Sam媽一向追潮流，呢期微博咁hit，我都玩左一輪啦，你今日微博了嗎?
http://t.sina.com.cn/peggycheung
Facebook 唔係唔好用，不過因為係個人戶口，所以唔會公開。
(又其實我係咪應該都好似大家咁開個戶口俾SamSam呢? 
)
不過如果你so happen見到我0既，send 個FB message 俾我，add 我啦~ 
原定母親節前0既星期六，响屋企搞個BBQ。入伙咁耐，都未請朋友入黎玩過，難得大家有時間，拿拿臨準備野，準備玩返日。
結果，星期五晚，Sam婆打黎話Sam公唔舒服。咁我叫佢如果真係頂唔順0既，叫佢附近D 朋友送佢去睇急症啦。
Sam婆話Sam公好暈，去唔到，等佢訓一晚睇下點先。
ok。
星期六清晨6點幾，Sam公自己打黎話要我送佢入急症室。
我話，喂，我地住咁遠，返得黎都成個鐘之後0既事啦。
佢話佢等我返黎打911 叫救護車。
老實說，以我地所知0既緊急救護事件，救護車係可以成個鐘先黎，跟住入到ER，幾個鐘先會有醫生睇，所以極度唔想送Sam公入ER。
不過，佢講到咁辛苦，Sam爸Sam媽唯有飛車返去睇下點。
返到去，Sam公其實講野係好清醒0既，所以我地繼續都係想同佢講數，等佢去睇家庭醫生。
Sam公死都唔肯
，話完全郁唔到。
無計，唯有打電話叫救護車…
等車時，Sam公响度講晒有D 咩我要知，in case 佢有D咩事… (無奈 >.<)
估唔到，"bibu"車15分鐘左右就到wor!!
兩個EMS 抬Sam公上擔架凳，Sam公叫到拆天….. "好暈呀，Help Me!" (暈)
佢又唔係手腳無力，淨係暈0者，都唔知搞乜!!!
結果，Sam媽陪埋佢上救護車，直駛Staten Island University Hospital。
咁大個女，第一次坐"bibu"車…….
入到ER，好快就有護士黎睇，個黑人護士仲同我講，睇Sam公D 症狀，應該好少事，因為所有野都好ok: 血壓，心跳，反應全部無問題。估計佢係耳水不平衡，不過要等醫生睇過先可以落判斷。
半個鐘都唔使，就有醫生啦
。(上次Sam媽响ER 坐左3個鐘先有醫生睇…)
醫生判斷: Funnel (中文應該就係類似耳水不平衡)
因為Sam公過左60歲，所以要幫佢做個腦掃描，make sure 個腦都ok。
本來成日都好快，不過，咁邪地，Staten Island Ferry撞船，有D 傷者分流送左入呢間醫院，好多野都慢左。
一邊吊針，一邊等CAT scan。end up 成3 點幾先可以照。
等多45分鐘先有報告出，一切正常!
拎埋藥單，5點鐘終於出院~
一整日，個好似Chris Rock 0既男護士一直都好幫手，到我地走，佢仲幫手用輪椅車Sam公去上車。
終於返到屋企………
***
之後同Sam "女麻" 講起，原來佢之前都試過，不過佢就勁啦。
半夜三更，自己暈醒，唔叫醒Sam爺，一個人坐的士去ER!!
勇爆~~~~~~~
###
另外好好笑…
Sam公入左ER 之後問左我一句: "點俾tips EMS?"
佢當左自己係貨物???! 
—
題外話，今次响SIU hospital 0既ER 經歷完全將Sam媽之前0既經歷改寫!
上次真係爆晒粗: 醫生3 個鐘先黎睇我; 護士見我吊針瓶空左，d血倒流入瓶，都淨係講左句: 幫你搵返負責0既護士，就閃左; 留醫，痛到叫救命，個護士都可以唔理… etc. 種種經歷歷歷在目…………….
終於又買左書啦!
好慘，米國要買中文書的地方真係寥寥可數，以前通常都係叫人响香港買，或者夾硬俾$ Yesasia 賺…
自從朋友介紹左台灣博客來個website 之後，買書頻繁左!
價錢黎講，加埋shipping 都仲平過响Yesasia 買~ 唯一麻煩D 0既係無香港出版0既書…
今番入手0既有呢堆:
診療室的貓狗人生：美國獸醫記事
作者：王勢爵/著
– 睇左開頭，幾好睇，講個台灣獸醫响美國"行醫"的日子。只是某D 野，例如做手術0個D 描寫得太過detail…
一人一狗
作者：穴澤賢
譯者：蕭雲菁
– 終於買左啦，不過未開始睇
週末搞定一週便當菜
作者：三采文化
– 係咁易掀過，都幾適合我呢D 新手煮婦!
阿嬤的療法－法國醫生也愛用的居家護理小百科
作者：亨利．普傑、瑞吉娜．泰梭
譯者：沈倖如
– 都幾多特別野，不過好多D 譯音呢，係完全唔知道佢講咩
彩妝王子古小偉：幻彩電眼．究極百科
作者：古小偉
– 台灣咁多個化妝師，我比較喜歡佢，因為比較接近'平民'，容易明白D steps。睇左幾頁，本書唔只講化妝，有講到上妝同護膚tips。唔錯~
另外仲買左本健身書俾Sam爸~
Total 6本書連shipping 都係NT2193，仲要2 日就到左，超快!!
用艾瘋前，一直都係用Sony Ericsson，簡直係長期fans。
3G艾瘋一出，趨之若鶩，拿拿聲一人一部。
結果唔夠6 個月，3GS 面世，死未?!
最大鑊係，部機好多bugs，Sam爸0個部重勁慢添。
出左機之後，正值返香港之際，但係未有unlock/jailbreak，結果得物無所用，要用返舊SE 機。
加上AT&T 0既reception 超差，我地一早就已經講明，捱過兩年合約馬上轉台轉手機!
但係最近發覺好多人先剛轉艾瘋wor???
Anyway，而家仲有差唔多4個月就完合約，但係…
– 好習慣有艾瘋，最近玩埋微博，想像唔到唔再用艾瘋的日子…
– 艾瘋雖然好多bugs，但係好user friendly，真係80歲阿婆都識用!
– 最開心係可以用app 同香港D friend SMS free
– 心目中認定下一部會係Andriod 機，但係唔知邊部好，HTC 而家好似乎好hit 咁，google 部機都好似唔錯，SE都似幾好不過好鬼貴，好難揀
– 最重要0既係電話公司！Verizon係收得最好0既，但係佢d 電話用CDMA兼响電話body整大大個tatoo; T-mobile 無3G; AT&T而家用得咁唔開心，一定唔會用返; Spring， 話有4G，但係好多test指出，其實佢D speed 係假0既，而且唔係度度都有! 煩 
基本上用過smartphone 之後，好難返轉頭，想像唔到上唔到網，check唔到email，入唔到facebook，八唔到微博的日子。
頭痛…
一眨眼，4 月又過左差唔多一半，呢個月確實寫得好少blog，因為都真係好平靜~
某晚得閒，見到屋企有兩支醬，貪得意撈埋佢整雞翼，又幾好味wor~
不過Sam爸就話有D 怪… 唔識貨!!
至於傻Sam，都係繼續日日玩波咁囉~
不過我發覺真係天氣熱D 呢，佢容易累D，我都唔使陪佢癲咁耐!
太累，癱左响地，但係死都唔放口…
隔離屋有棵櫻花… 呢排天氣好，開左啦
但係2 日都唔夠，已經變到咁…
個backyard 終於都有人黎清左D 垃圾!
但係我地都唔準備種野，一來懶，二來好多都會對狗狗有害，又要慢慢揀合適先種，咁就不如唔好搞!!
唯一一棵花，應該係之前個屋主種落，自己開花~
model請埋位!!!
某日行過，見到呢塊牌，即刻買左掛門口!
尋晚walk 狗，又見到隻golden doodle，比起Mui 隻charlie大隻好多架~
成130磅…. 高過SamSam個幾兩個頭!!
但係好乖，好聽話，好calm。
尋日3 歲生日添~
好咯，叫做終於識到附近0既狗主啦
挨多一個月就可以去旅行啦，快D 就好啦!!!!!!!!