放工同SamSam行街，成程佢都行得好好。
行到某間屋，個女人開門入屋，門一開，佢隻癲狗就破門而出，撲向我地。
我將SamSam拉去我身後，我擋晌前面。但隻癲狗咁追住SamSam，SamSam就係咁避。
我一路叫一路用隻腳隔開隻衰狗，唔俾佢埋身。
個主人就淨係識叫，隻狗一D 都唔理佢。
結果，隻衰狗應該係有整到SamSam條尾!
跟住，個主人終于埋黎block 住隻狗，但係竟然無拉返實隻狗!
我第一時間拉SamSam走!!!
個慘仔，勁驚咯，我一邊行一邊同佢講"it's ok"，佢都係唔理我，喪走~~~
行埋一邊我好快咁check 左佢一下，唔見有D 咩事，不過就多左陣怪味。
返屋企上網research，原來狗狗驚0既話，係會"bit"肛門腺!
可憐0既Sam豬，Sam媽保護不足，對唔住呀~~~~~~~~~~~~~~~~
(原本以爲自己唔驚，到拎刀切野，先感覺到自己隻手係震0既………….)
最近"養多隻"0既想法好厲害~
見到好多blog 友，網友養兩隻0既都好似好開心咁，心思思…
如果我再養多隻，我會希望
– 領養0個D 退役0既Assistant Dog，等佢地有個好0既晚年
– 或者唔合格0既Assistant Dog，容易D train!
– 總之一定要領養!
– 一定唔會再養puppy，好辛苦~~~
不過應該都只會係想啦…
Assistant Dog即係又係大狗，樣樣皮費都重D。
如果去旅行，boarding 都要x2!!
另外，個個星期帶2 隻大野返娘家，Sam婆婆一定會想殺左我
如果adopt 隻細狗，Sam爸又唔鐘意太細隻0既…
最主要，我而家照顧一隻都想死，整多隻應該會跳海! 
仲有… 要分薄SamSam 0既愛，我得唔得呢??? 
(發完up 瘋啦
)
我地遇上house #6… 呢間真係無論價錢，裝修同size都無懈可擊，雖然個agent 已經同我地講呢間野咁筍一定有D 野，叫我地想清楚先落bid。
最終我地敵不過心中0個團火，照落bid，就算back up bid 都要落!!
結果咪就係又遲人一步囉… 
正當我地睇屋睇到洩晒氣0既時候… 有D 野就係咁… 你越無希望就越容易搵到你要0既野!
Labor Day Weekend (9月第一個星期)，我地又出動!
睇左幾間，見到有一間(house #7)同Sam爸之前鐘意0既style 好似，不過就幾爛下，要裝修~ 佢就有顧慮…
Sam媽繼續係see beyond the picture，只要個價錢傾得掂，自己裝修過呢間0既話，就一定可以住得好舒服。
同agent 傾，佢都話覺得個價錢可以傾之餘，仲約略同我地run 左D 數字，大概要幾多錢可以整到我地覺得需要整0既野。而且佢仲話如果我地整得好，呢間屋個地咁大，再賣0既時候應該可以賣得到我地之前鐘意0個間0既價。
於是，我地落左個幾低0既bid。
一日後，Agent同我地講，呢間屋有另一個bid，高我地少少，不過個買家無pre-approval 資料，話我地應該match 佢地個bid就ok，因為我地有齊所有野，賣家會寧願賣俾我地。
同意! 去馬~
一個星期都唔到，我地就傾掂左個價錢，可以驗屋啦!
呢度買屋過程係咁0既… 你睇好左間屋，傾好價錢，就要驗屋，驗屋過程中如果有D 咩問題，你覺得太差接受唔到，可以back out又或者要求屋主整返好或者要求佢地將個cost 計落個賣屋價錢度減返出黎。驗完ok啦，就可以由賣家0既律師出正式買賣合約俾買家律師，買家就要去律師度睇下份約有無問題同簽約，之後就送返份約俾賣家簽。
買家簽約0既時候會俾大”定”，D 錢會入落賣家律師戶口先，唔會到賣家手上。响呢段時候，買家就要搞貸款0既野。最後，Closing 0既時候，就係交鑰匙0既時候啦!
9/11，Sam爸唔得閒，Sam媽拎假，自己同Agent一齊驗屋!!
總括黎講，驗屋出黎0既結果都同我地所知0既差唔多，驗屋師都話50幾年屋，呢間算ok。
但係Sam媽越睇就越擔心好似好多野搞咁…
– 所有地氈要鏟起換木地板
– 電線要拉過 (呢個之前唔知，要add cost $$$
)
– 某D 門好舊，要換
– 成間屋要油過
– 某幾間房D 牆板要換
– 其中一間房個天花要整過
– 某幾隻窗要換過
仲有好多’lam lam some some’ 野要執~
不過呢一刻要focus 落搞掂貸款先，因為我地已經簽左約，落左大”定”啦! 
雖然未正式屬於我地，都俾你地睇下我地間屋個外殻啦!
間屋有一個車房連私人車道，4間臥室(會改成3房)，一個洗衣房，一個den(會做書房/遊戲室)，Living Room/Dinning Room，2個廁所(得一個有bathtub)，無basement無attic，不過有fireplace! 
而家無咩可以做，就真係得個等字~
上一篇先讚過SamSam，話聼話左，點知…
尋晚放狗，見到樓上都柏文KK同另一隻細狗，於是放繩俾佢地跑下…
KK帶左個公仔黎玩，SamSam攞左黎玩不但只，仲發左癲咁喪跑!
玩到咁到上下，KK想要返個公仔，SamSam就係咁避開KK，跑開~
見條友仔跑離平時0既位置，我就追返住隻傻仔，追追下聼到有狗E 牙發惡聲，雖然離得佢地有D 距離，但係我肯定無聽錯囉!
跟住佢地返左埋人堆，我又隱約聽到wu 聲，不過細狗個主人話係佢隻狗，咁我就由佢啦。
過左陣，我見個衰仔開始扯隻公仔，始終係人地0既野，梗係要stop 佢啦。
我行埋佢度，叫佢drop。佢擰開個死人頭，我咪伸手捉佢狗頭囉…
就係咁樣… 我又再次見到佢憎獰wu 人個衰樣!!
一見佢E 牙，我即刻拉返住佢條leash，要佢坐返好，choke 佢條狗圈NO 佢。
個死仔都係E 牙wu 我，我"bear" 住佢，繼續no 佢，要佢drop個公仔。大概1－2分鐘左右，我"bear" 到佢驚，終於drop 左! (好過上次好多啦…"嚇親…"。Sam媽自己有左上次0既經驗，無發惡發癲，只係好平靜咁俾command!)
一drop 左，我就拉開佢，離個公仔遠一遠，要佢坐好，望返住我，我俾返D 柔和0既眼神，讚返佢good drop~
之後就無放過繩，KK過黎擔返走個公仔，但係SamSam都仲係想去攞，我驚佢又唔知做D 咩，結果咪走人~
同Sam爸講返件事，我話唔明點解成日都係咁玩架啦，點解個衰仔會突然發惡呢? 平時佢食野，玩野，我都會突然伸手搶佢，咩事都無架…
Sam爸話應該係因為SamSam唔係"咁鐘意"0個D 野，當佢遇到真係"鐘意"而我地又想搶佢0既時候，佢就會發惡…
都講得通0既~ 但係點好呀以後?
Sam爸仲話，其實上次boy boy 地過黎，我俾KONG 兩隻狗0個陣，boyboy 行埋去SamSam度，SamSam當時食緊都有wu 過boyboy! 呢樣我真係唔知道，無留意到添!!
今次就話我有留返條leash响個衰仔身上0者，如果無，下次佢又發惡，我都唔知點樣埋佢身stop佢……
