張氏一家住apartment，同樓都有唔少狗狗。
早兩晚因為Sam豬曳，所以有前一篇Canine Adolescence 0既出現。
尋日Walk狗時，見到樓上狗狗同主人。Sam媽俾個狗主人話囉
，話Sam豬好吠，咁嘈，佢地第日要返工，blah blah blah。
當晚Sam豬吠係大約10點幾11點左右。
一直以來，Sam豬都唔係晚晚吠，一晚半晚，使唔使咁呀？自己都有狗，都應該知道有時好難控制佢吠唔吠架啦
。佢曳緊吠都理佢，咁唔使教狗架啦！
最衰都係紐約D爛樓，爛鬼木板隔唔到聲，搞到Sam媽俾人話！
p.s. 樓上隻狗係120磅都柏文
毫無疑問，Sam豬進入青春期！
曳到癲，咬人，跳沙發，吠人吠物，唔知想點。
有人話，金毛到2.5歲先會過完青春期… 即係話，我仲有2年捱！
完全明白點解有D 人會頂唔順放棄狗狗
不過Sam媽係打不死，衰豬，你即管放馬過來！
今朝帶SamSam 去廁所，衰仔趁我執金，扯低我。
Sam媽做左滾地葫蘆！
好彩一大早無乜人，唔係實瘀爆！
以後都係唔好懶，出街一定要幫佢帶返條Gentle Leader Harness…
佢D發炎情況已經好返好多，Sam媽考慮緊好唔好俾埋剩低D 藥佢食 
唔知係咪少運動，尋日帶傻Sam去Board Walk，返到屋企，訓到成隻死豬咁。就算Sam媽Sam爸幾大聲講野都唔開眼！平時，隻八仔聽到聲唔走埋黎八下，都實行埋黎我地腳邊訓。可想而知，佢有幾累！
唔明究竟絕育手術對我仔做過d 乜, 感覺… 佢變左!
尋晚佢追住Sam爸隻手黎咬, Sam爸話佢, 佢居然晌Sam爸面前尿尿!! 
今晚又黎, 仲衰d, 晌個cushion 上面尿!!!!!!!!!!!!!!!
不停挑戰我地, 想點呀…
食左兩次消炎藥, 血色尿尿少左, 不過都仲係頻頻去, 但無乜得出.
唯有繼續, 睇下聽日會唔會又好d 啦~ 
自從SamSam BB 返黎開始, 每日我煮飯佢都會特別乖, 靜靜趴地~
每日最乖就係呢一刻… 
不過衰豬越來越大隻, 但又好鐘意sip 响我同個廚櫃之間, 仲要坐得靚靚仔仔, 唔知搏乜! 阻住晒!!!!!!!