Monthly Archives: October 2009

第二日一早，响酒店食過早餐，再踏上尋楓之途~

Sam爸上網搵到D 資料，D 人介紹去D 好”偏僻”(對於我黎講)0既地方，話如果開滿山，會勁靚~

開車!

行過左少少，但係發現左一個好靚0既景，影相啦喂!!

今次影0既相無大執，不過因為天陰0既關係，影出黎0既色差少少，所以都係大部份後期都加返深色DD，D 相就已經好靚~

要過呢條橋，連車過!

上到山，望到一片黃葉，好灰

繼續向前去!

好彩D 景色都唔錯，黃色有黃色0既好睇! (自我安慰~)

唔係講笑，真係幾過癮架，你睇下，一大片草地加一群牛，個感覺似唔似Age of Empire 2? 哈哈~~~~

呢張係唯一一張我覺得見得人，知道我地真係去過尋楓0既相!

經過有個牧場，可能係星期日0既關係，差唔多係唯一一個開0既牧場。

嚴格黎講，佢都唔係”開”。因為佢都只係玩自助販賣!

淨係响日本旅遊0既blog 度見過有呢種販賣法，估唔到响呢度都有

佢張紙寫明咩size 就賣咩價錢，揀好就將D 錢放入0個個罐度，拎走你要0既貨。無散紙就自己响個罐度”找”。

Vermont 0既Maple Syrup (楓糖浆)好出名，所以我地都幫襯左2 罐仔~

就黎火雞節啦，整返只火雞好唔好?

去完Vermont Teddy Bear Factory, 再揸30 分鐘左右，我地到左第二站，Ben & Jerry’s Factory!

老實說，我好少食Ben & Jerry’s 0既雪糕

不過原來都幾多味!

個Factory tour $3，行左個工場一圈。可惜唔俾影相~

工場唔大，有好多production 都响另外一D 地方，不過唔好睇佢地方細細，一日都出好多雪糕架!

廁所都可愛D

呢部Cow Mobile遽聞係Ben & Jerry以前開去賣雪糕，信唔信… 由你!

最正係呢，佢地仲有個”雪糕墳場”，係俾D 出過但係唔受歡迎，續而停產0既雪糕。

有D 睇介紹好似好好食架，唔知點解都會停產…

去完Ben & Jerry’s，趁天仲光，四圍兜去睇下有無楓葉…

路過個牧場，見到有幾隻馬馬响路邊，落車影佢相!!

我地真係遲左啦… 你睇下D 樹葉?!
得返一堆枯葉

個天都開始暗啦，睇下遠D 個山，之前幾日落過雪，山上D 雪都未溶!

第一晚0既酒店位置响正Vermont 同 New Hampshire交界。

形成左… 訓响Vermont，食在New Hampshire!

呢晚我地响AJ’s Steak House食，一心覺得响Vermont 咁多牧場，牛肉一定會好好味，結果，失望…

以為內陸D 海鮮唔會好得去邊，反而個海鮮套餐有驚喜!

2 人套餐$38.99，有龍蝦，阿拉斯加大蟹腳，蜆同蝦。仲幾新鮮添~

題外話: 响間餐廳食食下野，見到有人帶埋隻狗狗入黎! 唔係細狗wor，係隻LAB! 隻狗狗11歲架啦，好乖，無行黎行去。個主人食完野，俾左條牛骨佢，佢就專心一意咁咬。我行埋去摸佢，佢都完全唔理我~ 呢D 帶埋大狗入餐廳真係只會响Vermont & NH 發生，紐約同香港係唔可能0既!!

坐左成日車，個個都累了，而且香港來的朋友帶唔夠衫，凍左成日，食飽返酒店沖個熱水涼，10點幾就個個都訓到死左一樣!

秋天最好去賞楓葉~

今年0既天氣好怪，10月已經超凍，又落幾場大雨，傻左!!

由於要等Sam爸busy season 完，本來最好賞楓期係10月頭，我地都要過左10月15先可以出發。

加埋有朋友仔响香港過黎，我地一行5人，4女1男，浩浩蕩蕩於10月17日晨咁早，6點半就出發~~~~~

呢架就係我地租0既JEEP，引用Sam爸: “唔怪之得間野要執!”

stupid 到爆0既design… 出面睇好似好闊好舒服，裡面坐得勁唔舒服，連前座都夾腳，低能!! 最勁係呢，個inspection 係過期0既!!!! 我地如果收ticket一定唔俾!

不過咁，我地本來想租部細車，Save $$，但去到佢地無晒日本車，免費upgrade 左呢部野俾我地。好彩佢upgrade 左，唔係完左呢幾日可能大家都要响床度攤返幾日

沿途D 樹都唔係咁紅，有D 擔心…

行過Troy，Home of Uncle Sam (關於Uncle Sam)

揸左幾個鐘之後，終於進入Vermont (佛蒙特州)境內…

Vermont 大部份都係山，放眼望去，山上樹木0既顏色都比較參次…

呢個州地多人少，牧場0既動物一定多過人口!!

好好天呀~

到達我地第一個目的地，Vermont Teddy Bear Factory

我地join 左佢個facory tour，係講解teddy bear 0既製作流程…

$2 tour fee，大概30分鐘tour~

一人有隻teddy bear pin，另外仲可以掛起一隻熊人型0既毛毛pin，如圖:

介紹唔同0既熊人造型，樑上有Cheer leader熊bear bear 一隻~

結婚熊人一對…

場外無聊熊型公仔造型相一張

Vermont Teddy Bear 呢個brand係有life time guarantee，如果隻熊仔爛左，你係可以寄佢返廠，佢地會免費幫你”救返”熊仔。

本來都有考慮買隻bear bear 0既，不過一想到SamSam會將佢分屍，我地就放棄左… 就算係life time都唔work，分分鐘鐘我地要一個星期寄返去一次fix，何必呢

最後淨係整左兩個penny pin…

Sam媽响過去呢個禮拜病到癲左，放心，唔係H1N1~

但係真係非常唔妥，頭暈，喉嚨痛，再加埋周身骨痛，好似個60歲阿婆咁!

另外，上個星期去左睇Chiropractor(脊骨神經科)，照左X光，驚左成個星期，終於星期三有結果!

結果就係人0既頸有7 舊骨，我有4 舊歪左；middle back有12 舊骨，我又有4 舊歪0既，其中最大鑊係有一舊變左型…

歪左0既骨可以align 返，但係變左型0既就無得救，只可以防止佢繼續惡化落去~

一直以為係Carpal tunnel 0既右手，原來係無，不過就shoulder separation。唔好問我咩係shoulder separation，我都唔知，大概個醫生係話我0既右手係出左黎，唔似左手咁痴住個背囉 (明唔明呀? 真係唔知可以點解釋… )

結果又睇埋物理治療師，佢話我係類似肩周炎，所以成隻手先會痛wor。

我地研究過，隻手好大機會係SamSam細個0個陣pull 得利害而造成0既(賴得就賴)~ 

黎緊一個星期要睇3次Chiropractor，2 次物理治療，連續一個月，希望好得返。

但係我個low back 又有D 料到，同個醫生講，佢話如果下星期都仲痛先再照wor…

唉…………

聽日會去road trip，坐咁耐車，希望我頂得順~~~~~~~~

買玩具，Sam媽除左要平之外，仲要係抵玩~

抵玩唔只係話個玩具可以玩得耐，最緊要個衰仔會唔會玩!

試過好多買左返黎，佢可以掂都唔掂，一年使好多呢D 冤枉錢

SamSam以前淨係玩繩繩類0既玩具，係近呢大半年時間先開始鐘意波波。

為左消耗佢0既體力，波波梗係有咁遠椗咁遠就最好啦，但係隻手就好容易報廢~ Scotchie 爸就俾左佢地個Chuckit Ball Launch 我地， 呢個真係偉大0既發明，個波可以飛得超遠~ 仲唔使彎腰執0個下好!!!

但係…

SamSam呢隻死仔包好貪新忘舊，再加埋佢盲中中，成日响草地都執唔返D tennis ball，所以我地會有橙色0既波波，遲D 會再買埋粉紅色!

當然仲有我之前提過0既紅色波波佢都勁鐘意啦~

不過Sam媽又搵到好野啦!

呢隻野唔好睇佢樣衰衰咁，佢都係Chuckit 系列，而且符合晒Sam媽買玩具0既原則。

原價$11.99，減價時候買入，只需要$5!

一次滿足SamSam多個願望: 有繩繩，有波波，仲好好咬口添!

Sam媽度過架啦，就算佢咬爛繩繩，呢隻野個size係可以用到Chuckit Ball Launch，加埋佢D 物料堅過石堅，應該可以有排玩。

仲有，好難得，SamSam可以自己拎住黎玩!!

你話係咪抵?!