今年落雪真係落到我怕晒… 又落左成3－4寸…
一早起身無望過街就帶Sam豬出去，出到building 打左個突… 橫風橫雪wor，D 積雪已經過左我隻鞋，而懶惰0既Sam媽無著襪!!!
傻Sam一出門，伸長個鼻係咁索~
隻腳踏上D 雪度就好似啪左個制，係咁跳係咁跑，又將個頭'中'落D 雪度聞。
見佢咁開心，我都由佢扯繩。
跟住見到都柏文同佢個女主人，女主人問我有無時間等佢兩個响個park 度玩幾分鐘。有得俾個傻仔玩，我梗ok架~
另外一隻成日打招呼0既狗狗見到我地，見到兩隻狗响個雪地度玩，女主人都帶狗狗join。個女主人就唔放繩0既，因為驚佢會走路，但係都俾佢玩，最多自己跟住佢轉。
點知就响女主人行入park 0既時候，個地太滑，女主人sin 低左，pat pat 落地!!
佢自己起返身，跟住俾狗狗繼續玩，佩服佩服!!
玩左一陣，要走啦，輪到都柏文個女主人，成個人五體投地咁跌响我面前…
佢條脊骨有事架，好彩唔係pat pat 落地，唔係都唔知點算!!
Sam豬叫極都唔肯走，我要去捉佢，差D 都出事!! 好驚~
今年D 雪真係夠晒皮，都唔知邊度黎咁多雪，幾時先落夠???
)