Sam爸…. 你幾時返黎呀? Sam媽唔俾飽飯我食… 我好肚餓呀!!!
話說Sam媽放工返到屋企, SamSam應該知道亞媽等錢使, 放低兩大舊金!!!
真係荒做我唔死……………
其中有舊C 又有少少血絲, 之後出去行SamSam又去多兩次爛爛…
究竟係咪我唔識養狗呢, 點解佢成日都肚痾??
屋企冇晒雞肉, 唯有齋白飯加少少yogurt俾佢做夜晚0個餐~
陰公, 唔夠飯食0既Sam連曳0既力氣都冇埋… 一早就撻低………….
佢個樣好慘………………
聽朝好唔好俾飯佢呢?
仲唔俾好似好慘… 今晚已經冇啖好食
點好呢????
今早同傻Sam行，發覺到一樣好好核突0既野…
個死仔唔止執樹枝同食草… 佢………………. 食人地D 金!!!!!!!
以前佢BB 0個陣食過自己果D 一陣，跟住就無再發生過，一直亦都聞下人地0個D 就行開…
點解無啦啦會執人地0個D 黎食架?!!!!
星期六一早, 5 點幾, Sam豬咦咦唔唔嘈醒我.
出去睇下佢啦, 興奮(?)到係咁撲, 即係冇事啦? 訓~
過左一陣, 又嘈過再夾雜幾聲吠聲…
唔係路…
夜媽媽我唔敢同佢落街, 于是踢醒Sam爸同佢去!
真係又肚痾!!!
呢排冇新野試過呀, 唯一係條友仔係咁咬草執樹枝!
而家秋天, 一地都係, 幾時先咬完?
自從SamSam响寄養返黎之後，Sam媽覺得佢有D 唔同左…
星期二晚，Sam爸响樓下接返傻Sam，Sam媽煮飯，但係都有响個窗度裝下…
傻Sam見到Sam爸好興奮，係咁想撲，不過寄養Mom扯住佢要佢Sit。呢個係寄養家庭加分位，起碼我知道佢地會教狗先！
Sam爸同Sam豬行左個圈pee埋先返上樓，Sam豬見到Sam媽係咁fing尾，不過又唔係勁興奮0個種~
唔知係咪玩左4 日太累，成晚佢都好似唔想郁咁!
星期三朝早起身，SamSam無再好似以前咁fing尾走黎我面前，淨係攤左响佢張地毯度望望我就算。我行埋去，佢都無多理我。我摸佢，佢先fing尾望我…
阿仔，你在怪媽咪呀??
放工返屋企，Sam豬又係一pat 野咁攤响個籠度… 想點呀?
好彩帶佢出去玩，佢都仲肯跑，如果唔係我會以為佢病病!
不過呢兩日成日都見到傻Sam呆呆地，目光好似無焦點咁，究竟佢係未累完，定係唔開心呢?
仲有一個問題… 帶SamSam出街，條友仔好似唔記得點行咁，勁扯繩, 衰過之前!!!
好難想像3個星期以後佢仲會記得D咩…
