最近的fans 事件確實好似連續劇, 令我想起追星的我.

第一代追的星: 黎生… 黎明! 唔好笑!!!!!! 當年因為好朋友日提夜提黎生, 變相地, 我也”追”起來了. 咁當然, 佢初初的作品是不錯的~
瘋狂行為: 勁聽勁聽勁聽佢d 歌!

第二代追的星: 吳奇隆. 一句講完: 跳舞型!
瘋狂行為: 寫信要簽名相! (今時今日都好少人會寫信, 更何況真係send 返張簽名相呀…)

第三代追的星: 何家勁 + 林志穎. 雖然兩個人唔同style, 但係有兩種唔同的味道.
亞勁係睇完包公之後, 覺得勁型(我係標準電視迷!)
小志係靚仔… 呵呵!
瘋狂行為: 成間房貼滿兩人的poster!

第四代追的星: 孫耀威
呢個係追得最耐最徹底的… 直到今時今日, 我仲係fans!
瘋狂行為: 勁買任何有佢相的雜誌, 無論張相幾大定幾細!  演唱會一定到, 一定買最貴飛~

曾經, 娛樂圈係遙不可及, 現在人大了, 發覺那只是其中的一個行業而已.

現在的追星亦某程度上變成, 你買某歌手的碟, 你便是追星一族了.

我喜歡90年代的香港樂壇, 而他們好多都回來了!

真心希望聽多d 好歌, 少d 混歌(歌手唱完再係咁用電腦執0個d)!

今年新年去了拉斯維加斯及大峽谷.

睇左一場好精彩的show, 名字: Mystere, 留意相片右下角
絕對推介一家大細去睇, 不過值得一提, 唔想俾人玩又或者miss 野, 記住準時入場!

因為正值農曆新年, 間間賭場都整晒中國對聯, 新年賀詞, 勁!

因為時間關係, 其實今次係未去齊想去的地方, 係咁易影左幾張相

連呢個mall 都行唔晒… 好多名牌都有分店架

晌其中一間賭場(Bellagio)裡面有間好好食既朱古力甜品店, 值得一到!

今次行程仲包括亞利桑那州大峽谷.
租車前往, 大慨8-9小時來回. 但比跟團便宜.
途中經過Hoover Dam, 唔知中文譯名, 不過好似Batman 晌呢度拍…好似~

當日一直下雨, 心覺不妙
到大峽谷後更變成落雪雨…

失望之際, 天公造美, 太陽突然出來

雖然未能得見全貌, 但係都未算失敗!

今日其實本來係想隨便牛肉炒時菜, 結果…

玩新野, 煮西日Cross Over 晚餐

頭盆: Beef Tataki + 粟米粒

Beef Tataki整法:
材料: 牛肉一塊, 日本酒, 豉油, 鹽, 黑胡椒, 油
1. 落鹽, 黑胡椒均勻地拍上牛肉
2. 落油後, 中火, 將牛肉每邊都用煎到見唔到血色
3. 將同份量日本酒同豉油倒入(我用左各1/4杯), 蓋上蓋, keep 中火
4. 煮5分鐘, 熄火, 切薄片, 再將d 汁倒返上去, 完成

粟米粒整法:
1. Whole Corn 一罐, 去水
2. 用牛油起鑊, 落粟米粒
3. 加調味料 – 鹽, 黑胡椒, 蒜蓉香草鹽(自己試味!)
4. 拌勻, 上碟

主菜: 羊架!
1. 洗淨羊架, 用黑胡椒, 蒜蓉香草鹽均勻地拍上
2. 放入焗爐, 焗7 分鐘
3. 翻轉, 再焗10分鐘
4. 羊架大概五成熟, 得左! (如果想熟d, 就焗耐d)

p.s. 如果嫌唔夠味, 可以用Beef Tataki 的汁, 都好夾架!

最衰太遲準備, 唔係整個雪糕做甜品就掂晒!

拿, 俾晒idea 你地情人節食乜喇! 

我唔熟NBA, 大王就幾好… 被陶勳下, 我都會睇下, 留意下.

今年買左飛睇現場, Nets 對Rockets

幾平架, $50 一個人, 仲有汽水加熱狗!

唔係山頂位添~ 睇到樣架!

一心睇姚明, 點知佢之前一個星期整親腳 

好彩仲有麥雞翼(Tracy McGrady) 同 Jason Kidd

可惜, 場波悶爆!

71 比96, Nets 輸左…

有錢就好啦, 我想睇All Star 明星賽…

大王生日, 去左食意大利加日本Fusion菜, Basta Pasta.

之前有朋友帶過我去食, 幾鍾意, 所以今次同大王去試下

飯前麵包沾橄欖油, 好意大利食法 (我其實鍾意佢個花花擺設多d)

前菜: 鴨肉沙律, d 鴨味道唔錯, d 菜有d 苦… 不過加埋食係ok的~

大王主菜: 蘑菇牛排, 好好味!!

我個主菜: 唔好睇佢黑”咪媽”, 好野黎架, 墨汁海鮮飯(有帶子, 魷魚同蝦)

大王甜品: 薑味梳乎厘加黑朱古力!

我個甜品: 好似杏仁豆腐的東東

佢個網址:

http://www.bastapastanyc.com
我會建議打電話訂位, 因為都幾多人架!

p.s. 上次試左佢個海膽意粉, 好味到爆, 又新鮮, 下次有錢再去試! (都ok 貴…)

食物評分: 8/10
服務評分: 9/10
總評分: 8.5