又係Sam 媽傑作… 走狗!
呢個週末紐約天氣好到不得了，可惜Sam爸繼續要返工。Sam媽咪係咁帶隻豬出去囉~
平時我地會响一塊3 邊有野欄0既草地度玩Fetch，旁邊有個俾小朋友玩0既Park 仔。尋日見有人响隔離個Park度，咪帶Sam去對面馬路另一塊草地度玩囉。
Fetch左幾次，突然間Sam豬咬住佢條繩繩飛跑!
Sam媽點叫都叫唔住… 完全係阿崩叫狗~
條友仔係咁意停過一下，望一望我，繼續跑… 跑過埋條馬路!!!
Sam媽追住去，條馬路係細路，但係都有車，好彩部車要停Stop sign，唔係後果真係不堪設想
衰B 去左邊?
跑返去平時玩塊地到!!
返到去就乖乖咁企定…
Sam媽就驚魂未定咁扯返佢條繩，要佢Down，跟住一輪嘴咁話佢…
仲有幾日Sam爸就忙完，呢D "付look"野應該唔會再出現
個籠好似真係太細…
Sam豬同樓上隻都柏文玩左成2 個鐘, 返到黎灘左入籠訓 
最近睇左好多Blog都講關於狗狗被歧視問題，今日响uwants 又睇到呢個題目:
http://www4.uwants.com/viewthread.php?tid=6372076&extra=page%3D3
好多人都以為响外國住D 人就會唔會歧視，其實只是機會少D。
狗主的公民意識來講，唔執狗C 的人响美國大有人在，Sam媽都成日中地雷!
3 樓有隻西施，成日見到Sam都發左癲咁吠，Sam通常都唔理佢。個兩個主人見隻狗一發癲就會抱起佢，好彩佢地唔歧視我隻狗，但係咁做隻狗又點學到野呀…
附近好多細狗，唔少主人見到我同Sam豬都會避開行過對面馬路… 一來佢地覺得Sam豬會咬佢地D 狗，二來佢地D 狗見到Sam豬就會係咁吠，三來Sam豬一埋身就唔係同狗玩而係要痴個主人… 隻豬鐘意人多過狗~
到而家我Sam豬最需要學的係唔好跳上人身… 出街一見到熟人就點拖都拖唔住，我拖實佢埋唔到人身，佢就會係咁吠… 其他人見到又點會唔驚大狗呀…
睇來仲有漫長的訓練日子佢先會學得識
Sam爸呢排都仲係Busy Season, 但係都抽時間車Sam媽同Sam豬去狗公園。
星期日又去左啦~ 今次去左Brooklyn，第二次黎呢個公園。
識到對姐弟，大概讀中學同大學樣，佢地個故仔都幾搞野: 話說家姐想要隻金毛，點知個Breeder 講大話，狗狗越大越似拉布拉多! 拉拉都好呀，不過我睇過狗狗條利呢，係有斑點架，拉拉好似無… 即係話，隻狗狗係拉拉同唔知咩狗mix! 好彩，佢地唔介意，對狗狗(Koey) 好好。但係見到SamSam就係咁抽水囉~
另外見到好多平時少見的品種，例如: 聖班納，Grey Hound，柴犬，仲有兩隻HUSKY!!!
可惜Sam豬又俾人搞囉…
有隻5個月大0既鬥牛梗(Pit bull)，玩得好狼死。本來SamSam 同Koey 玩緊，隻pit 又走埋來，仲同Koey玩到E 牙。兩個主人拉開之後，隻Pit 就追住Sam豬，又係咁攻擊佢條頸同耳仔! 唔係玩0個種，係真係發左癲咁。Sam豬响屋企就大晒，出街就係綿羊！Sam媽怕Pit，嚇到企响一邊唔知點好。
有個伯伯扯開兩隻狗，攬實Sam豬，仲話個Pit 主人有無搞錯，咁都唔過來扯住佢隻狗(兩個主人坐响10步而內)! 個女主人先走埋來，唔出聲，拉開隻狗。
Sam豬唔知係驚左，定之前跑得太勁，之後一直淨係坐响我腳邊。直到Sam爸過來接我地，佢先跟住Sam爸行左個圈(Sam爸去抽Husky 水)
Sam媽真係無鬼用…
