8/2, 星期日

一行14人，包車去墨西哥著名勝地加世界新七大奇蹟 – Chichen Itza (中譯: 奇琴伊察)

朝早8點就啓程，車程大概要2 個鐘。

車行過Downtown Cancun…Walmart呀!

其實Cancun 已經變到好美國，四周都可以見到美國連鎖店。

途中只有坐車頭0既朋友有機會係咁影相，我就梗係偷黎用啦

好colorful 0既墳地?!

個司機叔叔停左部車响一個植物田地前，同我地介紹，呢D 就係整Tequila 0既原材料啦!

到啦，入門票~

呢個伯伯成70歲，係瑪雅族人，又係我地0既導遊。佢話佢以前响New Jersey 讀書0既，但係我地留意到佢呢，一講野就咪埋眼，好似背書咁。可能英文唔係佢first language 啦~

但係佢好強架，背住個超重背囊都行得快過我地班"打壞"後生!

呢棵樹，遽聞裡面全部都係水，敲落去真係好似敲緊西瓜咁架!

呢個係類似城門0既野，唔記得真名係咩lu

呢個係以前0既market place，即係市場之類。

佢D 建築真係好靚，你睇下D 柱幾平行!

行行下，咦，有隻狗0既? 瑪雅族狗狗?? 佢叫bobby!

Templo de los Guerreros (Temple of the Warriors)

主建築: El Castillo
(From Wikipedia: El Castillo 雄居Chichen Itza的正中，是為羽蛇神而建的神廟。金字塔的地基呈方形，四邊依階梯上升，直至頂端的廟宇。在春季和秋季的晝夜平分點，日出日落時，建築的拐角在金字塔北面的階梯上投下羽蛇狀的陰影，並隨著太陽的位置在北面滑行下降。)

5 年前因為一單致命的墜落事故之後，金字塔的頂端已經不再對遊客開放。

另外呢，呢個El Castillo有樣野好神奇架。如果企响某個位對住佢拍手呢，佢會發出一D 雀叫聲!!

Sam爸Sam媽留影~

Sam媽同MOH…

Chichen Itza 裡面好多梯級都做得好窄好企，好難上落。

其實呢日都行得幾辛苦，因為Chichen Itza裡面好空曠，又烈日當空wor，個個都叫苦連天。但係我地覺得係抵0既，呢D 咁正0既遺跡，一定要到過。希望有生之年可以去晒7 大奇蹟!!

行完Chichen Itza，去左食buffet。

間野係瑪雅族開0既，食食下有人做表演添!

個盆可以响佢地個頭到一邊轉，佢地一邊跳舞~

食飽去下一個地方，IK KIL。

IK KIL 係Chiche Itza 其中一個Cenote(中譯: 溶井)。由於呢個地方無河流，cenote就係瑪雅族0既水源。

入場費$6 美金。

好靚0既野外景色，井水好清添。

好多人去玩跳水，都幾高架，而且個井好深。

Sam爸唔跳，MOH唔跳，結果搞左好耐，成功令到MOH 0既細佬去跳。點知一跳跳上癮，total 起碼跳左3, 4次。

呢個就係佢啦…

不過Sam爸同MOH都有落過去游，Sam媽呢D 唔識游水0既人，就梗係大會指定攝影師啦!

結果攝影師都俾人偷拍…

睇唔睇到我個身掛住幾多野呀??

呢日中午之後就開始落大雨，仲係好勁0個隻… 我地大叫好彩，如果呢日先行禮就真係喊!!!

p.s. 呢日酒店真係有另一對行禮…

(部腦死左幾日, 終於可以繼續寫啦)

8/1, 星期六, 結婚日

朝早起身冇乜特別野做, 同其他人又去多次flea market, 又係熱到癲左

食完lunch 已經夠鐘整頭化妝, 涼都冇得沖, 身水身汗

約左酒店spa 2點整頭化妝, 初時都驚佢地唔知會整d 咩出黎, 好彩都好得

上返房, MOH 已經幫緊兩個亞媽化妝, 但係我就行行企企, 拎相機影下樓下preparation

我買左20 件sash, 綁左14 張凳之後, WC (wedding coordinator) 綁左d 晌gazebo, 靚~

凳上面放左扇同花瓣袋

行禮台上有center piece 一件加sand ceremony set

center piece 用0既花同我個花球一樣

我個花球… 百白合加白色同紫色玫瑰

Groom & Groom's mother

之後MOH march in, 終於到我同Sam公公入場

因為係open area, 所以有其他人晌後面睇~

踏上紅地氈0既一刻…

個主禮人, 應該係牧師黎, d 英文有d 難聽, 不過都聽到係好有意思0既prayer

sand ceremony 中~

同點unity candle 一樣, sand ceremony 大概0既意思都係2 為1 體, 不分彼此

通常晌沙灘行禮會太大風, 多會採用sand ceremony

禮成, 大家飲杯!

之後一個鐘時間, 我地兩個就去左影相, 其他人就雞尾酒會…

佢地話d 野都幾好食, 但係留返俾我地0個d, 我地又覺得麻麻

晚宴檯擺設…

又係要讚WC 時間!

佢綁左d 跟色0既絲帶落大蠟燭, 擺左多出黎0既扇晌檯, 每隻酒杯佢都綁住紫色絲帶

連電子蠟燭佢都有綁紫色絲帶, 超細心!!!

呢個係兩個亞媽0既手帶 (Sam公公放晌把扇到影呢張, 又幾靚~)

跟package 有一個鐘加勒比海或者墨西哥音樂, 我地揀左Carribean Trio食飯時間黎表演

睇下有乜食…

頭盆: 帶子
(super yummy)

湯: 龍蝦湯

主菜: 牛扒
(唔得呀呢個.. 超乾)

甜品: 不知名物體…
(連名都唔記得你就知有幾好食啦)

蛋糕檯~

我地要左朱古力蛋糕, d 花又係跟返theme, 個cake topper 就自己帶去

呢個幾好味, 不過又係甜左d

食完飯, 冇特別野做, 過左隔離酒吧

佢地話要mexican style toss, 個個整左杯tequlia shot (除左我, 因為對酒精敏感)

Sam爸被隊左2 杯

點解咁少? 因為個個都cheap, 酒店免費任隊, 間酒吧就淨係包兩杯野飲, 夠quota 就閃!

7/31，星期五

終於訓得比較遲，教左鬧鐘10:30am 醒，因為大隊人馬會1 點左右殺到，所以得返早上時間屬於我地兩個，唔可以賴床太耐。

起身食飽野，時間都唔算太多，我地決定去酒店附近0既flea market 行下。

我地間酒店0既位置唔錯，附近好多酒吧，0岩晒D 蒲精(可惜我地唔係)，仲有shopping mall 同flea market，步行10－15分鐘就到。

但係，响35/36攝氏度，接近正午時間步行出去，係一個錯誤0既決定!!

熱到兩條友好似狗狗咁伸利!!!

條路兩邊又無咩樹wor，10分鐘0既路程好似行左成個鐘咁~

終於到啦…

Flea market 裡面賣手工藝品多，但係無冷氣，唔多想行，求祈行左個圈就算。

結果行過一間首飾鋪，有冷氣，拿拿聲閃左入去。

墨西哥D 銀器都幾出名，咁呢間鋪都有幾多款。我都睇中左一隻手鐲，但係因為我隻手好幼，所以搞左好耐先揀合適size。

揀完之後，個sales 拎個磅出黎，話D 銀係計安士。跟住拎部計算機出黎"手禁"左一輪，俾個數我一睇… "$76!"

你當我lulu?!

係就叫有粒貓眼石野加銀，但係都無理由呢個價啦!

我還$35，佢唔肯，我再還$40，賣就賣，唔賣算~

佢同個partner 傾左一陣，賣!

之後我同Sam爸傾開，如果係真銀，$40 好抵，但係如果唔係呢? 究竟我地係咪做左水魚? 佢賣得咁快… ummmmmmm

12點幾返到酒店，拎埋D OOT bag就坐左响lobby 等大軍殺到~

佢地一行10人，好準時就到左。

到左之後就人都癲，又要招呼人，又要幫手check-in。最弊係唔係個個人間房都ready，搞到有人有房，有人要等房。

"hee hee ham ham" 搞呢搞路就過左一個下午。

約左7:30 做rehersal，Sam爺爺影左呢張我地傾緊野0既相…

俾晒D wedding accessories 個wedding coordinator，希望第二日佢會記得晒要擺D 咩。

我地俾佢0既野有:
– Sand Ceremony Set
– Cake Topper
– Sash for Chairs
– Petal holder
– Fans for guest

0個晚一共有兩個婚禮，一個响Terrence，一個响沙灘。

Sam爸見到人地沙灘擺得靚，問我好唔好轉落沙灘。

靚係靚呀，但係好食沙feel，因為0個度都幾大風。加上成個星期天氣預報都話會落雨，咪搞!

本來新人前一晚可以免費獲得extra一間房俾新郎，但係0個個weekend 酒店爆晒，所以無左呢個福利~

但又神奇wor，其中一對朋友間房漏水，酒店搞極都唔掂，結果俾左間honeymoon suite 佢地，超大間!! (又話無房…)

佢地覺得唔好意思，問我地好唔好換房，等我地住間suite。

我地拒絕左佢地0既好意，一來佢地都搞左好耐，應該好好休息一下；二來，我地所有野都under 自己間房，如果轉房，會有機會整亂第二日0既流程；三來，呢對朋友係上次我地去Jamica 參加婚禮0既一對，佢地都無去到honeymoon，今次當埋，都幾好呀~

*下一篇就會寫到結婚日~ heeeeee

繼續第二日行程之前，補返D 第一日0既野先~

响墨西哥機場0既時候，其實我地都有輕微阻礙。

由於我地準備左OOT bag (out of town bag)俾D guest，其中有D 摺扇仲有個盒包住，過X-ray 0個陣，我地被要求(禮貌地)開箱睇下究竟係咩黎。但係埋到去開左0個陣，佢地又唔係睇D 扇，反而係睇D 水底相機(一次性)。咁都係佢地職責，又唔係難為我地，只係拖左少少時間0者。

上網睇左好多人D 留言，叫出左海關之後，唔好理D time share 0既人。我地好聽話無理0個D 著住老西0既人。而事實上，我地又都無俾人拉住。跟住就直接行左出機場，去搵自己個transfer。

之後响個tour office 姐姐口中聽到，0個D time share 0既人會扮好人話幫你搵D good deal，但如果你之後又唔幫襯，就會好麻煩。最常聽到0既係，佢地會問你拎左credit card 先，你幫襯就無事發生，無幫襯，佢會話好啦，你簽張野就走得，但係0個張野係西班牙文，你唔會睇得明之餘，就算睇得懂，之後會發覺俾人過幾千蚊數無得追~

同埋呢，第一晚酒店有個tribute to Michael Jackson show，我地有去睇架，差D 唔記得左! 0個個扮MJ 0既人呢，真係幾似架，係矮D 咁囉。連唱歌把聲到好似，似到我同Sam爸講，佢可能係咪嘴的!!!

好啦，講第二日~

7/30，星期四，晨咁早就起左身，應該係習慣左要起身返工同帶SamSam出去。

食左早餐，响酒店行下~

因為早，沙灘都未有太多人，水清沙幼，靚!

約左wedding coordinator 11點傾wedding detail，行去meet 0既時候，已經有海豚接觸班~

一路都好擔心會同個wedding coordinator 溝通唔到，但係見到佢0個刻就知道，今次無死啦!

Cecilia 好young，好好笑容，又好耐性，成個過程都好愉快，仲好快就搞掂。

本來個cocktail hour 跟package淨係俾我地揀2 款野，但係見我地心大心細揀唔掂，Cecilia 就俾夠3 款我地!

另外，兩個亞媽都麻麻好牛扒(我地0既main course)，所以我地問可唔可以俾其他野0既時候，佢又俾我地揀要三文魚定seabass，我地要左seabass。

最後，Sam爸同Cecilia講，我地間房離行禮0個邊好遠，結婚0個日如果我著得咁行，又要行咁遠，我會好甘，問佢有無可能幫我地換房。

Cecilia 以前做front desk，帶住我地直闖front desk，幫我地轉左去新building!

因為我地book 左tour，所以拿拿臨返房收拾好D 野，等bell boy 推D 野過新房，自己就出左去~

我地book 0既tour 叫BOB，要响Captain  Hook 度上船。0個度離酒店大概15 分鐘車程，坐的士就$10美金。

到左之後，我地俾左extra $30 買相同DVD。個tour 就$75 美金一位加$5 port tax。

除左我地，仲有一對父子一齊出海。

個tour 其實係machine diving，即係我地會坐住部machine 樣0既物體潛入水底!

D 相影出黎好似我地key 個樣落去咁…

都幾多魚睇架，不過最多係相裡面0既0個種… 早幾年响Nassau 浮潛0既時候，已經見過好多呢種魚~ 所以無預期中興奮…

不過都見到好多其他野0既，只係因為氣壓問題，我隻耳仔一直唔係太舒服，所以我係第一個舉手投降要返上水面的…

跟住，Sam爸都俾D 氣壓搞到唔係咁舒服，跟手上埋水，之後兩父子又上埋。

成個tour 响水裡面大概30分鐘左右啦~

我地俾左$5 小費，但係人地兩父子就俾成$20，搞到我地覺得自己好cheap

返到上岸，Sam爸好唔舒服，攤左响度好耐先走~

之後返到酒店，我地D 野已經送晒去新房。新房响新building 4樓，裡面D 野同之前0個間一樣，不過個露台就望住個wedding gazebo!

Sam爸休息左個幾鐘，終於好返，換衫出去食飯。呢晚去左食壽司~

墨式壽司味道真係麻麻，D飯好明顯係墨西哥米，超大舊!

三文魚好煙三文0既感覺，新鮮，但係唔肥美…

但係飲返碗熱辣辣miso soup，個胃好舒服~

不過佢個泰式salad 唔錯!

呢晚酒店無咩特別節目，我地走去租DVD返房睇。D 戲好舊… 結果租左Xmen3!

行返房0個陣見到有人响gazebo 食romatic dinner，呢晚應該係唯一我地住咁多日無婚禮0既一日。

最後要講下酒店0既internet 問題…

收費貴到喊，$15美金先得24小時，我地問過係咪log off 就可以再用，個staff 話係。咁我地以為24 小時 = 有24 個小時用，點知唔係囉! 係真係一日時間咁大把!!! 呃錢~~~~~~~~~~

酒店有個business center，裡面有3 部機可以上網，每房每日login 有15 分鐘free。好過無，都叫check 得下email，上一上facebook咁囉。但係輪機好麻煩~ 有D 人無聊到死，一大班人等緊都係度四圍睇埋D 無聊新聞都唔讓開囉! 無D 公德心

終於要開始寫我地呢個結婚之旅，希望唔會虎頭蛇尾~

7/29星期三早上，9點幾入到JFK 機場，我地班機飛11:45，咁早成兩個鐘到，都已經預多左好多時間…

入到去，好多人wor，咁我地high tech 人，梗係走去自動登記0個度啦，仲同人排咁傻咩!

咦，唔得0既?

有個staff 見我地搞左一輪都唔得，走埋黎幫我地，結果都係唔得，咁就要排隊等人手辦理啦。

响呢個時候講下訂機票0既前因後果先!

我地係同travel agent 訂，個agent 响西岸，佢個wholesaler 就响東岸。本來班機係Mexicana，但係之後所有0個班booking賣左俾American Airline。即係話我地班機，變左係AA。

埋到去AA 櫃台，個姨姨搞左一輪都係唔得，話搵唔到我地D 資料，叫我地打電話俾travel agent。

點打呀? 佢0個邊清晨6點，office邊會有人接電話?!

照試，無人接… (not surprise)

打去wholesaler 0個邊，又係無人接，D 人無使返工架???

個staff 話，佢睇到我地個名，但係見唔到我地俾左錢0既info，所以唔可以俾我地check－in。

0個刻，Sam媽好想喊，更加想發火鬧人!!!

Sam爸0個刻話，如果真係無其他解決方法，佢都會即刻俾credit card，等我地可以飛。

個staff 真係算係咁，係咁安慰我，又係咁幫我地想辦法。比著其他人，好可能已經難理我地生死，由我地自己搵辦法搞掂佢。

之後我同佢講，我地仲有一班親戚會星期五飛，佢即刻幫我check，結果見到晒其他人0既booking，就係無我地。

咁個姨姨就打電話同個Mexicana D 高層講件事，跟住就有人落黎，睇晒D evidence，幫我地簽左張"Flight Interruption Manifes"，等我地可以check-in，上到機。

過晒security，已經係11 點幾。我地連早餐都未食。

到左terminal，拿拿聲買野食，其實都食唔落… 我火興興咁打左個email 俾個travel agent，要佢無論如何make sure 我地返轉頭個程唔會再發生同樣0既事情。我唔要滯留响墨西哥!!!

之後間死人wholesaler 打返黎睇下我地有咩幫到手(我地留左voicemail)，都唔想同佢地講野，Sam爸係咁意話搞掂就收線。

0個刻如果我接0既話，我實媽媽叉叉到佢地癲!!!

11點20分就已經登機… 我地真係差D 就上唔到飛機…

到左墨西哥，一出機場，D 熱氣撲面，0個刻個人興完啦~

Cancun, HERE I AM!

我地坐wholesaler 俾0既transfer，叫Olympus Tour，D 人幾好架~

等車中…

D 車係10 人細van，唔係後面0個部大巴

30分鐘車程左右，到左酒店，不過個大堂好open，無冷氣，熱到我地兩個傻左~

到我地間房啦，响舊building，五樓~

個房門仲有個sign，寫住honeymooner!

裡面D 擺設好正架，用毛巾整左對天鵝，再用花瓣圍住。

另外佢地仲送左支香檳俾我地。

呢度間間房都有view有露台，我地間係對住個海~

班飛機無野食，到左酒店已經係5點，又未到晚餐時間，未有餐廳開，咁叫room service啦(24 小時服務)，不過要等45 分鐘!! 都好啦，叫住個hot dog食住先!!

擺好野，食埋room service，想約個wedding coordinator，但係搵唔到，唯有第二日先啦。

咁我地就去左tour office，book 左個tour同搞埋回程D 野，又去食過!

我地呢間酒店係All Inclusive，即係個價錢已經包晒所有餐飲~

裡面一共有4 間餐廳，Oceana 係食海鮮，Seaside grill係食扒，Himitsu 係壽司，World Cafe 就日日唔同theme 0既buffet。

第一晚，我地去左Seaside grill

响正個海邊食，個view 真係好正!

D野食就麻麻…

前菜: Beef tartar
Sam媽話no good，Sam爸話幾好

Sam爸main course: surf and turf – ok ok

Sam媽main course: sirloin – BAD
超乾，個waiter問都無問我要幾成熟就自把自為幫我叫medium well，柴皮一樣!!!!

D dessert 又唔得，結果呢餐係成個行程裡面唯一响呢間食0既一餐。

走0既時候連小費都無俾!!

夜晚無咩做，又忙左成日，好早就上床訓~