據聞今朝腫到好似唔見左隻眼, Sam爸愛仔心切, 中午拎左2個鐘lunch 帶Sam豬去獸醫度~
獸醫做測試, 結果唔係發炎, 係敏感!
對咩敏感?
唔知!
Sam媽諗爆頭, 食物方面得兩樣野唔同
– 星期日, Sam婆婆食完緹子冇手尾, 俾Sam豬偷左皮同枝, 星期二嘔番出黎…
– 另外整左風乾火雞腎, 但係以前整黎食都無事…
屋企其他野無唔同…………………….
究竟對乜敏感呢??
除左眼眼, 耳仔就真係發炎, 要塗藥, 埋單又百幾二百, 痛~~~~~~~~~~~~
尋日返到屋企，唔見隻傻仔衝埋黎，四圍望下，佢原來响個籠度。
見佢係咁‘率’ 眼，發現佢隻右眼有D 問題…
眼眶成日都有D 液體，眼頭仲會有白色黏物，好稠，黏到D eye lash一pat pat。
眼球又紅過另一隻眼，係咁眨!!
阿仔你又做咩呀????????
Sam呢隻衰仔最叻蝦Sam爸!
拿, 呢次真係人贓併獲, 有相為証添架~
睇唔睇到佢個大c 忽坐住晌Sam爸身上??
邊有狗衰到咁架! 
其實新年前或者生日前就應該帶SamSam去剪毛毛, 不過… 都係0個個字 — 懶!!! 
睇下個乞兒仔樣, 毛毛亂七八糟一團!
再睇, 長毛賊一隻!
終於頂唔順, 帶左佢去剪毛毛~
成隻瘦晒…
– 胸口毛, 薄左
– 耳仔後邊d 粟米毛剪晒
– 0者0者毛冇晒
– pat pat 毛短短, poo poo唔會再癡住
靚仔晒!
Sam: 真係好靚仔呀媽咪?
Sam媽: 你靚晒啦~ 仲香噴噴添
Sam: 好野!!!
公公都係咁抽水, 笑死人~ 
個姐姐話攪左好耐先剪到佢pat pat 毛, 因為佢係咁坐低唔俾人掂…
就係咁我先帶佢俾你剪啦, 哈哈哈!!
連腳底d 毛毛都鏟晒~
成個package 要56蚊, 我地再加左十幾蚊幫佢擦牙, 用特別沖涼液, 話會甩少d 毛wor~
但係, 鈍左啦, 今日去park, d 雪溶到一pat pat, 3 隻傻狗玩到癲, 黑卒卒…………..
3 隻野仲要係咁摔角, 碌落地, 個個家長媽媽聲!!!
我地最慘, 尋日先使成舊水gromming… 今日又要自己幫佢洗多次
尋日帶埋SamSam去親戚屋企食飯~ 十幾個人!
驚佢搞搞陣，Sam爸一早就已經帶左Sam豬去Park放電。
結果，係無用架!!
興奮仔個個都聞，個個都去搞下，明明累得要死，就係無時停!
由於我地係唯一一家養狗0既關係，個個都覺得我地教狗好似教人… 當我地傻傻地~
Come on，狗係要教架!!
個衰仔係咁鑽人堆，但係又有人怕佢wor，搞到我地係咁要拉住佢。佢呢，搞得兩搞就發皮四，响度吠，結果就梗係俾人罰啦!
帶住口罩佢都要鑽人，個個見到佢個慘樣係度勁安撫佢… 救命!!
仲要讚佢good boy?!!??
所以有時真係幾怕帶SamSam去人地度，特別係無養過狗0既人度~
不過除此之外，尋晚佢都算係咁啦，Sam爸一叫佢就返，平時真係睬佢都有味!!
返到屋企，Sam豬即刻躂返上床，踢都唔郁!!
今朝起身，個傻仔都係望下我就算~
阿仔，唔止你累，Sam媽Sam爸要扯住你仲累過返工!
另外，Sam豬連續呢幾日都係咁'哈嗤'，噴到個個都係，唔知係咪感冒……
