩人打兼係咁吠, 煩到嘔!!!
唔知係咪聞左d 汽油, high 左…
Sam媽星期六又走左去杜牙根, 成個weekend 痛到癲, 成個人鈍下鈍下咁, 幾想掟佢出街!!!
繼2008年10月走狗事件，尋日，又係Sam媽，再次走狗…
最近多左去响過兩條街度個小park，又係3 面圍住0既，大概200尺左右。
尋日拋左幾下波波，SamSam擔住個波，跑左出park，响住平時0個塊草地方向跑去~
0個刻，我癲左……
一邊叫一邊跑去追佢… 個心同個身都震晒……
stop, stay, wait, sit, 乜Q 都叫晒，繼續跑~~~~~~~~~~~
如果佢真係跑返去0個塊草地，講緊0既係2個十字路口，我想像唔到會點…
個衰仔又係跑幾下，停低，望下你，當你同佢玩追逐!
結果，好彩Sam媽有袋雞雞出去，"Sam, look what mammy got? 雞雞呀!" 成功捉返住條友!!
但係，Sam媽已經驚到標冷汗，乜都講唔出口，更加連鬧0既聲音都搵唔到… 只是默默上繩，行返屋企~
當我以為你變乖緊0既時候，點解又整單野我嘆? 你究竟想點?!
