SamSam一向都係蠱惑狗，呢個大家都知，但係連Sam媽都唔知佢可以蠱惑成咁!
Park有隻大狗叫Ginger，身形龐大，有150lb，大隻過Sam媽~
呢幾個星期又擺左好多排凳，SamSam又走去玩，不過今次醒呀，唔再嘗試上去，玩捐under!
Ginger 唔知做咩係咁追SamSam玩，個傻仔幾蠱惑呀，持住自己細粒，係咁捐排凳~
SamSam: 黎未呀佢?
SamSam: 個傻Ginger 入左去啦? 我閃~
Ginger: SamSam呢? 我咁辛苦先入到黎，去左邊呀??
SamSam: 我好利害架，可以响條旯度捐返出黎，不過見媽咪話影相，好啦，我先等埋你咋Ginger~
食草定玩ball呢個問題，我家傻Sam會話: 食草!!!
每日帶SamSam去屋企樓下個公園仔拋ball，每次都只可以拋5 下…
因為到第5下之後，佢就會走左去食草!!!!!
日日如是~
牛拖世食草中!
點解人地D 狗咁鐘意拋ball，我隻唔鐘意0既呢?
人地又會有favorious玩具，我隻又無… 每個玩具都只可以玩3 分鐘!
點解~~~~~~
放3 日假, 淨係去左一日游水水…
SamSam: 快D 啦daddy!
SamSam 好衰架, 每樣玩具都玩3 分鐘, 陸上係咁, 水上都係咁, 麻煩到癲
睇下佢d 罪証啦!!
明明自己0個玩具晌身邊都游左去, 差D 就咁冇左10幾蚊!!!
佢去邊? 去左同George 爭人地個玩具!!!
上岸同Madison 必定要打返場!
D 精力究竟邊度黎
同場加影… 串燒二少黎左NYC?!
傻仔呢, 而家游遠左好多~ 希望呢個夏天可以游多d!!
長假期, 冇plan, 於是日日去park…
不過呢兩日都見唔到d 朋友仔, 就淨係我地自己玩下行下就算~
唔知係咪天氣太熱, SamSam都好快就冇電!
星期六, Sam媽唔記得帶水, 行到咁上下, Sam豬發現新大陸咁跑前…
平時行過BoyBoy 都會停呢度飲水, SamSam好好記性, 知道呢度有得飲, 坐得靚靚等我地
真係好渴wor….
SamSam: mammy唔該唔好停!!
臨走又會行過另一個飲水booth, 又要飲~
成個人咁, 頂佢唔順!!! 
尋晚整左呢個俾SamSam:
食譜來源: Ming's 愛犬私房菜
都幾容易做，不過焗0個陣有D 腥
－－－
今日睇返，瀬野!!
買左黃色皮，原來狗狗唔食得架 
SamSam食左only 2 舊，應該OK呱………………..