今日係Sam一歲生日
, 咁橋今日有假放 (Martin Luther King Day)一早又帶佢去Park
又落左幾寸雪…
Sam豬勁鍾意雪, 傻樣, 幾開心~
一黎就見到Ginger, 講緊咩悄悄話呀?
凈係見到George, 亞boy 無黎…
呢隻新黎0既狗狗好煩, 成日想un 佢兩個, 佢地係咁避佢
George 走啦, 我地去行trial 啦
(終於影到張算滿意0既跑步相!!)
自得其樂, 喪跑中!
行行下見到令一隻狗, 應該係mix 黎, 又係叫Sam
係咁晌d 樹叢追…
使唔使跑到咪埋眼, 你睇路呀!!!
走晒啦, 玩雪雪啦, 接住!
(ignore 個棕人呀唔該…
)
影返張沙龍先啦, 雪之子~
尋晚walk 狗，驚見傻Sam行行下右邊隻後腳抬起，淨係用其他3隻腳行…
Sam爸早上已經講過見到呢個情況，但係Sam媽第一次見，好得人驚……..
佢當時0既情況大概係突然間好似抽筋咁，係咁縮隻腳，跟住就3 隻腳行，行到跛跛下咁~
嚇到Sam媽拿拿臨唔再同佢行，砰砰聲返屋企
返到入室內佢有乜事都無wor?!
咁即係點??
今日Sam爸同Scotchie爸講起，Scotchie爸話亞boy都試過，佢問過Trainer，亞Trainer話因為室內同室外氣溫唔同，所以會咁wor。
Sam媽又問過上司個上司，佢話佢隻金毛都係咁，不過係因為D 雪或者D 雪鹽攝左入佢地D 腳趾旯度，佢地覺得唔舒服，所以就會唔用0個隻腳行。
希望真係問題不大啦~
Sam媽今晚又要放低兩仔爺去秘撈了，次次都有D 事發生，希望今次咩事都無啦~
因為係第一次養狗，有一個問題到現在都未解決到…
究竟可以同隻傻仔玩乜?
由於體能有限，放狗時間Sam媽好難可以捱多過45分鐘。出面雪櫃咁凍，又都唔可能成日出去。
但係Sam豬似乎係唔夠皮0既… 好多時响屋企發癲~
D 人成日都話，咁你同佢玩多D 啦
咁玩D 乜呢?
一晚幾個鐘對住佢，真係唔知做D 乜好wor…
佢又好癡身wor，自己D 玩具係頂多玩10分鐘，佢就又跑黎搞你
佢0既癡身程度係令到我完全做唔多其他野~
但係，放低手上0既野，對住佢，又唔知可以同佢做D 乜好wor。
做training?
5分鐘佢就已經悶，要走開。
室內玩盡量唔可以太大聲，因為會俾人投訴…
所以無理由同佢响屋內玩ball~
成晚流流長，你地D 狗會做D 乜?
你又會同佢地玩D 乜??
Sam 爸又開始忙啦，所有野Sam媽都要自己搞掂，真係好需要你地0既idea話我知，究竟响室內可以有D 乜俾Sam豬做/玩??
最好佢自己可以玩0既時間耐D 啦，因為我真係有好多野要做……
我真係好想同佢玩架，但係，玩……….乜好???
睇返Sam豬D 相呢，原來今次係第一次幫佢影洗白白相!
好好笑囉，條友唔知洗咪而家愛上洗白白，一見我地幫佢換狗帶(條帶cheap D
)就發左癲咁，扯住我入沖涼房… 再自己跳入浴缸… 
幫佢沖涼好似打仗咁，兩個人先舞得佢掂，一個扯住佢，一個就淋水落shampoo
佢自己就係咁挖水
無錯，係挖水!
次次兩條友D 腳趾都俾佢挖到一條條痕，低能仔………
開暖水俾佢，個衰樣好爽架，但係沖完吹身伸就
Sam媽一開風筒，佢就四圍捐，係咁避
Sam: 唔要呀，你走開呀!!
Sam: 怕左你，拿拿聲啦!!
Sam: 哈? daddy你係咪話有野俾我食哇?
Sam: 仲未得? mammy你手腳好慢呀…….
次次都要吹45分鐘以上，遲早剪晒你D 毛!!! 
