我地去開0既Park有好幾個小湖，冬天結晒冰，睇就幾靚~
唔知有咩魔力，SamSam成日都會走落去行上D 冰度。我就梗係勁驚D 冰唔實，跌鬼左個傻仔落去啦~
上兩個禮拜佢又自己走左落去，我同Sam爸講，個天開始回暖，D 冰溶左呢，SamSam應該會叫唔返上黎，夏天行都唔知點算!
真係話口未完，今個禮拜個死仔就衝左落去!!!!!
本來同George 一家行緊，Sam媽已經醒目唔行以前D 路線，點知Sam豬咁醒，自己搵路落左去…
個湖其實唔深，不過一pat pat 黑色淤泥，臭到癲
Sam都係响個湖邊玩下水，但係已經嚇死左我地，Sam爸仲要想落去dik 返隻仔上黎… 個湖邊其實好斜，我望住佢兩個，真係心血少D 都嚇死左
George 一家勁叫住George 之餘，都幫我地嘗試叫返Sam豬返上黎~
結果Sam媽出絕招!
Bye Sam!!!!!!!!!! 講完就望都唔望佢，走~
Sam豬由細都好驚我地放低佢(又唔係領養返黎，都唔知點解會咁，癡身到爆~)
砰砰聲返上黎…
望住佢成個下半身黑卒卒，真係又好嬲又好笑
係時候要搵過條Trial 可以避開D 湖啦… 唉~~~
Sam媽成日都買Cheap 玩具俾Sam豬, 皆因佢0既破壞力實在太勁, 幾貴幾標榜"堅韌"0既玩具都一陣就死亡~
$10 一個同$1 一個都係咁死0既時候, Sam 媽go for CHEAP! 
呢個虎紋公仔質地算OK, 有個sqeaker, Sam最鍾意有聲公仔~
玩左半日個sqeaker 就俾佢咬爛左, 啞了…
但係傻Sam都仲成日拎黎玩
轉頭仲見佢用黎做枕頭
呢$1, 抵!!!!! 
頭先晌度睇blog, 網友女皇上載左佢乖女拉小提琴段片…
Sam媽一開黎睇, SamSam成個彈起走埋黎~ 
個傻瓜頭係咁擰黎擰去, 笑到我拿拿臨停左段片, 搵相機拍底佢個傻樣!
唔知係咪聽第二次, 反應冇第一次咁大, 但係都仲好抵死
低能仔! 
笑~~~~~~~~~~~~~~~~
遽聞呢個係今年最後的一個暴風雪，又都係今年最勁0既一個~
一個人帶佢出去，無手帶相機，係咁意用艾瘋影左幾張…
咬雪中0既傻Sam
執到支樹枝~
之前一晚先洗左白白，D 雪高到佢個身，唔著衫唔得，Sam媽條腰唔可能幫佢再沖多次~
今年個冬天好似好耐都未過完
, 難得今日個天凍冰冰得黎, 都叫做好好陽光, 帶埋大機去park~
Sam豬同Scotchie眼光咁一致, 等緊乜?
等緊Scotchie爸掟飛碟~
似唔似門神呀?
左右伸利門神!!! 
今日多0左隻金毛一齊玩~
左至右: 歲半女Madison, 傻Sam, George
星期五係Scotchie一歲生日
, 佢媽咪買左個蛋糕, 好靚架~
(偷左人地d 相 
)
我地都分左份!
Sam: 嘩, 好味過我傻媽整0個個多多聲!!!
Sam媽: 
仲要食到我成地都係!!!衰仔!!!!!!!!!!!!!!!!!!
