祝各位哈佬喂快樂!
人地話"A tired dog is a good dog"
我就話"A tired dog is a good dog, and is a 嗲dog!"
某日去完park，Sam媽坐左响SamSam張床度睇雜誌，SamSam就訓左响用緊電腦0既Sam爸腳邊。
Sam媽: "SamSam呀，你過唔過黎等媽咪陪你訓呀?"
'dong dong dong dong… 劈拍!'
結果就… 如圖: 
嗲精~~~~~~~
不過嗲精只會响佢累死0既時候出現，平時叫佢，可能都會過黎訓一訓低，應酬下我，但係唔使30秒就會彈返起身!
仲有，平常我係唔可能睇雜誌架，一打開本雜誌或者書，佢就會過黎攪，又聞又咬
我都係第一次可以有佢訓响隔離睇雜誌咋!!
Sam媽Sam爸尋完楓，帶SamSam去公園玩0既時候發現公園都幾多楓，不過落完雨，落到一地都係…
唔緊要，帶唔到傻仔去尋楓，都影返張楓葉相啦~
公園個草地濕到癲，個傻仔又係咁跑，一身都濕晒
另外呢，唔知點解個地下有D 好似好細隻0既老鼠仔定唔知咩動物0既死屍，好多狗狗都係咁碌地!! 我就勁驚條友執黎食囉，超恐怖
買玩具，Sam媽除左要平之外，仲要係抵玩~
抵玩唔只係話個玩具可以玩得耐，最緊要個衰仔會唔會玩!
試過好多買左返黎，佢可以掂都唔掂，一年使好多呢D 冤枉錢
SamSam以前淨係玩繩繩類0既玩具，係近呢大半年時間先開始鐘意波波。
為左消耗佢0既體力，波波梗係有咁遠椗咁遠就最好啦，但係隻手就好容易報廢~ Scotchie 爸就俾左佢地個Chuckit Ball Launch 我地， 呢個真係偉大0既發明，個波可以飛得超遠~ 仲唔使彎腰執0個下好!!!
但係…
SamSam呢隻死仔包好貪新忘舊，再加埋佢盲中中，成日响草地都執唔返D tennis ball，所以我地會有橙色0既波波，遲D 會再買埋粉紅色!
當然仲有我之前提過0既紅色波波佢都勁鐘意啦~
不過Sam媽又搵到好野啦!
呢隻野唔好睇佢樣衰衰咁，佢都係Chuckit 系列，而且符合晒Sam媽買玩具0既原則。
原價$11.99，減價時候買入，只需要$5!
一次滿足SamSam多個願望: 有繩繩，有波波，仲好好咬口添!
Sam媽度過架啦，就算佢咬爛繩繩，呢隻野個size係可以用到Chuckit Ball Launch，加埋佢D 物料堅過石堅，應該可以有排玩。
仲有，好難得，SamSam可以自己拎住黎玩!!
你話係咪抵?! 
放工同SamSam行街，成程佢都行得好好。
行到某間屋，個女人開門入屋，門一開，佢隻癲狗就破門而出，撲向我地。
我將SamSam拉去我身後，我擋晌前面。但隻癲狗咁追住SamSam，SamSam就係咁避。
我一路叫一路用隻腳隔開隻衰狗，唔俾佢埋身。
個主人就淨係識叫，隻狗一D 都唔理佢。
結果，隻衰狗應該係有整到SamSam條尾!
跟住，個主人終于埋黎block 住隻狗，但係竟然無拉返實隻狗!
我第一時間拉SamSam走!!!
個慘仔，勁驚咯，我一邊行一邊同佢講"it's ok"，佢都係唔理我，喪走~~~
行埋一邊我好快咁check 左佢一下，唔見有D 咩事，不過就多左陣怪味。
返屋企上網research，原來狗狗驚0既話，係會"bit"肛門腺!
可憐0既Sam豬，Sam媽保護不足，對唔住呀~~~~~~~~~~~~~~~~
(原本以爲自己唔驚，到拎刀切野，先感覺到自己隻手係震0既………….)