同JC 傾過Sam 0既情況, JC 都話有可能會再發生…
之前幾晚都有同Sam坐低咬豬耳仔, 乜事都冇~
今晚Sam媽獨闖龍潭~ 用返上次令佢發爛0既骨骨(BTW Scotchie媽, 我地係用你上次送0個種骨)
notes: 舊骨好細, 佢可以成舊咬入口
一開頭都冇事, Sam媽一直都攪住佢… 直到放開俾佢自己咬左2-3分鐘左右, 我又要佢drop, 呢次唔肯啦…
我隻手一掂佢個咀, 又wu我, E 牙~
即刻NO佢兼抓實佢個口… 唔想再多幾個孔…………………
軟硬兼施, 唔肯drop!!
我用狗帶纏住佢個咀, 再嘗試掂佢個咀, 一近d 就E 牙…
用平日train 0既小食交換, 唔肯…
用Sam媽整0既餅餅, 唔肯…
到最後我'tum'佢, 你俾啦, mammy 俾雞雞你啦… 佢先有drop 0既意思~
見狀, 我梗係拿拿聲去伶雞雞啦!
叫做成功冇穿冇爛搞掂~
Sam媽熱汗冷汗都出晒….
一個字, 勇!!! (癡膠花
)
~而家仲驚緊~ 
同埋我留意到, 佢最近晌park同d 狗狗會爭樹支不單止, 仲會wu人… 以前唔會, 點解突然間發生咁多野
人地話狗狗有人性，我話我家傻狗唔止夠人性，分分鐘鐘聰明過好多人添!
SamSam係精甩尾0既蠱惑狗，每一晚訓覺時間我地都要同佢鬥智!
有爬開文0既朋友就知道，由於Sam豬依然成日搞搞陣，所以無人0既時候佢係未獲得信任得以自由行~
又都因為係咁啦，佢夜晚0既訓覺地方＝平時我地返工佢hea 0既地方。
為左方便解釋，Sam媽要出賣自己間屋0既平面圖…
响LR 同FY之間有一度閘，平日Sam豬自己响屋企0既活動範圍就係FY + K。
而佢活動0既範圍裡面有糧/水兜，有地毯，有籠。
我地返到屋企就會開返個閘，咁佢就可以自由hea~
到我地訓啦，就會要佢返去FY 0個邊。
呢條友仔，晚晚到咁上下feel 到我地準備入房，佢就會扮野，"劈啪"撻低，訓响飯檯底(圖中DT位置)~
"媽咪你咪搞我啦，我訓左啦~"
最近更加變本加厲，一覺得有D 咩無妥，例如我去沖涼啦，入廚房啦，佢都柄埋自己入去!!!
賊仔眼會係咁碌，睇下你地搞乜~
佢好明顯係扮0既，因為好多時我地專登坐返埋電腦台，佢就砰砰聲出返黎，訓响你腳邊~
如果佢真係累想訓，佢又真係踢都唔郁。
咁點呢，點'tum'都唔會work… 用treat，得，你俾雞雞啦，唔係唔理你!!
晚晚都要鋪條treat 路佢先會返過去… 我地自己又要扮唔係訓，唔望住佢，自己忙其它野… 佢先會起身~
我地仲要夠快手關閘先得，唔係佢食完就會又閃返入去檯底…
成日鬼鬼鼠鼠偷蕃暑!!!
有無計可以唔使搞咁多野呢??
呢位細路，使唔使咁嘆呀??
Sam公公成日話佢呀: 一味痴埋黎，成日挨住晒要人按摩，正骨精!! 
(呢個絕對係狗似主人型呀! 
hahahahaha)
老豆，你咪唔好摸佢囉!!!
p.s. 我唔敢同Sam公公講個衰仔發惡件事，費事嚇親佢~
p.p.s. 又話整blog 全面暫停0既??
p.p.p.s. Scotchie媽生日快樂!!! 
上文嚇親…提到，Sam第一次開口發爛，當晚係星期五。之後兩日weekend，我地都係照帶佢去park。
星期六整日，Sam媽都back to the basic，重新將佢學過0既野由頭開始，溶入佢一舉一動；再加埋clicker mark返佢D appreciated 行為。
夜晚，得Sam媽同傻Sam响屋企，俾豬耳仔佢食，兼同佢一齊坐低黎食。摸下佢，掂下佢，跟住再拎左隻野，佢wu左我一聲。
我即刻喪鬧，NO佢，收埋隻野。
佢望住我，好無辜0既樣~
跟住俾返佢，"渣"住隻野俾佢咬左一陣，又不停咁搞佢，之後乜事都無發生過~
其實，當時Sam媽個心有D 驚架，得自己一個，如果佢真係再發我癲，我都幾瀨野!
好彩，佢都算pass…
另外，連續2 日我地都會响佢食緊野0既時候搞佢，整佢隻兜，叫佢走開，突然stop 佢… 咩事都無!!!
算唔算告一段落?
今次嚇親0既主角係Sam爸同Sam媽…………………
一直都好proud 咁同大家講Sam冇food aggression問題, 今晚就發生左~
佢咬緊舊骨骨, 唔想佢一次過食晒, Sam爸就想打開佢口睇下仲有幾多, 條友growl Sam爸!!
Sam媽即刻過去鬧個衰仔要佢drop, 佢連我都wu!
伸手過去, 死仔發惡, Sam媽隻手多左兩個孔…
即刻0禁低佢, 整返舊骨出黎再time out!!
點解一直都冇0既問題, 突然間彈出??