讀完大學之後，我估呢次係我第一次買英文小說。
某日等人，入左書店打書釘。就係走0既0個一刻，見到新書0個行有本狗狗做封面0既書，走埋去掀左幾掀，就決定帶佢返屋企。
New Tricks (Andy Carpenter Series #7)
by David Rosenfelt
個個見到本封面都以為我又買訓練狗狗0既書…
錯晒!!!
雖然，無可否認，最開始吸引我行埋去0既確實係因為個封面
，金毛加伯恩山 wor!!!
可惜，本書真係小說黎架~ 屬於偵探類，一種我好少睇0既類型，更遑論呢本係英文小說!
但係，真係好睇!!! 我係咁追黎睇~
加上呢，呢本書好easy read，唔會話勁多唔知係乜0既律師用詞!
大概個故事係話個主角係個有錢律師，好鐘意狗，仲有個專幫狗狗0既機構(個作者自己都真係有個咁0既機構，仲要係專幫金毛0既!
) 咁佢就take on 左個爭伯恩山 puppy 撫養權0既case，而呢個case 就帶出左背後更多0既事情。結果都幾峰迴路轉架~
有機會睇下啦~
原來個作者仲有一本講狗狗有關0既偵探書架… 好唔好買呢? 
星期六晚終於搞埋最後一個party，詳情遲D 再講。
不過Sam媽就曲終人散之後，夜晚訓唔著，反反覆覆到5 點幾先真係訓到。
10點幾起身，收拾殘局，準備接返SamSam。
接SamSam之前，我地去左house hunting! (<–痴線，咁tired都book 時間去睇!
)
睇完第一間之後，响條街度見到有隻husky mix 0既狗狗，有個附近0既人話隻狗已經遊蕩左成個鐘!
嘗試去接觸佢，但係無人埋到佢身。
咁橋，我地之前買定零食俾傻Sam，我咪拿拿聲開包野去引隻狗狗囉… 點知隻狗勁有性格，淨係食左一舊就行開，點引都唔肯再埋黎。
我嘗試用手捉佢，不過佢無頸帶…
最後佢仲越走越遠，影都唔見埋。
希望佢好快搵返自己屋企啦…
睇到最後一間屋，有隻貓貓，應該係屋主0既，不過個agent話隻貓係屋外貓，所以唔可以入屋。
但係好好笑囉，呢隻野係咁跟住我，仲响我隻腳之間穿插。
我企定傾野0個陣，佢突然又走埋我度，好似狗狗咁，pat 响我面前…
喵~
跟住就去接傻Sam…
上到車，我地覺得佢好大陣狗味，我反起佢對耳仔，陰公，黑到!!!
D 狗味好明顯就係因為耳仔發炎而來!
我知道boarding 俾D 狗狗玩水，但係，呢D 狗玩完一定抹耳，如果唔抹，我寧願你唔好俾佢玩啦!
心痛死我!!
返多兩日工，星期三朝早就會飛墨西哥
星期二夜晚boarding 就會黎帶傻Sam走，我呢個變態媽咪實又會喊…
呢個blog 就應該會休業，不過又可能會响0個邊悶0個頭，得閒上下黎又唔奇… hahaha
最快會update 0既應該係facebook 同twitter，有我account 0既就留意0個邊啦! 
呢一刻，其實仲有好多野未搞，例如… 而家都仲睇緊究竟個頭應該點搞~
緊張? 少少啦
興奮? 好多
好想放假… 自從响香港返黎之後未放過假呀，陰功!!!
頭先去銀行"手羅"定散紙，都驚自己會無記性，所以都用張紙寫定要D 咩面額。
去到俾埋張紙0個teller，佢都夠膽俾錯我，仲要話我寫錯，你地評下理啦！
張紙係咁寫0既:
$1 x 50 = $50
$5 x 20 = $100
$10 x 15 = $150
(注意，我係有寫埋 $ 個符號架)
同佢講要$500 total，剩低0既要$50
好清楚0者! 佢夠膽死俾4 張50，20 張 $10，5 張$20
喂，點睇張紙都唔會出D 咁0既comination 啦係嘛?
仲話我錯?
有無帶腦返工呀???
真係好唔想歧視D 黑黑，但係幾乎個個黑黑都係咁，低低能能，做錯又話係你錯，唔關佢事!!
Y blog 發癲好返??
今日入得好快，拿拿聲打下blog先!!
今早返工，又見到D 野，係時候同大家繼地鐵見聞 – 金魚佬後分享下紐約地鐵0既千奇百怪事情~
話說我坐0既0個部車到左34街，對面platform同一時間又有另一部車到。
當我地部車準備開，對面0個部就準備關門之際… 有位中國人女士(今次好肯定係中國人)一邊手拖住一個仔，3 個人像風一樣要趕搭對邊部車。2個男仔大概2-3年班樣，細細粒咁…
點樣像風一樣呢?
風到其中一邊個細路俾個阿媽凌空扯起，雙腳離地，再'pik pak'一聲，膝頭落地!
個阿媽呢，就繼續飛奔hold 住度門，懶理個仔仲攤响地!!!
我懷疑個細路受到長期訓練，自己爬返起身，跛跛吓，繼續衝上車… 佢個膝頭應該幾傷
真係咁趕咩??