Sam媽夏天最愛西瓜，有'人'有樣學樣，愛上大西瓜!
自從上個星期Sam婆切西瓜0既時候俾過幾舊過傻Sam之後…
呢個禮拜，由Sam婆放工入門一刻開始，呢條友仔即刻施展"二仔底死跟"0既功力!
就算Sam婆係煮飯或者整緊其他野都好，SamSam都做守護神，坐响Sam婆附近，眼金金!!
結果，皇天不負有心'人'，俾佢等到啦~
SamSam: 婆婆，你切完唔使放啦，直接拋入我口咪得囉! 
食左一舊之後就更加打死都唔走!!!
我點叫點引，佢都唔理我，連望都唔望我一眼!!!
肥仔Sam!!!
SamSam 真係好鬼多奇怪動作，呢個係繼鱷魚之後另一pose… 
Sam媽: SamSam，咁呢樣又係咩黎?
SamSam: 媽咪隻手囉
Sam媽: 咁點解媽咪隻手花晒呀?
SamSam: 有人"禁"鐘我話你知咋嘛，使唔使出blog同人講呀? 
Sam媽: 你睇住俾雷劈呀仔!!
呢排真係太忙結婚D 野，要等搞掂晒先可以train 個衰仔唔好一有人"禁"鐘就發癲咁跳!!
捱多幾個禮拜~~~~~~
星期日，如常帶Sam豬去游水水~
呢個禮拜有Madison 同George 一齊，雖然4 狗幫都仲係少左Scotchie，但係金毛黨齊人啦~
因為塞車，George 地遲左黎，就咁就miss 左一單恐怖襲擊案!
兩個daddy 帶住狗狗們落水，我就同Maddi 媽坐埋一邊做天文台，皆因最近多左阿蛇抄牌(狗狗其實係唔可以放繩同落水)。
有隻魔天使响度跑黎跑去，佢個女主人就坐我地隔離張長凳，大概3大步之外咁啦，自己就聽音樂，望住佢另一隻pit bull 游水。
之後有兩隻狗又黎左，一隻係4 歲大mini 都柏文，另外一隻狗種不詳，淨係知道係隻白色高高地有"攣"毛0既大狗一隻，size 應該大過金毛。
隻都柏文一黎就撩隻魔天使玩，咁佢地就追逐啦~
隻魔天使見到白色大狗，就走埋去聞下，打個招呼啦。恐怖襲擊事件就响呢個時候發生左…
隻白色大狗突然之間出口將行埋佢身邊0既魔天使條頸咬住，再"質"左佢落地，全程一秒都唔夠。
我同Maddi 媽睇到成個事發過程，我就嚇到呆左，Maddi媽就勇呀，拎住支水走去幫拖。
周圍0既人都大叫!
白色大狗個主人事發0既時候一見到就已經衝埋去"禁"住自己隻狗，但係隻狗死都唔放口，可憐0既魔天使發出絕望0既叫聲。
當Maddi媽用水潑左落隻狗，個魔天使主人先發現自己隻狗被襲擊，放聲大哭咁衝埋去。
大家幾經辛苦先响白色大狗口中救返魔天使… 不過又奇wor，隻小狗除左驚之外，好似無咩受傷 (Sam媽怕血，成程只有遠觀)
Maddi 爸同Sam爸聽到哭叫聲都即刻幫兩隻狗上繩上水，睇係發生咩事。
個女主人抱住隻狗捉實大狗個主人，叫人幫佢地搵park police。
一來由於Maddi媽唔想做目擊證人，二來我地又都唔應該响0個度游水0既，咁我地決定閃
但係George 仲未到wor… 佢地又0岩0岩SMS我話到左，咁唯有企埋一邊等埋佢地先啦。
通常我地一到就會放繩，不過見到我地4 條友閃埋一邊，撒晒手，George 爸都算醒目，即刻拉返住George。
結果park police 真係黎左，搞到班傻金毛望住D 水無得游，隻隻係咁吠，係咁嘈!!
搞左成個幾鐘park police 終於走左，拿拿臨俾幾隻傻狗落去游返陣~
黎緊park police應該都會巡得多D，make sure D 狗有拖返繩… 咁我地可能無得成日游lu…
尋日返到屋企，入房換衫，個傻仔跟住尾…
Sam: mammy 你做緊咩呀? 俾埋我入黎啦!
Sam媽: 你'long'住個頭舒服D 咩??
Sam: OK 架，咁而家入得未呀??
行完街返上樓，平時幫佢抹完腳仔，佢會坐定响門口等野食
不過尋日就反常~
一抹完就衝去個baby gate 度望入房，應該係睇下daddy 返左未~
傻Sam!
p.s. 尋晚拆左個baby gate 啦，費事佢吠… 唉~
俾隻痴人精搞到無覺好訓… yawn~~~~~~~~~
事源間房部分體式冷氣唔係好掂，我地就買多個baby gate 返黎，想話閘住個房門，開廳個冷氣就算。(平時我地係關埋房門，SamSam唔入得0既)
尋晚係第一日用baby gate，成晚都無事，直到太陽出黎…
6點正，個衰仔就開始"e e un un"，無理佢繼續訓。見你唔理佢，吠左幾聲，繼續ignore!
放棄… 行左去，轉頭15分鐘又黎過!!!
結果重複左n 咁多次，直到7點幾我先爬起身。
一見我起身，0個跳直升機尾'fak fak'聲，坐到勁靚仔，四萬咁0既口望住我~
0個下，你點嬲得佢落呀…
但係今晚應該唔會再試住啦… 佢吠到咁，費事俾人投訴!
講起痴人，上個weekend 長假期，有個朋友過左黎住兩日。佢自己都有隻由細養大0既狗狗，所以先唔介意SamSam個size。
平日佢成日聽我講SamSam有幾癲，就係咁安慰我，話D 狗係咁，好快會定，覺得我誇張~
結果經過兩日0既洗禮，佢都不得不認同我: SamSam係超級精力旺盛，絕對無惹小!
同情我無用架~ 幫我想辦法搞掂佢好過啦
過兩個星期，"女麻女麻"會响香港過黎同我地住幾日，佢身體唔多好，我好驚隻衰仔整親佢