可能好多養狗0既朋友都試過呢種感覺，Sam媽最近對住Sam豬真係有D 心力交瘁feel
自問係好學之人，亦都一直有好好教導，但係點解好似總是百厭非常?
呢排個衰仔成日都會無啦啦吠，明明前一秒同佢玩得開開心心，下一秒佢可以突然起身，對住你喪吠… 無人知佢為咩吠!
Ignore 試過，No 試過，Time out 試過，真係無所不用其極!
但係無一樣work…
尋晚幫佢洗隻發炎耳仔，本來呢幾日都好乖，點知佢突然間彈起，响我耳邊狂吠。嚇到我叫左出來不單止
，耳仔仲嗡嗡聲………..
佢吠人就捉佢time out，條友一見我地捉就拔腿逃跑，四圍'lei'
跳高咬手更加係日日上演0既戲碼~
如果呢個只係青春期，請問，幾時完?
據聞今朝腫到好似唔見左隻眼, Sam爸愛仔心切, 中午拎左2個鐘lunch 帶Sam豬去獸醫度~
獸醫做測試, 結果唔係發炎, 係敏感!
對咩敏感?
唔知!
Sam媽諗爆頭, 食物方面得兩樣野唔同
– 星期日, Sam婆婆食完緹子冇手尾, 俾Sam豬偷左皮同枝, 星期二嘔番出黎…
– 另外整左風乾火雞腎, 但係以前整黎食都無事…
屋企其他野無唔同…………………….
究竟對乜敏感呢??
除左眼眼, 耳仔就真係發炎, 要塗藥, 埋單又百幾二百, 痛~~~~~~~~~~~~
自從養左Sam豬之後，洗費多左好多，但係有D 又真係應該洗0既，例如今日收到0既呢樣野:
車車後座保護墊 Pet Hammock Rear Car Seat Protector, $59.95
折埋得個laptop 袋咁大~
成張打開，可以兜住隻狗狗，等佢玩到邋邋遢遢0個陣都唔會整到部車髒髒(其實我地部車已經成部運泥車咁lu~
)
又可以放低一邊唔掛，等人坐得舒服D…
個袋袋原來仲可以收埋狗狗D 用品，仲跟埋個travel bottle (好彩我地未買0者
)!
PVC料，water proof，邋遢可以椗入洗衣機洗~
而最抵0既係，Sam媽用分換返黎!! 
Brookstone 其實仲有好多野幾過癮~
HduO™ Water Dispenser, $229.95
人同狗都飲得~
Waterhog Custom Runner, $59.95
介紹話可以連狗狗隻邋遢腳都可以整乾淨先入屋
Toasty Toes Heated Footrest, $79.95
呢個好呀，我隻腳成日都冰咁凍!
Desktop Cat Seat, $29.95
呢個睇到我爆笑左出來
Donut-Shaped Nesting Dog Beds, Large $149.95
D 人話佢地D 床床好耐用… 好唔好買張呢?
但係好X貴!!
尋日返到屋企，唔見隻傻仔衝埋黎，四圍望下，佢原來响個籠度。
見佢係咁‘率’ 眼，發現佢隻右眼有D 問題…
眼眶成日都有D 液體，眼頭仲會有白色黏物，好稠，黏到D eye lash一pat pat。
眼球又紅過另一隻眼，係咁眨!!
阿仔你又做咩呀????????
在Facebook上，見到曾經係好朋友0既她，結婚了。
我並不在邀請之列。
Sam爸說我地都無聯繫咁耐，不明我為何耿耿於懷。
於是，Sam媽又要黎講歷史了…
朋友W，比Sam媽遲移民大概一年，但係好有緣，大家都係廣州人不單止，而且仲住左响同一間屋0既隔離室，真係一牆之隔! 我地成日都叫大家做"隔離屋"!
又因為大家都係讀同一間high school，所以真係有段時間好似孖公仔咁出出入入。
不過，as time goes by，佢開始拍拖，我又搬左屋，好多野都變左，包括我地0既關係。有段時間仲變到佢見到我會hi，bye~ 係真係講個兩個字!!
我一直都唔明點解，但又從來無去問過。
所以結果我地係完全無晒聯繫。
早幾個月，佢cousin 同我講，朋友W 生左，我好surprise。
而最surpise 0既係，佢老公! 當年佢老公追左我好耐，同朋友W 又無交流，轉眼咁多年之後，佢地竟然走埋一齊，再次證明呢個地球係圓0既~
雖然佢無請我，但係我好想真心地同佢地講聲，新婚快樂，祝你
!
Sam爸問左我一句，“你覺唔覺身邊D 朋友無個長久?”
我覺架，但係我真係唔知點解…
我係一個無朋友0既人………….
