Sam媽日日都坐個幾鐘地鐵返工放工, 平時坐車唔係訓覺就係睇電視劇去打發時間
今日發生左一單好得人驚0既事……..
部車好多人, 逼到撞醒左我幾次
訓訓下, 突然有人好大力咁踢左我一腳, 即刻醒晒, 點知一開眼…
撞我0個個人, 晌我面前砰一聲跌低, 抽搐左兩下, 嘔左一大灘血出黎, 再不醒人事!
好驚呀, 嚇到大家散開, 我就成個彈起, 我驚人血架 
(叫做叻左架啦, 冇尖叫)
部車又咁0岩停站, 我嚇到澎澎聲行出車廂, 有人就去搵車長
轉頭, 30秒到我行返入去睇下個人點啦, d 人話0個個人起返身走埋! 
咁即係點呀????
最後車長黎睇過, 因為驚d 血唔知會有冇野, 所以赶晒d 人去第個車卡, 繼續運行…
Sam爸話好彩個人唔係仆落我度, 嘔落我身, 唔係我實係下一個暈低!!! 
但係我而家都仲驚緊…………………………………..
唔知點解，同SamSam行街行到某D 個位，佢聞聞下就會突然好似四腳無力，側身'噼啪'一聲倒地，四腳朝天，跟住好high 咁响個地度喪典幾下，然後又起返身繼續行… 萬試萬靈!
而家我盡量都會避開0個D 位，費事隻仔索得多更加癲!! 
聽某個狗主話，佢隻狗响同一個位，都係會咁…
究竟點解呢?
究竟係D 咩味令到佢地有D 咁0既反應呢?
點樣先可以解開呢個… 迷?
為求有安樂日子過，Sam媽增加左SamSam0既行街路程，結果Sam媽自己都行到死狗咁…
以下係新增後之路線圖… 行走時間大概係1個鐘~
呢個係上次Sam爸0既路線圖 (詳情請參閱你嘈夠未呀!! PART II)
基本上Sam媽加左0既果段係大斜坡，一於行死人 + 行死狗! 
p.s. 平時係行一半路程架咋
p.p.s. 夜晚臨訓前再行多次一半路程，死未?! 
p.p.p.s. Sam媽真係好累呀~~~~~~~~~~~~~~~~~~~~~~~
中秋去左費城做野, 晌街到見到呢位亞叔…
佢d 坐法真係'冇得頂'…不得不偷拍佢一下~
搵左好耐, 終於買到牛肝啦!
晌唐人街搵黎搵去都淨係得豬內臟, 但係竟然俾我晌鬼佬超市見到有!
即刻焗俾隻豬… 佢超鍾意, 鍾意到口震~
