唔明究竟絕育手術對我仔做過d 乜, 感覺… 佢變左!
尋晚佢追住Sam爸隻手黎咬, Sam爸話佢, 佢居然晌Sam爸面前尿尿!! 
今晚又黎, 仲衰d, 晌個cushion 上面尿!!!!!!!!!!!!!!!
不停挑戰我地, 想點呀… 
食左兩次消炎藥, 血色尿尿少左, 不過都仲係頻頻去, 但無乜得出.
唯有繼續, 睇下聽日會唔會又好d 啦~ 
自從SamSam BB 返黎開始, 每日我煮飯佢都會特別乖, 靜靜趴地~
每日最乖就係呢一刻… 
不過衰豬越來越大隻, 但又好鐘意sip 响我同個廚櫃之間, 仲要坐得靚靚仔仔, 唔知搏乜! 
阻住晒!!!!!!!
除左幫Sam豬買藥使左$48USD 外, 屋企冇晒佢d chews, 又要去PetCo入貨…
不過今日d 野幾抵wor 
– 斑馬玩具, 原價$7.99, 減價$3.98!
– 豬耳仔4 隻, 冇減價, $1.49 一隻
– Hooves (唔知中文), 原價$1.29, 減價$0.75!
– Bulk Munch (又係唔知中文), 原價$2.99, 減價$1!
隻Hooves 真係好抵玩, 上面係Sam豬玩左成2 個月, 下面係今日先買既!
可惜呢隻野好腥臭
Sam豬情況未有改善…
打去HSNY，依然得個等字。
手術後，Sam豬有D 怪：
– 去尿尿時，完左第一次完整的之後，佢會兜圈，唔係要大大，而是再尿。但係，尿出來的是血樣液體，仲只是得幾滴！
– 由細就訓練佢，我地關房門訓，Sam豬就訓廳，一直都相安無事。但呢幾晚，Sam豬見我地關門就發左癲咁，又吠又抓門。Sam媽好心痛，不過都強忍唔開門，唔理佢。過幾分鐘，Sam豬就會大大力嘆氣，bing bang 躂低訓。
—
10:10am更新：
終於，獸醫打電話黎。同佢講左Sam豬尿尿情況，佢話似乎有發炎，要開10日消炎藥。佢仲話，食左d 藥，24－48個小時會見效。如果情況唔變，就要帶仔返去Check！
大佬呀，如果你尋日覆我，Sam豬已經食緊藥，唔使辛苦多2日啦！
今早同Sam豬去廁所都仲見到有血樣液體，不過就少過尋日，唉…
打電話返HSNY，個個獸醫都做緊手術，要起碼下午先會有人覆我。
返工同埋Sam豬Sam爸一起出門口，Sam爸之後講返，以後都唔好咁樣，因為Sam豬見我走，發左癲咁。
其實隻仔一向都係咁，平時出街，如果Sam爸落車先，佢就會癲左咁响部車度轉來轉去同叫，望住睇下Sam爸去邊。我响隔離都唔可以令佢安心…
4 點啦，仲未有人覆我………………..