平時SamSam幾曳都好,佢都無會growl,不過尋日,對住Sam媽第一次growl。

個情況係,帶佢落街,佢突然間係咁跳起咬手,咁咪好似平時咁choke 佢No 佢囉。

結果,佢越choke越咬得利害,越跳得勁…

突然… 佢growl, 對住Sam媽出牙!

果一刻,Sam媽好想喊,點解教左咁耐,日日訓練,對佢咁好,事事以佢為先,佢都會咁?

係咪我唔識教?

係咪我用錯方法?

係咪我… 跟本唔應該養狗??

食完飯, 裝好飯盒, 冇kam 實個盒, Sam爸Sam媽又坐左晌廳睇電視…

突然間唔見左隻仔一輪, Sam爸行入廚房, 發覺隻衰b 晌度偷野食!

偷乜? Sam媽個飯盒!!!!!!!!!!!!!

成盒南瓜唔見晒…………………….

個口仲擔住隻雞脾!

Sam Cheung 你係咪想死呀???????????????!!!!!!!!!!!

唔知係咪附近無金毛,再加上SamSam一見到人就狂fing尾呢,好多人都認得佢同知佢叫Sam。

早兩晚仲好笑,有個女仔坐响部車到停响路邊。我帶SamSam 行過,個女仔突然好開心咁對住我地叫Hi Sammy, Hello Sammy… 我定左定,笑一笑就帶傻Sam走…

好多時D 人叫佢,我都唔認得0個D 人,惟有陪笑say hello。

但係隻仔係成日都好興奮想撲人,我勁拉住佢都好啦,D 人都會走埋黎摸佢…
我話唔好,D 人就會話無相干,唔緊要…

而家唔係你唔介意就OK,我好介意你搞到我教唔到狗!!

衰Sam仲要係你無人理過佢,佢就會一路行得好好。一見過其他人同狗佢就會發癲係咁跳,係咁跳高咬我隻手…

你地放過我啦

可憐的…主角係Sam爸!

事關Sam媽又去左做野,無返屋企。Sam爸星期六又去左返工…

結果, 當Sam爸放工返到屋企,發現… SamSam瀬左臭臭!!

SamSam第一次!

但係無得怪佢,因為佢個肚肚唔舒服左成個星期。而呢個星期一直佢都可以忍到,又食住藥…

不過Sam爸帶佢去睇醫生0既時候,佢好唔聽話,激到Sam爸生蝦咁跳~

可憐的Sam爸次次都係Sam媽唔响度,隻豬就會整單傑野佢歎

p.s. 今次睇醫生好貴,成250美金!!! 因為醫生開左隻特別糧…