地喱sir思皮 = Delicious Skin = Sam爸's skin 
最近發覺SamSam有個奇怪0既行為…
佢一痴埋Sam爸身邊就會舔佢!
唔係普通舔，我地覺得係有D obsessive… 
例如，食飯0既時候，SamSam係會趴响飯檯底，如果Sam爸著短褲0個日就煩啦… 佢會係咁黎!!
就算推開佢，佢擰一擰個頭，停一停，再黎過。
佢對我唔會咁，我一話Enough 佢就唔會再黎~
有時行過Sam爸身邊，佢都會無啦啦走去舔佢幾下先行返開去做佢本來想做0既野…
究竟Sam爸D 皮膚有D 乜味領到SamSam係咁舔呢??
又過左個忙碌0既星期日啦~ 睇下我地呢個星期又搞過D 咩!
當然又係去park 先啦，咁好天，睇下幾多人&狗!!
最緊要係，呢張相Sam爸最想影俾0個D 成日話BB 同狗狗唔可以一齊存活0既廢人們!
其實一早溫度都已經幾高，搞到狗地都唔多願郁… 個個扯晒蝦~
結果… 我地金毛一族意外地形成左呢張搞野相~
左起狗地: George, Madison, SamSam
左起人地: Madison媽, Sam媽, George媽
踏正9 點閃人… 好少有!
當然話明忙碌就唔係咁少野啦…
各家長帶狗狗返屋企小休一下，11點轉戰新地方!
有個狗主介紹我地去一個遠D 0既park，話狗狗可以游水~
個park 响Long Island，叫Hempstead State Park，停車要俾$6，响唔知得唔得0既情況下，我地金毛族照殺入去!!!
其實0個度有好多湖，明文規定係唔可以游，不過真係個個都偷雞响某一個屬於可以放狗0既地方裡面個湖度游，去到已經有狗地在游!
George 同Madison 以前已經落過水，所以佢地主人一到就放繩，兩條友一支箭飛左落去。
SamSam第一次落水咋，唔係好知做緊乜，係咁好興奮地撲水…望住佢D 朋友仔都唔敢游過去~
玩得兩玩，突然識游呀!
游完3 隻傻瓜仲可以繼續跑，勁好精力，喪開心!
玩完返屋企途中，SamSam係第一次自己坐後面無搞搞陣之餘，咪埋眼訓!!
難得終於搵到個地方狗地可以游水，D 水又幾乾淨，唔使擔心佢地好似游完海水咁會爛poo poo~ 我地約定，如果下個星期都係咁好天，會再黎多次! 
大約2個星期前，多得JC 仗義幫忙，同Sam媽遙距上課，SamSam行為有左進步，响度報告一下。
護食問題: 由於SamSam只係對某一種骨有呢個情況出現，我地又無再俾佢，所以暫時情況可以話係解決左。
夜晚鬥智問題: 連續成個星期都可以一叫就起身，叫佢返過去，佢仲會自己行返入籠籠~ YEAH!!!
Attention Seeking Bark: 呢個真係頭都痕埋…
噤佢落地係唔work 0既，因為佢好醒，而家識得離開我地幾步以外先吠，等我地捉佢唔到; 噴水壺，penny in can全部唔work; 現在唯一work 0既係我地離開佢視線，關埋房門!
如果淨係行入廚房，因為無門，都係唔work~
而家真係難為我兩個… 佢一跳高咬手就噤佢落地; 反應唔夠快就要我地自己閃，等佢吠空氣。只要我地一唔見左，佢就自動收聲。
但係真係好煩囉，成日都咁~ 唉，耐性~ 耐性~ 耐性~
陽光普照的周末, 真係人都開心D ~
Sam: Sam爸唔好掛住影相, 行快d!
星期六淨係見到Madison, 但係…
"Sam媽救命呀, 呢個傻婆癲架, 快d 扯開佢!"
"Sam媽唔理我, Sam爸又掛住影… 我都唔好蝦架!!"
中場休息, 飲啖水先!
呢個樣超傻~ 
唔知晌邊偷左個ball…
個park 黎緊有event, 放左好多看台式凳凳…
傻Sam學人上, 滕滕震!!
震過貓王
落黎又點呢?! XD
另外仲有羊羊wor… 埋去睇下啦
Sam爸: Sam過黎睇下
Sam: ?? 佢望住我wor… 埋去???
Sam爸: Sam過黎啦
Sam: 你點我呀daddy? you go, not me!!
尾尾都dup 埋, 好驚~
人地boy boy 幾大膽! 偷羊羊D 野食添呀!!!
———————————
p.s. 呢幾日yahoo blog 慢到嘔! 以為係屋企問題, 返到公司又係慢! 係咪淨係oversea 有問題呀?? 慢到blog 都冇巡, 更加唔好話update!! 今日好似好返D, 拿拿聲update, 唔係又唔知幾時死過!! 煩~~~~~~~~~~~~~~~~~~~~~~~~~
SamSam唔算太痴Sam爸，但係每次坐車，佢地就會好friend!
Sam媽: Sam呀，Daddy 渣緊車呀，你坐返低啦!
Sam: Mammy 你同我講野呀? 聽唔到…聽唔到… 
Daddy你個膊頭好C 服呀~
