Sam爸今朝返工唔記得關閘, SamSam意外地晌屋企自遊行左一日!!!
Sam媽放工返黎見到個閘, 嚇到O嘴, 即刻睇下個衰b 破壞左d 乜~
有意外驚喜wor… 破壞情度遠遠少於想像!
1. 新買既cusion 2 個晌地下, 但係完整無缺
2. 書台支樽裝水落左地, 淨係撕爛左張招紙
3. 餐檯放住張買VICHY 0既單, 碎晒晌地下
4. Sam爸對護膝晌地下, 一定成pat 口水啦~ 我就唔掂啦!
5. 張床一pat 野咁, 個衰仔肯定又係咁扯黎啦…
係咁多啦, 真係估佢唔到wor~ 
Sam: 咦, mammy你讚我呀?
美國習俗，新娘會買D 紀念禮物俾bridal party，以多謝佢地幫手~
我得一個maid of honor (伴娘)，所以淨係需要買一份，頭痛少左，錢又洗少左!
考慮左好耐唔知買乜，又唔想太求祈，結果決定向Tiffany 埋手!
Best Friend 唔特別好牌子，我地兩個又鐘意D 簡單款式，應該唔難搵…
我又孤寒，唔想洗太多錢，所以齋睇$200以下手鍊~ 
結果，原來都唔係咁容易架!
1. Return to Tiffany, $125: 一條個牌係心型，一條係圓型… 好似行左D，不過條鏈同其他比，我覺得幾靚~
2. Elsa Peretti, $155: 星型吊墜會唔會細路左D??
3. Elsa Peretti, $150: 就咁圓形一塊牌，會唔會太奇怪呀?
4. Elsa Peretti, $140: 我個人幾鐘意呢個
5. Elsa Peretti, $140: 心型吊墜，又係覺得好似有D 行…
6. Venetian Link I.D., $175: 呢條個web site 話係男裝，但係我覺得超型格! 就係唔知佢會唔會鐘意…
邊條好呀各位?
你地D 狗呢，會無唔會成日挨挨蹦蹦架??
SamSam成日都好鐘意行到埋你身邊，跟住挨過黎，下一刻你就會感覺到佢將自己0既重量挨埋落你度!
其實佢由細都鐘意挨埋D 牆呀，門呀…
係咪安全感好D，好似人咁呢?? 
某朝早我開住廁所門裝身，條友又挨住牆黎望我~
注: 好明顯又係舊相… 張消防車carpet仲在生!!!
賤物鬥窮人, 係真架…
Loreal 連續一個星期開倉, Sam媽lunch 偷雞走左去shopping~
今日戰利品:
– VICHY, 未用過, 不過好多香港雜誌都recommended, 試試佢!
– Lancome, 一向都用開, 唔錯!!
埋單整多個八折, total $52連稅~
佢仲有好多野架, Kielh's, YSL, Ralph, Shu, 但係我估我太遲先知再去, 好多野都冇lu~
由於一味"葡國雞翼"，Scotchie 一家尋晚黎左我地度開餐~
老實說，搬左之後又養左SamSam，呢次係第一次有人黎我地食飯，更加係Sam媽第一次煮俾屋企人之外0既人食，巧驚哇!!
手忙腳亂之際，一張相都無影到，不過可以透露下煮左D 乜:
– 瑤楮炆冬瓜
– 葡國雞翼
– 椒鹽排骨
– 清蒸鱸魚
– 花期蔘煲雞腳湯
4餸1湯，白飯任裝!
亞boy一入屋就四圍聞，走去八下呢度係咩地方，SamSam就係咁同佢拍跳，超興奮~
兩條友成晚未停過，極度興奮，不停喘氣加不停飲水，個水兜邊變左成個水塘
不過又出乎我地意料之外，兩個又無平時响park打得咁癲wor!!
成餐飯都算食得安樂，原因: Sam媽俾整左kong，一狗一個! 雖然boyboy 唔識，但係SamSam就完全停晒，喘住食
但係有一刻，SamSam食緊kong，boyboy行得好埋，Sam發出警告wu，Sam爸即刻stop佢，個衰仔又笑ke ke無事…
咁今次我地又覺得唔係咁大件事，話晒兩隻狗都係差唔多年紀，有呢D 情況發生絕對正常，所以都無點罰Sam豬。
全晚唯一一張叫清楚0既相，因為佢兩個真係不停飄移，張張相都鬼影一堆
至於呢張相0既背後原因，就梗係Sam媽派米啦
下次可以再黎~