一早7 點幾就嘈, Sam爸起身帶完去廁所返房, 衰Sam就又開始嘈.
佢又唔係一直吠, 總之就係咁發出d 聲… 又吠下!
禮拜尾一早嘈, 隔離真係多得我地唔少!!!
仲要個個星期都係咁!!!!!!!!!!!!!!!!!!!!!
大概一個鐘度, 卒之靜左, Sam媽就死死地氣起身餵佢啦…
以為佢飽飽又行埋街, 我可以再訓返…
係無可能~
不停係度搵野搞, 搵野咬, 又係咁跳上我身, 跳上書檯, 跳上沙化…
你咁多玩具, 點解唔可以自己玩, 係都要人陪0者?
成日癡住晒, 你好煩呀!!!!!!!!!!!!!!!!!!!!!!!
{好頭痛… 好頭痛… 好頭痛… 
}
尋日發生左件事，我覺得所有狗主都應該作為借鑒。
係咁0既，Sam媽放狗0既時候同一個成日見到0既狗狗Charlie同狗主0係行人道傾緊計。跟住，有個亞裔女仔拖住隻Cocker Poodle (狗狗叫做Mia, 一歲大) 行埋黎一齊吹水。
3 隻狗响度穿來插去，玩玩玩… SamSam追住Mia，Charlie 老D(7歲)，無咁癲…
突然，Mia 扯斷左條狗繩，仲衝埋出馬路!!!!!!!!!!!!
嚇到我地3 個女人癲左，唔識做反應…
一兩秒之後，Mia媽即刻衝出馬路攬實Mia，好彩無車黎緊，Mia又無見主人追就繼續跑0者… 
呢件事可以俾到大家一個教訓，Retractable 狗繩真係唔得，太化學! 
特別D 大狗，狗繩要好小心選擇，免得意外發生~
成日都咁訓… 你條頸冇事呀嘛?
嘴都歪埋囉wor!
見到得意野，同大家分享下先…
日本最新產品 – 寵物專用淨水器
可以等狗狗飲用已經過濾的水之餘…
仲可以用來幫佢洗白白…
主人用都得架，美容の用!
再唔係… 一家齊齊洗白白!!
mini 連一年保用, 価格 78,750円（税込）
nano 連兩年保用, 価格 155,400円（税込）
PETURE nano by KIZNA
http://www.peture.co.jp/products/index.html
食完飯準備帶SamSam街街, 一開門, 有一大袋野挂晌度…
打開個袋, 好多狗零食呀!! 起碼有廿幾三十包(雖然係獨立包裝)!!!
聖誕老人黎過呀?
Sam: 媽咪話應該係樓上個叔叔俾架, 我好鍾意個叔叔架!
Sam媽: SamSam, 呢d 係好健康0既野食黎架, 叫做番薯乾!
Sam: 咁我食唔食得0既先?
Sam媽,: 得….. 如果你乖的話~
Sam: 聞下… 都好香wor…
即刻變乖樣, 得0左!
p.s…. 叔叔個老婆係上次話Sam媽0既衰女人! (詳情:紐約的爛樓)
兩公婆待人都唔同, 叔叔成日笑面迎人, 好好人; 個老婆就黑口西面!