今年落雪落到"媽媽聲"!
上個星期又落左成尺雪啦，可憐的Sam爸又鏟到癱左~ 
Sam媽? Sam媽廢0架嘛… 隻手~ 
Weekend帶SamSam去park，有人整左個超大雪人，我地梗係拿拿臨影返張相啦!
你睇下SamSam 幾開心~
不過今次D 雪又溶得幾快wor，天氣暖呱~ 過左4 日都無，已經溶得七七八八!!
我估個雪人而家都溶晒lu~~
尋晚又有D 野發生…
Sam媽帶SamSam 出街，同平時行0既路線有少少唔同。
當行過某條電燈柱，SamSam又好似平時咁八卦走去聞…
結果佢唔知聞到D 咩，發左癲咁叫，加埋跳高同跳開!!
佢0個下D 叫聲係好慘架… 嚇到我心都離埋。
即刻急急腳帶佢行開，一邊安慰佢一邊盡量控制自己0既情緒。
搞左好耐佢先叫做靜落黎… 但係仲係超驚，條尾尾夾在大腿黎，係咁扯我走，又不停向後望。
我都唔知道佢係咪俾野咬到，返到屋企check 過下，又唔覺有D 咩唔妥~
跟住又行過一間屋，0個隻衰狗又係咁吠我地(晚晚如是)… SamSam 驚上加驚
佢條尾尾一直夾住，到差幾間屋位置到屋企先起返少少。
返到入屋佢又好似咩事都無wor~~
到左今早，Sam爸帶SamSam出去0既時候，只要一轉彎行出我地條街，SamSam就好驚，唔行，夾尾巴同坐低响地…
究竟佢驚咩呢??????
SamSam 一大堆問題出現之後，Sam媽四圍搵trainer，希望可以fix 到佢發惡0既問題。
結果，响JC (JC Dog Training Field) 仗義相助之下， 越洋以電話傳授要訣~ 呢兩日暫時黎講，SamSam曳野少左~
同JC 傾之前，其實Sam媽都有同一個外州0既trainer 通過下email。佢同JC 0既意見一樣，SamSam唔係Aggression case。
但係，亦都有trainer 睇左我email就下判斷SamSam係無得救，要睇behaviorist。
究竟SamSam仲有D 咩問題? 多囉!!
– 有人來0既時候會超級興奮，係咁跳。甚至有時候去公園佢見到相熟0既人都會，boy媽同boy爸深受其害
– 偷拖鞋! 其他鞋佢都會係咁意攪下，但係唔會整爛，但係拖鞋… 哼哼!! 如果你著住拖鞋蹺腳就一定賴野，個衰豬會走埋黎搶你鞋!!
– 搭車會吠… 好抵死架，你上high way 佢就唔吠，行local 或者行慢D 佢就會吠鬼你! 我兩個隻耳仔好快就會俾佢KO…
– 扯繩問題，其實呢個Sam媽真係無咩得可以做。皆因… 手無搏雞之力，只可以依靠head collar。
– 至於聽到細微聲跳起0既問題，JC 話呢D most likely 係不安全感，用述語形容SamSam 0既話，會係'蛇 qure'
總括黎講，引用亞sir 0既一句話，SamSam 根本就係無規無矩!
鬼咩，Sam爸Sam媽錫到窿
經過JC 一輪教育之後(第一次係SamSam 頭一次發惡)，今次又講左成2 個鐘長途電話，連Sam爸都有收穫，接收左好多tips，0黎緊我地兩個要好好訓練Sam豬~
老實說，如果唔係JC 响香港，我真係一早就請左佢幫我整治下SamSam!
有乜邊個會唔收錢，用咁多時間越洋幫個傻婆教狗架!!
多謝亞sir~~~
如果你地响香港要搵人幫手教狗狗，記得搵佢啦! (嘩，我自己都覺得過分hard sell)
話說回來，其實好多小問題狗主唔去解決，到大問題0既時候先搵人幫手，到時可能仲麻煩!
我地都決定左，0黎緊會帶SamSam再去上堂。我地唔係要佢做super dog，只係一隻狗要balance 先會開心。佢地開心，作為主人，我地都會開心啦!!
繼續SamSam 最近0既問題…
呢兩日SamSam 0既行為都好奇怪!
例如，前一秒都靜靜地訓响度，但係會突然成個彈起，然後望住某一個位置(次次唔同)。佢成個身會僵直晒，好tense，無論我叫佢幾多次佢都可以完全唔理我。
尋晚我見佢咁，咪行埋去摸下佢，叫佢relax 啦。點知佢轉頭對我'戚'嘴!
又黎?????????
今次佢無E 牙，但係一晚有幾次都係咁。
有2,3 次仲有D 低沈0既吠聲，好似有人响門口咁(事實係無)。
好似變左另一隻狗咁，我真係呆晒，唔知道可以點…..
我同Sam爸講，唔通間屋有鬼? 得SamSam 睇到我地睇唔到?? (苦中作樂…
)
結果今日research，見到呢篇文章，加埋各位blog 友0既留言，即刻'叮'左一聲!
係wor， 會唔會其實SamSam 係恐懼呢??!!
但係又會咁得意0既，住左兩個星期先出問題??
Anyway，知道問題所在，希望黎緊可以好好地work on 佢呢個問題，早日令Sam媽我脫離恐懼!!
(Yeah, I am now the one being fearful!!!)
這個新年真熱鬧…
熱係興，俾人搞到好鬼興!
鬧，係有人俾人鬧到飛起!!
大年初二去park 放狗，一直都相安無事，直到差唔多走，SamSam 偷左George爸隻手套跟住係咁跑~~~~
於是Sam爸就去捉返佢啦…
搞左一輪，終於捉到啦，點知……….
佢對住Sam爸E 牙!!!!!!
Sam爸火都黎埋，一野"噤"左佢落地。
佢繼續都有E 牙同掙扎，但係當其他狗走埋身邊佢就想咬佢地。
Sam媽就趕開晒D 狗，過左一陣，衰仔就靜左。我地就馬上上繩…走!
衰開有條路，尋晚年初三，俾左條compressed rawhide 佢。
平時我地都有等佢咬咬下就叫停佢，因為佢之前已經有E 牙護食0既問題出現過。
自從上次之後，問題都無再出現過，點知…
尋晚見佢咬到條rawhide 有血，叫停左佢。
佢都馬上停左口，放低左。
我咪行埋去想開佢個嘴睇下咩事囉…
個死仔包一野咬落我手指，雖然唔係好出力發狂咁咬，但係都有E 牙!!!!
我即刻用個身擋住佢面前，要佢起身行開。
佢E 多左一下之後，就起身退後。
我拎走舊rawhide，鬧左佢一野，之後成晚都無再望佢同理佢…
而家我都好驚再摸佢個嘴，但又要逼自己去面對呢個問題，就痴腺架啦!!!!
好心痛，點解我一直做咁多野，佢都仲有呢個情況出現……….
新年流流整兩單野出黎，咩mood 都無晒，對新一年咩希望都無啦……….