Sam媽抵打!!!
SamSam肚痛, Sam媽拿拿淋帶SamSam出去.
電梯有人, 咪拉住隻仔囉, 點知就咁就出事…
SamSam 條尾尾俾個"lip"夾住左!!!
慘叫~~~~~~~~~~~~~~~~~~~~~~~~~~~
Sam媽六神無主, "lip"入面個叔叔即刻按下一層停, Sam尾先收得返….
SamSam 嚇到夾住尾尾…
Sam媽呢… 一出"lip" 先醒, 攬住隻仔喊
SamSam, 對唔住呀……………………………………….
11月要返廣州擺酒，機票未買，簽證未搞… (我得美國護照, 入大陸要簽證!
)
今日打電話去旅行社問機票價同簽證事宜，點知…
甚麼跟甚麼?!
而家簽證要邀請信?!!?!!!?!!!
#$$^%#^
即係…我要有一封由廣州親戚寫的邀請信，邀請我返去探親先可以出簽證俾我!!!!!
無野丫化?!
仲要封信係要响廣州FAX 過黎，唔可以寄或者email!!!!!
妖~~~~~~~~~~~~
各位哥哥姐姐 blog 友好, 今日係我 sam sam 親自執筆。話說媽咪0尋日寫0左篇0野話我嘈, 其實我都唔明佢地兩個0既, 係咁訓, 唔悶0架咩? 我都係為佢地兩個懶蟲好, 叫佢地起身, 費事又訓到日上三竿, 會餓親0架0麻…. (sam 爸: 你講緊餓親你0下0麻)
不過, 我 sam sam 都算係咁啦, 最緊要大家有商有量, 既然你覺得0尋日 6 點幾叫你地早得滯, 咁我今日咪晏一個鐘先叫囉。嗱, 算俾足面0架喇, 都叫做順應0下你地0既意思丫, 對你地唔錯0架 (sam 爸: 真係多謝晒喇, 星期日都係 7 點幾先嘈 orz)
好啦, 個 sam 爸都起0左身喇, 咁我咪係咁意叫做陪0下佢玩囉。個衰老豆竟然嫌我煩喎, 喂, 你唔好唔記得我肯陪你玩, 好俾面你啦, 你竟然唔領情~?
終於捨得0係廚房出0黎喇咩?
咦, 咪住, 老豆你做咩今日執咁多0野先同我街街呀? 又水水又餅餅又波波
死, 點解我有 d 背脊出汗 feel 0既, 但係我明明背脊無得出汗0架喎
(sam 爸 [奸笑 ing]: sam sam, come come, 老豆同你去街街0下)
(兩個鐘後………)
頂, 老豆, 你係咪反呀? 同我玩執波波執0左成半個鐘, 仲要俾呀 maggie 追0左我咁耐都唔過0黎幫拖, 跟住仲要行咁耐, 你想攰死狗咩? 番到屋企仲0係度影相又剩, 我都想同你講番句
你嘈夠未呀!!
仲影, 你無聊不如訓0下啦老豆, 你睇媽咪幾好訓呀
去陪0下媽咪啦, 唔好攪住我呀 
sam 爸: 衰仔, 睇你仲有冇力氣攪攪震, 嘈丫喇, 嘿嘿嘿 
sam 爸我平時朝早同 sam 只係夠時間行 1/3 呢個路程, 嘿嘿
p.s. maggie 係一隻 4 歲0既狗女, 應該係一隻 black lab mix, 因為係 rescue dog,
所以個主人都唔係幾清楚係咩種0黎, 不過 maggie 好鐘意 sam sam, 一見到 sam sam 就係咁追住 sam sam 要
sam sam 同佢玩0架喇, 個主人成日都笑 maggie 鐘意 sam sam
一早7 點幾就嘈, Sam爸起身帶完去廁所返房, 衰Sam就又開始嘈.
佢又唔係一直吠, 總之就係咁發出d 聲… 又吠下!
禮拜尾一早嘈, 隔離真係多得我地唔少!!!
仲要個個星期都係咁!!!!!!!!!!!!!!!!!!!!!
大概一個鐘度, 卒之靜左, Sam媽就死死地氣起身餵佢啦…
以為佢飽飽又行埋街, 我可以再訓返…
係無可能~
不停係度搵野搞, 搵野咬, 又係咁跳上我身, 跳上書檯, 跳上沙化…
你咁多玩具, 點解唔可以自己玩, 係都要人陪0者?
成日癡住晒, 你好煩呀!!!!!!!!!!!!!!!!!!!!!!!
{好頭痛… 好頭痛… 好頭痛… }
尋日發生左件事，我覺得所有狗主都應該作為借鑒。
係咁0既，Sam媽放狗0既時候同一個成日見到0既狗狗Charlie同狗主0係行人道傾緊計。跟住，有個亞裔女仔拖住隻Cocker Poodle (狗狗叫做Mia, 一歲大) 行埋黎一齊吹水。
3 隻狗响度穿來插去，玩玩玩… SamSam追住Mia，Charlie 老D(7歲)，無咁癲…
突然，Mia 扯斷左條狗繩，仲衝埋出馬路!!!!!!!!!!!!
嚇到我地3 個女人癲左，唔識做反應…
一兩秒之後，Mia媽即刻衝出馬路攬實Mia，好彩無車黎緊，Mia又無見主人追就繼續跑0者… 
呢件事可以俾到大家一個教訓，Retractable 狗繩真係唔得，太化學! 
特別D 大狗，狗繩要好小心選擇，免得意外發生~