長週末，沒有特別野做，只是帶隻傻Sam去Dog Park。
第一次見到咁多狗狗… 似乎大家都寧願使少d 錢去玩。
星期日其實都幾熱架，但係都有人照帶Husky 出來，我兩個死0係到眼金金咁望住人地隻狗，十足金魚夫婦!
SamSam一向响Dog Park都幾獨家村，唔知係咪呢日多狗，佢都有同其他狗狗玩，仲係咁追住隻都柏文女女
。 佢自己又俾另外一隻狗女係咁追，(唔知咩狗，應該係mix)，俾個主人笑隻狗女玩姐弟戀!
返到屋企，累得死了，連續兩日都唔願郁。
細路，你都好唔掂0者! 
望住佢個累樣，好好笑，又好可愛…
咦?
你"算"腳指呀??
雖然我唔响香港, 但係都想出分力, post 下等有愛心人可以幫得幾多得幾多!
媽咪, 呢個乜黎架? 我真係可以玩??
聞下先…
我玩架啦
我爬呀爬!
媽咪點解我爬唔到上去你度架?
你玩我呀?
(Sam媽係一邊係咁影, 彩你都傻~~)
成日都覺得Sam豬去廁所的時候，個姿勢好好笑，Sam媽終於偷影左…
由SamSam第一天返我地度，一直都只係用圍欄，無困過籠。
直到有一期佢真係好唔聽話，Sam媽決定要將佢困籠。
但係又驚佢真係唔肯，會waste $$(我認我cheap! 
)，結果借左朋友個籠。
點知借完返來，又無強勢執行，個籠得個擺字!
不過唔知係咪Sam媽就成日要隻豬入籠先俾treat，而家整整下，傻Sam會自己走入去訓!
有時有D 野就係咁奇怪，你越想佢做，越唔會發生~
