孫先生响Facebook叫D 粉絲pray for 兩位出左事0既歌手，我唔明，點解要pray?

兩位歌手的確係做錯事，應該受到應有0既懲罰。

唔通當無事發生?

希望日本早D 放返佢地?

更何況係兩個應該為年輕人做榜樣0既歌手/偶像?

呢一兩年孫先生講野真係好… 令人費解!

星期日起身, 尾龍骨有d 痛, 唔理, 照帶Sam豬去Park.

星期一, 出邊又落8寸雪, Sam媽感到舉步艱難

食完lunch, 頂唔順, 拿拿聲去睇醫生~

尾龍骨發炎, 開左d 止痛藥俾我

預左亞醫生唔係開止痛藥就係消炎藥, 中呀!!

呢個醫生, 次次都係咁, 睇到我都識醫自己~

但係其實唐人街個個醫生都差唔多

問佢咁大概係乜原因會發炎, 會唔會係N 年前跌親0既後遺症?

"有可能"

但係當年冇事wor?

"返發唔奇"

你講晒啦, 醫生!!!

唔係醫者父母心0既咩? 佢又唔問返上次開隻藥我用成點, 唔使你記得我, 但係個病歷都晌你面前, 掀兩下就見架啦………..

早幾年仲開隻300幾蚊0既藥俾我, 係問都冇問我經濟環境0個隻!! 佢有其他平d 架, 不過係都要俾"貴夾靚"藥你!

真係搵好醫生仲難過搵老公!!!

今年個冬天好似好耐都未過完, 難得今日個天凍冰冰得黎, 都叫做好好陽光, 帶埋大機去park~

Sam豬同Scotchie眼光咁一致, 等緊乜?
等緊Scotchie爸掟飛碟~

似唔似門神呀?
左右伸利門神!!!

今日多0左隻金毛一齊玩~
左至右: 歲半女Madison, 傻Sam, George

星期五係Scotchie一歲生日, 佢媽咪買左個蛋糕, 好靚架~
(偷左人地d 相 )

我地都分左份!

Sam: 嘩, 好味過我傻媽整0個個多多聲!!!
Sam媽:

仲要食到我成地都係!!!衰仔!!!!!!!!!!!!!!!!!!

Sam公公打電話黎，話有筍野，叫我幫佢買

Mach Speed TRIO MP3 2GB Player – Red

個價都幾無敵架，$19.99 – $5 rebate + tax

咁當然係made in China貨色啦，但係俾Sam公公用真係夠有凸! 最好係佢用AAA電池，唔使佢成日插電腦差電，更加唔使驚行行下無電 (佢一定會袋多兩舊响身)!!

買平野呢個其實唔係正題，Sam媽係想講埋單時候0既一件‘趣’事。

俾錢0個陣，Sam媽問個收錢阿姨，rebate係咪問佢'手羅' (另一間連鎖店係)。

佢話唔係，要去'west side'。

哈? 呢間野成個紐約得一間，同埋我身處0既地方係East Side wor，唔通佢地响West Side開多左間分店?

唉，如果係都要去架，咁問佢: where is it in West Side?

佢繼續話: Just go to the west side

{頂，West Side 邊度呀?!!}

佢見我D 目光好迷惘，繼續講… Just go to the west side and PRINT

{哦，明晒…}

Sam媽: OK，you meant WEB SITE, right? (偷笑…)

收錢阿姨: Yeah!

注: 收錢阿姨係中國人，响鬼佬鋪頭做野……
注2: Sam媽唔係有心想笑人，自己講英文都好勁口音。但係當時明佢講乜0個一刻，真係好想笑

由搞墨西哥wedding開始，真係唔知有幾多波折… 多到自己都唔記得!

事件尋日又有新進展…

不如開始講返起~

首先係book日子，一開始Sam媽自己搵酒店個婚禮統籌(C)。email差唔多兩個星期先覆我，淨係話我要0個日OK，有期。之後搵佢book實日子同問其他問題，條友好似潛左水咁，幾個星期都覆唔到我。驚起上黎，响網上某個專做Destination Wedding 0既forum 搵到個travel agent幫我搞。第二日個agent 就已經覆我話confirm好個日子~ 鬆一口氣…

原來個agent同左另一個婚禮統籌(D)傾，唔係我自己傾開0個個。

咁呢個新0既婚禮統籌幾好，好多人都讚佢，又覆email覆得幾密(一個禮拜覆一次，好多架啦)，我都算滿意。

好景不長，個婚禮統籌D 唔做!!! 又另一個新人(G)上場，好彩呢個新人覆email仲密 (一個禮拜有2，3次)，答左好多我想知0既問題。

之後，响個forum度睇左某人0既review，好驚… 佢係用G 做婚禮統籌，G 竟然忘記幫佢book 錄影！除此之外，個新娘話G mess 左好多其他野，對佢評價麻麻。

Sam媽又騰………

又過左唔知幾耐，見到其他幾個人都用G 之後0既評價變好左，Sam媽先定返D。

同時，個travel agent就攪到Sam爸Sam媽一肚氣。

最初佢幫我地搞日子0既時候，好快手，我地好滿意，佢又話如果我幫佢訂，佢可以幫我fight D 著數，例如幫所有人upgrade 間房。咁佢一直都幾好服務，所以我地先叫D 朋友用佢訂行程。

點知到真正訂野0既時候，佢一路話可以price match，一路又話唔可以match 晒所有人，搞到我地喱咁hea。最後有3 pair人要自己上網訂。

都可以算，佢夠膽拎左Sam爸D info訂野之後失蹤左3日! 唔覆email，唔覆電話！又嚇到我地兩個鼻哥窿都無肉………. 點知佢係咪拎左張credit card 去碌D 咩??!

之後一路佢都無點follow up過野，好激氣! 當Sam媽搵佢問係咪佢會幫我地upgrade 房0既時候，頂佢個肺，佢話佢講0既係另外一間酒店，唔係我0個間!!

你話係咪把幾火?

咁我做乜Q 要俾你賺?!!

講返尋日啦，上forum睇到，G又唔做啦

，即係我又要轉婚禮統籌….

煩!!!!!!!