在Facebook上，見到曾經係好朋友0既她，結婚了。
我並不在邀請之列。
Sam爸說我地都無聯繫咁耐，不明我為何耿耿於懷。
於是，Sam媽又要黎講歷史了…
朋友W，比Sam媽遲移民大概一年，但係好有緣，大家都係廣州人不單止，而且仲住左响同一間屋0既隔離室，真係一牆之隔! 我地成日都叫大家做"隔離屋"!
又因為大家都係讀同一間high school，所以真係有段時間好似孖公仔咁出出入入。
不過，as time goes by，佢開始拍拖，我又搬左屋，好多野都變左，包括我地0既關係。有段時間仲變到佢見到我會hi，bye~ 係真係講個兩個字!!
我一直都唔明點解，但又從來無去問過。
所以結果我地係完全無晒聯繫。
早幾個月，佢cousin 同我講，朋友W 生左，我好surprise。
而最surpise 0既係，佢老公! 當年佢老公追左我好耐，同朋友W 又無交流，轉眼咁多年之後，佢地竟然走埋一齊，再次證明呢個地球係圓0既~
雖然佢無請我，但係我好想真心地同佢地講聲，新婚快樂，祝你
!
Sam爸問左我一句，“你覺唔覺身邊D 朋友無個長久?”
我覺架，但係我真係唔知點解…
我係一個無朋友0既人………….
唔好唔開心啦, 自你有咗sam sam 後, 多咗我地呢班狗友呀ma!
[版主回覆02/18/2009 10:41:00]巧遠呀~~~~~~~~~~~~~~~~~~~~~~~~~~
一個人係會不停咁變, 如果你同朋友變既步伐唔一樣, 真係好難keep住呢段友誼.
不過唔緊要啦, 唔同階段有唔同既朋友, 呢種係好正常既事.
唔好放o係個心度呀, 好多人都係咁, 唔單止你一個架 .
[版主回覆02/18/2009 11:48:00]但係點解次次都係咁… 都幾灰…
我自從拍拖後都少咗同以前朋友來往 , 當然又有新識既朋友 , 大部份都養狗既
[版主回覆02/18/2009 22:30:00]係多左好多狗友，但係你地好遠呀~
I always think friends are a bonus, if I am able to make some that's great, if I don't it's too bad but that's ok too, after all, it's not totally up to you~ But I always remember this saying about friends: treat friends the way you want to be treated~
[版主回覆02/18/2009 22:30:00]ok, so here's my problem, i always treat the 'friends' as i wanted to be treat, but i never do get that feedback…… there must be sth wrong…
我都好明白你既心情呀，我曾經都有一個好朋友，大家係中學同學，跟住一齊出來做野，我真係當佢係好朋友，之後大家又在同一公司做事，雖然唔同一間branch，可能大家開始接觸呢個社會啦，慢慢大家就好少聯絡喇，不過，我自己成日都諗，好朋友係唔需要成日聯絡既，識左咁耐，有好多野都心照啦，點知原來唔係架，你當佢係好朋友，佢唔係囉，直到有一次有公司同事講我是非，佢信之餘，仲講埋一份，加多兩腳呀，我知道後好唔開心，我識佢咁耐點解佢會信人講野而唔信我呢？我最唔開心唔係有人講我是非，而係點解佢唔會走來問我呢，我同佢係好朋友呀！到而家我同佢大家都有避忌，見到面都只係點下頭，跟住就冇野講喇！