一早7 點幾就嘈, Sam爸起身帶完去廁所返房, 衰Sam就又開始嘈.
佢又唔係一直吠, 總之就係咁發出d 聲… 又吠下!
禮拜尾一早嘈, 隔離真係多得我地唔少!!!
仲要個個星期都係咁!!!!!!!!!!!!!!!!!!!!!
大概一個鐘度, 卒之靜左, Sam媽就死死地氣起身餵佢啦…
以為佢飽飽又行埋街, 我可以再訓返…
係無可能~
不停係度搵野搞, 搵野咬, 又係咁跳上我身, 跳上書檯, 跳上沙化…
你咁多玩具, 點解唔可以自己玩, 係都要人陪0者?
成日癡住晒, 你好煩呀!!!!!!!!!!!!!!!!!!!!!!!
{好頭痛… 好頭痛… 好頭痛… 
}
成日都咁訓… 你條頸冇事呀嘛?
嘴都歪埋囉wor!
食完飯準備帶SamSam街街, 一開門, 有一大袋野挂晌度…
打開個袋, 好多狗零食呀!! 起碼有廿幾三十包(雖然係獨立包裝)!!!
聖誕老人黎過呀?
Sam: 媽咪話應該係樓上個叔叔俾架, 我好鍾意個叔叔架!
Sam媽: SamSam, 呢d 係好健康0既野食黎架, 叫做番薯乾!
Sam: 咁我食唔食得0既先?
Sam媽,: 得….. 如果你乖的話~
Sam: 聞下… 都好香wor…
即刻變乖樣, 得0左!
p.s…. 叔叔個老婆係上次話Sam媽0既衰女人! (詳情:紐約的爛樓)
兩公婆待人都唔同, 叔叔成日笑面迎人, 好好人; 個老婆就黑口西面!
長週末，沒有特別野做，只是帶隻傻Sam去Dog Park。
第一次見到咁多狗狗… 似乎大家都寧願使少d 錢去玩。
星期日其實都幾熱架，但係都有人照帶Husky 出來，我兩個死0係到眼金金咁望住人地隻狗，十足金魚夫婦!
SamSam一向响Dog Park都幾獨家村，唔知係咪呢日多狗，佢都有同其他狗狗玩，仲係咁追住隻都柏文女女
。 佢自己又俾另外一隻狗女係咁追，(唔知咩狗，應該係mix)，俾個主人笑隻狗女玩姐弟戀!
返到屋企，累得死了，連續兩日都唔願郁。
細路，你都好唔掂0者! 
望住佢個累樣，好好笑，又好可愛…
咦?
你"算"腳指呀??
媽咪, 呢個乜黎架? 我真係可以玩??
聞下先…
我玩架啦
我爬呀爬!
媽咪點解我爬唔到上去你度架?
你玩我呀?
(Sam媽係一邊係咁影, 彩你都傻~~)