繼續再上一個星期發生既事…
星期五晚放工返到屋企，見到以下一幕，D 火'ham ham'聲標上黎!!
個膠袋邊度黎架???
我地平時雖然無手尾，但係膠袋一定會放好… 唔知條友响邊度搵到個出黎玩!!
Sam: 咩0者，你地唔擺好D 野，咪話我啦! *YAWN*
呢張carpet 最無辜… 0岩0岩帶個衰豬返黎就買俾佢，結果捱左一年，正式收工!
Sam爸: 死仔，我剛剛洗乾淨張野你就同我咬爛佢，一係你就早D 咬，唔使我洗!!!
Sam: 我聽到你同mammy 話買過張俾我0既，我唔咬爛，你地點記得買呀!?! 幫你兩老咋，成日都鬼咁無記性~
話佢0個陣，俾我影到佢呢個衰樣…
哨牙狗!!!
Sam媽真係weekday 返工先多時間update blog，有時候影埋影埋好多相， 但係無奈响屋企真係好少搞，咁搞到好多相擺左好耐都無機會放上黎…
好似呢個星期落狗C，咁先有時間post 返再上個星期D 相!
講緊係游水水0個個weekend…
返左去公公度，Sam爸要幫公公整printer，Sam媽咪見咁好天，就帶傻Sam去行下街~
行完之後，Sam豬唔肯返入屋，撻左响門口個porch 位度，扯極都唔理我!
Sam: 你咪扯啦，我唔返入去架啦，慳D 啦你mammy~
呢隻仔好鐘意俾風吹0既感覺，見佢咁enjoy，又咁難得好天，唯有陪下佢，坐門口~ 睇下個大pat pat!!! 
坐左成半個鐘，開始涼，Sam媽開始凍凍地
，"SamSam呀，返入去啦好唔好呀?"
Sam: 唉，mammy 你真係好唔掂架，好啦好啦，怕鬼左你，行啦!!
多謝殿下開恩~~~~~~
p.s. check this out: Pet Airways (更新)
我家聰明仔又一新作…
每當Sam爸踩brake，Sam豬就會醒目非常地，以九秒九速度，噤住前面張凳!
佢呢招噤凳萬試萬靈~
咁驚跌親咩??
SamSam你究竟係人定係狗呀?
使唔使咁醒?!
老實說，我覺得呢場流感並唔係咁大件事…
而家係流感季節，年年都好多人中招。
根據CNN 數字表示，一年死於普通流感0既人，單係美國就有36,000人。
今次0既2009 H1N1 (豬流感)，個人覺得俾炒作得太利害。到現今為止，因為染上H1N1 而死0既人都係墨西哥人，其他地方0既染病者都好快就已經痊愈。
就算係美國境內死0既小朋友都係墨西哥人…
墨西哥0既醫療唔算好好，好多人都係延醫而死。
傳媒話全美有100多間學校關左，好似好多咁，但係成個美國有幾千間學校… 比率唔算太高。大家都係太保護D 小朋友，驚佢地抵抗力唔好，容易有事先關左黎做清潔~
2003年0既一場SARS 令到中國人圈子聞風喪膽，稍微有D 咩事就驚餐死。
以紐約為例子，出入各個唔同0既場所，我都無見過有人戴口罩。直到尋日放工，終於俾我响馬路上見到一個人戴。而戴口罩0既呢位女士，正係亞洲人!
Again, 我覺得傳媒真係太過高調… D 新聞用字真係呢…
今早坐車，見到車廂有人睇緊中文報紙，個題目大概係: "XXX(唐人社區) 驚見疑似流感恐慌"，呢D 咁0既標題咪就係嚇死人囉~
美國傳媒今次又係報導得好勁，晚晚新聞就响度講D 人去掃藥掃口罩…
即使D 專家點講呢種病菌唔係咁利害都好，係人睇到D 咁0既新聞都驚到癲啦~
埃及個政府又係癲，都話唔關D 豬事架啦，又去殺豬… 做壞榜樣!
仲有0個位陳女士呀! 身為WHO 個亞頭，擺明散播恐慌! SARS 0個陣係咪俾人插傻左，而家郁下就升高個level，無病呀??
現時大家可以做0既係common sense 0既防範: 勤洗手; sneeze 0既話記得用手come住個口; 如果真係覺得唔舒服，睇私家醫生先，唔好郁下就去急症室，0個度先係最多病菌0既地方~
大家，真係唔好太驚啦，做好個人清潔已經好足夠架啦!!
以上係個人無聊廢up，唔0岩聽請彈開~