剛剛睇左Dog Trainer Sunny 0既一篇blog，有感而發…
節取Sunny 的一段:
"我的第一堂第一句是: 「要從狗的角度出發」，今次再將之套用在這個案上
「從菲傭的角度出發」。如果你是那兩位菲傭，長期離鄉別井工作之餘，每天又要照顧一位行動不便的老人家，而且還經常被責罵的話，那麼狗狗幾乎就是你在家中
唯一的寄託及娛樂。每天與牠散步玩遊戲全是你的開心時刻，自然便會打從心底地樂意付出心機和時間在狗狗身上。要知道感情是雙向的，你的開心感染了狗狗; 而牠又視你為領袖，試問還有甚麼比相依為命更重要呢? 當人狗相處和諧融洽再沒有因為地位分佈不平均而產生衝突時，我這個 trainer
已經任務完成了。反觀一些把教好狗狗視為苦差;
即使自己有很多時間都不願花在狗狗身上的「狗主」，兩者對比的確十分強烈。在狗狗的眼中，又會尊重那一位多一些呢?"
好多朋友對Sam媽教狗有微言，甚至Sam公公婆婆都覺得Sam媽"‘手羅’黎賤"，一日"0屣"咁多時間响隻狗身上，自己D 野反而無時間做!
甚至好多現有養狗0既人都覺得狗0者，使唔使俾咁多時間落去佢地身上，朝早訓遲D，夜晚蒲夜D，求祈帶隻狗出去行幾行，等佢搞掂大小二便就算啦。
一邊walk 狗，一邊講電話0既人周圍都係，邊有人好似Sam媽咁一路行一路同個傻仔講野，又玩快慢跑，甚至行行下玩command… 
(响條路度，傻婆一樣~)
點解walk 狗0既時間都要hea 隻狗? 平時你返工，佢都已經成日訓，放工開開心心一齊出下街，唔好咩?我明好多時放工返到屋企個人都謝晒，但係見到傻狗笑騎騎望住我0個刻，個人會醒返架! 
仲有，响屋企佢點聽話，出到街都係另一回事，得閒walk多D，等佢接觸多D 人多D 狗，隻狗開心之餘，見到佢咁，你唔開心D 咩? 你都會接觸多D 其他人啦，張氏一家仲因為咁多左好多朋友添!!
都市人返工係咁坐，點解唔將放狗睇成係做運動呢? 食飽飯同隻狗行下，肚dump 都細D 啦!!
無時間? 咁當初點解要養?
係，無可否認，如果屋企有個菲傭或者有長者0既，我地會無咁辛苦，但係教狗0既事情一定唔可以放鬆!
大家都奇怪點解通常狗狗會聽男性話多D，但係我家傻Sam係聽我話多D。一來Sam爸忙，無咩時間對住隻狗。二來，我真係用個心對個傻仔，盡量以佢狗0既角度出發~ 加上我地會無時無刻一有機會就train佢，只要做0岩野，我地都勁讚架
响呢個blog 我都成日會呻隻傻仔特別活躍過人，但我點都堅持帶佢出去行。甚至我而家脊骨同盆骨有事，我都唔會偷懶! 因為，我知道佢出去會開心，而會因為佢開心，我都會好開心!
好啦，廢up完，中文真係有限公司，自己睇都亂七八糟，明就明，唔明把就! 咪鬼challenge 我!! 
講得好岩呀！我一日放兩次狗，朝早天未光就要放喇，夜晚收工番屋企又要放，落雨，打風都要放，其他人會覺得我好辛苦，但係我就樂在其中喇！只要enjoy，其實一 d 都唔會辛苦呀，仲好開心添….
[版主回覆11/09/2009 01:05:00]我地落行大雪都出動架
其實我好enjoy walking 阿boy, 我真係當自己做運動﹐等佢辦完大小二事後﹐只會一味向前行﹐唔比佢周圍亂聞亂執野食﹐快步行夠佢20分鐘﹐真係精神爽利!仲有我家阿boy都係聽我話多d架
[版主回覆11/09/2009 01:06:00]我真係覺得身體好左架
我覺得你講得好o岩 ，養狗仔唔係一件簡單既事，要比好多心機去教同陪佢玩，唔可以話買左番黎，就唔理佢。我屋企人都覺得我好大犧牲咁，要早起身放狗，風雨大雪都不改，但同佢行下，等佢見下人同其他狗仔，唔洗成日都係對住我地兩個咁。
[版主回覆11/09/2009 01:06:00]係架，大家各取所需，幾好!!
我都好鍾意帶米米出去~雖然依家未有得同其他狗狗玩住… 我有時一日帶3-4次 = =" 佢散步時我又可以散下心~ 唔知佢係咪知道得我會帶佢出去~所以開始痴我d同聽我話d~ 不過同狗狗行街都真係唔可以分心~
[版主回覆11/09/2009 01:07:00]係架，出街要好一眼關七
[攞黎賤"，一日"0屣"咁多時間响隻狗身上，自己D 野反而無時間做!]這句也在我身上出現唔少.唔!我只可以話每人的角度不同,你當牠係隻狗,唔想用咁多時間係牠身上;但在我角度,牠係我的女兒,係我家庭成員,我唔會覺得係泿費時間的.因同牠一齊那隻快樂,係用錢買不到的.
[版主回覆11/09/2009 01:08:00]那隻快樂,係用錢買不到的<– 決對係!
你講得好好呀
養狗真係要由心出發 , walk狗真係好開心架 , 佢地係屋企呆等咗我地十幾粒鐘 , 當然要帶佢地行耐d , 扔下波 , 等佢地都開心下喇
[版主回覆11/09/2009 01:09:00]最緊要大家都開心呀嘛
真正愛狗之人都唔會有邊個走o黎 challenge 你。
[版主回覆11/09/2009 01:09:00]thank u
加多句: "training 還training，都要好好保護身體"
其實每個人都會因為一樣野而做少左其他野~ 咁岩我地果樣係另外一個生命ja ma…
咁你又唔好咁話自己！我同毛毛出街都成日講嘢！就算佢疴完篤屎都會讚下佢叻仔！
佢哋可能係我哋嘅一部份，但我哋係佢哋嘅全部！
講得岩啊. 當你係好愛 samsam 時, 根本唔會覺得同佢玩係苦差. 順便自己做埋運動, 一石二鳥啦~ 怪不得 sam 媽咁 fit